الشيخه الفلانيه
31-05-2016, 01:31 AM
-
ولو تدرين ان النبرة الاولى لصوتك
وحدها تقدر تنجّيني
تعيّشني بأمان وأمن ... وترضيني
برغم الساكنين من السكاكين / الاحبة
قطعتني في قلوب كثار
مليانه سدر
مشحونة بغربة ..
ووحدك من جمعتيني !
**
عرفتي ليه احبك كل هذا الحد
الى آخر حدودي بالظنون وكل ما القاه يكون انتي ..
في كل شي أشوفك كنت
يا اما اشوفك فيه ..
يا اما هنا كنتي .. !
وفيما كان كل العمر لحظة تيه
كنتي الصوت في توحيد روحي فيك يا انتي
ياصوت الحياة المانح الفاتح بروحي كل مداينها
بعد ازمان هجرة اهلها منها ..
تشقق وجهها ..
متجهمة من عصر ماكان المطر بالارض
ولا توحي سوى بالبرد ،
بالمنفى ..
في ما كان لا اشكال تعرفها ولا الوان
حياةٍ قاتلة منزوعة الايمان
ولقت بك ريحة ٍ تعني وطنها
واختصرتيني !
**
وجيتيني
من كل اتجاهات الجهات
باختلافات اللغات
الالسن
الالوان
والاصوات
في اعظم من المكتوب بالارواق
ب ( صوت الحب )
من الانسان الى الانسان
مثل ماكنت اعـْرِف ريحته
طعمه ..
مروره بالشعور الخالد المتشابه الواحد
والارض اللي يمر فيها ويبنيها
بطعم الحب
عرفت آحب
وجدير بكثر ما ينحب
***
متى ماعربد بصدرك رياح شتاك
و برد الغايبين استفردك
هزك ..
كسر بك
وسد الدرب عن دربك
وحيد وغربتك دود انتشربك
والحزن طال وتخمــِّر بك
ولا كان أحَّـد بقربك !!
:
حبيبك من حطب لك من شجر روحه دفاك
ورد صار الظل ..
يبلل صدرك اليابس
ويمسح جفنك المبتل
حبيبك من يكون الكل
بضحكة تزهر بوجهك حدايق فل
بلمسة تشعرك في ثانية معناك
وتتوزان حياتك في دفاه بكثر ماكانت ..
من برد العمر تختل !!
حبيبك من لقيت بصدره بلادك واهلك كل
ماضاعت من عيونك عناوين الدفا :
صاحب تحبه
قلب شاغر
قلب مستعمل ..
او من كان في يوم بحياتك خل
وتتأمل :
حبيبك من يعوض كل نقص
بأي جزء بروحك ومن قبل تتكلم
يصير الجزء الأجمل فيك
والأكمل ..
حبيبك نفسه اللي ان غاب
حضر بك حزنك الاشعث وصار اطول ..
تحس بقلبك الخشن يتآكل من بعد ماكان
وجهك فيه يتهلل ..
ويتبلل باحبابه
ويتظلل .. !
***
لذلك كنت احبك والمعاني غير حتى عن معانيها
احبك لين اشوف الريش من بينالحروف يطير
والالحان تتجدد
وتتوحد
وتتمدد
وتكبر في بعضها
باحتراف العازفين / العارفين بكل خلطة شعر
ارتبها
جميلة
هينة
متهيئة لك
لينة
مستعجلة حد انها تمشي عليك ومامعاها ظل !
واظن انك
واظن اني
توحدتك
وصرتيني
وصرنا اثنينا فينا
الى هذا المدى نقدر
نكفينا !!
***
على هذا تركتيني
عليه واشعر بطعمه
باول خطوةٍ مديتها بالعمر
وكانت باتجاه الصح والافصح
متى ما جاع لك قلبي
تقاطر قلبك بسلوى ورجع يقطر علي بمن !
وكل ارض انتهت خطوات رجلينك عليها تصير لي موطن
وهذا أقصى حدود انك تحب بفن .. !!
***
احبك كثر ما باقي عمر بالعمر يمديني
بنكهة روحك وريحانها
وانتي تحبيني ..
احب اني احبك واسلتذ انك ترديني
تغيضيني ..
وتلمين الشِّعر لما تشظيني ..
تخليني احس اني انا الموحى عليك
وفاض بي نهرك يطهرني ينقيني
قبل ايديك تاخذني وتعصف كل مافيني
وانتي الآمنه عندي
وانتي المؤمنة فيني
واحب اني : تحبيني !
تظنيني عقلت وصرت مجنونك ؟!
انا محتاج احبك كل يوم بعكس ماتتوقع ظنونك
واتشكل مثل ماتشتهي عيونك
واتلون مثل لونك
ولا اعزف مقامات الشجن الا
على اوتار ضحكاتك
على نوتة ضياك
المجتمع حولك ومن دونك ..
وكل مامر بك خاطر تجيني
تزهريني
تتركيني للربيع
وتمنحيني
ماتبسم من زهر له ريحة الياما
وياما
ما تقسم بيننا
والعشب ينبت من جديد بشفتي
ويعيد تلويني
تطير من الصدر
عندك : عصافيري
بلا استئذان سوى ماتتركه فيني
من الايمان
شعوري ان الاقرب للكمال
انسان
لما يصير مو اكثر ولا ادني من أي شي
سوى انسان !
وعصافيري لحد الان
تجمع لك من اسراري الكثير
وما اخبي بجيب عيني
بعضي مافيني
شعوري انك اجمل من قتلتيني !
عشان احيا بك بما يفترض اني اكونه
مثل ما كنتيه
وصرنا مثل ماحنا عليه الان :
اعيشك وانتي تعيشين فيني
تمنحيني عمر يكفيني
احبك لين ما شوفك كبرتي بي
كبرنا واختلط بسنينك سنينني
نسينا كم كنا
وكم صرنا
لغاية انا
كلنا صرنا بحّنا
وصرت ماادري انا من بيننا ويني ؟!
***
جمعت من الشتات / الشعر
وسال الأزرق
اكثر ما اظنه :
من نهر كوثر بعينك
ورَدْ لأرضه بعيني !
واصير بخير
وانتي كل ماتعنيه كلمة خير
من اول بذوره
لامتداده
لاخر الارض
السما
والغيب
من يوم احتويتني ..
وتجمَّع فيك كل مافات مني ومابقى فيني
رسمتي في حياتي من حياتك مايخليني
اخاف ان نمت اضيع بحلم
ويمكن ماتعرفيني !!
***
سالتيني :
تظن ان الحياة ان حاولت : تقدرك تنسيك
او تنـّسيني ؟!
سألتيني :
وانا ماقلت لك اي شي
تبسمت
ولمست ايدك كثر ماكنت ابي ارجع معاها
واقدر آعيدك
ازيدك من دفاي
واحتميت بكل ما اقدر بصوت غناي
يا اجمل من عرف معناي
ياصوت الناي
يا ضحكة زماني
ياسبب ماخفتي انه جاي
بصوت شتاك وبرد شتاي
ويا فوضاي ...
انا الواقف على الابواب اغني لك
" اسامينا "
وتتبسم عيونك تضحكين
ادري قصدتي الناس
وارد اكثر اغني :
"وش تبي فينا !"
وهذي الناس ..
هي ضاقت عليها الارض
او ضاقت " باسامينا " ؟!
اسامينا
اسامينا
ولاهي من كلام الا :
اسى اكثر اذا ماهي
تجمـِّعنا اذا ضعنا عن الارض
وتصير اول مراسينا
وحضن البحر والمينا
ابجمع كثر ما اقدر ليالينا
لعل اللي لقيته منها يقدر يكفينا
يدفينا
ويحرقنا ويطفينا
وننسى كل مايمكن يلّهينا
عن الشوق الطويل
وما ترك فينا !
خلينا نعيش وماعلينا :
كملي لي :
( ياحبيبي ماعلينا
من كلام الناس)
( اسامينا )
اجمعي الليلة معاي اللي تشتت
واتجمعي به شمل اغانينا
اغانينا لنا
والناس اغانيها علينا
ماعلينا من كلام الناس
وخلي الناس تسمعنا
وتحفظنا
وتطرينا ..
تسأل عننا لما نغيب
شصار فينا بعدها
وش كان فينا
وكان :
فينا اللي مكفينا
ما بين ابتلاء
او رحمة الله
في طيور تطوفنا
تنفض علينا ريشها
بمثل السكون
ومادرينا ويننا
مدري نسينا ..
او سبحان من يعلم
وش اللي كان فينا
غير ما فينا !!
فهد دوحان
ولو تدرين ان النبرة الاولى لصوتك
وحدها تقدر تنجّيني
تعيّشني بأمان وأمن ... وترضيني
برغم الساكنين من السكاكين / الاحبة
قطعتني في قلوب كثار
مليانه سدر
مشحونة بغربة ..
ووحدك من جمعتيني !
**
عرفتي ليه احبك كل هذا الحد
الى آخر حدودي بالظنون وكل ما القاه يكون انتي ..
في كل شي أشوفك كنت
يا اما اشوفك فيه ..
يا اما هنا كنتي .. !
وفيما كان كل العمر لحظة تيه
كنتي الصوت في توحيد روحي فيك يا انتي
ياصوت الحياة المانح الفاتح بروحي كل مداينها
بعد ازمان هجرة اهلها منها ..
تشقق وجهها ..
متجهمة من عصر ماكان المطر بالارض
ولا توحي سوى بالبرد ،
بالمنفى ..
في ما كان لا اشكال تعرفها ولا الوان
حياةٍ قاتلة منزوعة الايمان
ولقت بك ريحة ٍ تعني وطنها
واختصرتيني !
**
وجيتيني
من كل اتجاهات الجهات
باختلافات اللغات
الالسن
الالوان
والاصوات
في اعظم من المكتوب بالارواق
ب ( صوت الحب )
من الانسان الى الانسان
مثل ماكنت اعـْرِف ريحته
طعمه ..
مروره بالشعور الخالد المتشابه الواحد
والارض اللي يمر فيها ويبنيها
بطعم الحب
عرفت آحب
وجدير بكثر ما ينحب
***
متى ماعربد بصدرك رياح شتاك
و برد الغايبين استفردك
هزك ..
كسر بك
وسد الدرب عن دربك
وحيد وغربتك دود انتشربك
والحزن طال وتخمــِّر بك
ولا كان أحَّـد بقربك !!
:
حبيبك من حطب لك من شجر روحه دفاك
ورد صار الظل ..
يبلل صدرك اليابس
ويمسح جفنك المبتل
حبيبك من يكون الكل
بضحكة تزهر بوجهك حدايق فل
بلمسة تشعرك في ثانية معناك
وتتوزان حياتك في دفاه بكثر ماكانت ..
من برد العمر تختل !!
حبيبك من لقيت بصدره بلادك واهلك كل
ماضاعت من عيونك عناوين الدفا :
صاحب تحبه
قلب شاغر
قلب مستعمل ..
او من كان في يوم بحياتك خل
وتتأمل :
حبيبك من يعوض كل نقص
بأي جزء بروحك ومن قبل تتكلم
يصير الجزء الأجمل فيك
والأكمل ..
حبيبك نفسه اللي ان غاب
حضر بك حزنك الاشعث وصار اطول ..
تحس بقلبك الخشن يتآكل من بعد ماكان
وجهك فيه يتهلل ..
ويتبلل باحبابه
ويتظلل .. !
***
لذلك كنت احبك والمعاني غير حتى عن معانيها
احبك لين اشوف الريش من بينالحروف يطير
والالحان تتجدد
وتتوحد
وتتمدد
وتكبر في بعضها
باحتراف العازفين / العارفين بكل خلطة شعر
ارتبها
جميلة
هينة
متهيئة لك
لينة
مستعجلة حد انها تمشي عليك ومامعاها ظل !
واظن انك
واظن اني
توحدتك
وصرتيني
وصرنا اثنينا فينا
الى هذا المدى نقدر
نكفينا !!
***
على هذا تركتيني
عليه واشعر بطعمه
باول خطوةٍ مديتها بالعمر
وكانت باتجاه الصح والافصح
متى ما جاع لك قلبي
تقاطر قلبك بسلوى ورجع يقطر علي بمن !
وكل ارض انتهت خطوات رجلينك عليها تصير لي موطن
وهذا أقصى حدود انك تحب بفن .. !!
***
احبك كثر ما باقي عمر بالعمر يمديني
بنكهة روحك وريحانها
وانتي تحبيني ..
احب اني احبك واسلتذ انك ترديني
تغيضيني ..
وتلمين الشِّعر لما تشظيني ..
تخليني احس اني انا الموحى عليك
وفاض بي نهرك يطهرني ينقيني
قبل ايديك تاخذني وتعصف كل مافيني
وانتي الآمنه عندي
وانتي المؤمنة فيني
واحب اني : تحبيني !
تظنيني عقلت وصرت مجنونك ؟!
انا محتاج احبك كل يوم بعكس ماتتوقع ظنونك
واتشكل مثل ماتشتهي عيونك
واتلون مثل لونك
ولا اعزف مقامات الشجن الا
على اوتار ضحكاتك
على نوتة ضياك
المجتمع حولك ومن دونك ..
وكل مامر بك خاطر تجيني
تزهريني
تتركيني للربيع
وتمنحيني
ماتبسم من زهر له ريحة الياما
وياما
ما تقسم بيننا
والعشب ينبت من جديد بشفتي
ويعيد تلويني
تطير من الصدر
عندك : عصافيري
بلا استئذان سوى ماتتركه فيني
من الايمان
شعوري ان الاقرب للكمال
انسان
لما يصير مو اكثر ولا ادني من أي شي
سوى انسان !
وعصافيري لحد الان
تجمع لك من اسراري الكثير
وما اخبي بجيب عيني
بعضي مافيني
شعوري انك اجمل من قتلتيني !
عشان احيا بك بما يفترض اني اكونه
مثل ما كنتيه
وصرنا مثل ماحنا عليه الان :
اعيشك وانتي تعيشين فيني
تمنحيني عمر يكفيني
احبك لين ما شوفك كبرتي بي
كبرنا واختلط بسنينك سنينني
نسينا كم كنا
وكم صرنا
لغاية انا
كلنا صرنا بحّنا
وصرت ماادري انا من بيننا ويني ؟!
***
جمعت من الشتات / الشعر
وسال الأزرق
اكثر ما اظنه :
من نهر كوثر بعينك
ورَدْ لأرضه بعيني !
واصير بخير
وانتي كل ماتعنيه كلمة خير
من اول بذوره
لامتداده
لاخر الارض
السما
والغيب
من يوم احتويتني ..
وتجمَّع فيك كل مافات مني ومابقى فيني
رسمتي في حياتي من حياتك مايخليني
اخاف ان نمت اضيع بحلم
ويمكن ماتعرفيني !!
***
سالتيني :
تظن ان الحياة ان حاولت : تقدرك تنسيك
او تنـّسيني ؟!
سألتيني :
وانا ماقلت لك اي شي
تبسمت
ولمست ايدك كثر ماكنت ابي ارجع معاها
واقدر آعيدك
ازيدك من دفاي
واحتميت بكل ما اقدر بصوت غناي
يا اجمل من عرف معناي
ياصوت الناي
يا ضحكة زماني
ياسبب ماخفتي انه جاي
بصوت شتاك وبرد شتاي
ويا فوضاي ...
انا الواقف على الابواب اغني لك
" اسامينا "
وتتبسم عيونك تضحكين
ادري قصدتي الناس
وارد اكثر اغني :
"وش تبي فينا !"
وهذي الناس ..
هي ضاقت عليها الارض
او ضاقت " باسامينا " ؟!
اسامينا
اسامينا
ولاهي من كلام الا :
اسى اكثر اذا ماهي
تجمـِّعنا اذا ضعنا عن الارض
وتصير اول مراسينا
وحضن البحر والمينا
ابجمع كثر ما اقدر ليالينا
لعل اللي لقيته منها يقدر يكفينا
يدفينا
ويحرقنا ويطفينا
وننسى كل مايمكن يلّهينا
عن الشوق الطويل
وما ترك فينا !
خلينا نعيش وماعلينا :
كملي لي :
( ياحبيبي ماعلينا
من كلام الناس)
( اسامينا )
اجمعي الليلة معاي اللي تشتت
واتجمعي به شمل اغانينا
اغانينا لنا
والناس اغانيها علينا
ماعلينا من كلام الناس
وخلي الناس تسمعنا
وتحفظنا
وتطرينا ..
تسأل عننا لما نغيب
شصار فينا بعدها
وش كان فينا
وكان :
فينا اللي مكفينا
ما بين ابتلاء
او رحمة الله
في طيور تطوفنا
تنفض علينا ريشها
بمثل السكون
ومادرينا ويننا
مدري نسينا ..
او سبحان من يعلم
وش اللي كان فينا
غير ما فينا !!
فهد دوحان