المساعد الشخصي الرقمي

مشاهدة النسخة كاملة : 3l3l - x ❤️❤️'



مفتر رآسيَ !
04-10-2014, 11:54 AM
.,





اليوم شو ؟ اليوم عيد
محد هنانيَ :(
محد دقلي من الصبح وانا منخمدهَ وقال كل عام وانتي عيدي

ياخي والله انا مسلمه ، نفسكمْ
ليش تعاملونيه شزيه ����'

اخرط اصلاً فوني ابد ماسكتَ والمسجات ماوقفن
الحمدلله وايد ناس تحبني ��


ياخي كاشخه محد شافني ههههههههه
غير اللي فالبيت ��
ماطلعتَ برا البيت ، اخاف بصراحه
مافيني ع الشسمهَ هههههههههههههههه
نعم ؟

وشو بعد !

حرام وين مدونتيـه القبليه
ليش فريتوها ف الزبالة :('
هذا تعبي وشقايَ :(

انزين ابا عيديـه
اعرف وايدَ اتكلمَ
بس اصلاً انا فالواقع هاديه
ماتكلمَ كثير ����'



وبس ،،

شو شو بعد ابا اتكلم !

مفتر رآسيَ !
04-10-2014, 12:07 PM




متى بيي الفتك ياخي بروح عند بنات عميه
نخمس لاه !
عازمينيه ع مطعم هههههههه
عيديتي ❤️��
الناس تاكلم لحم ونحن من المطاعم
شو نسوي ياخي ، متورينَ مرآ
بس قسم لو حد ياناَ بدعي عليه صصصص
مابتخلينيهَ اميه اطلع :('
انزين والعزيمة ؟ قسم ماتتفوتَ وببلاشَ !
ابا هذاك البطاطا ��

يصير خير لين خلاف ،.


وداعاً ورايه شغل مرا ههههه ����

مفتر رآسيَ !
05-10-2014, 03:05 PM
ليش محد قالي مدونتج حلوه
عنلاتكمٰ كيف حساد ��!

بلا لا بلا ماهتــمَ '
المهم اعبر عن مشاعيريَ واحاسيسيَ :('

ملل ياخي ' شو هالعيد استغفرالله :)!


حتى هنا ملل ، مرض عافانا الله :)'

ب -.-

مفتر رآسيَ !
06-10-2014, 10:42 AM
شو هالاجازه الماصخه :)
حد يداوم رابع ايام العيد :)
لا وف نص الأسبوع ؟


يلا مناك ، فاضيلكم نحن
والله ف١

اليوم تنورنا ياخي هع
انا احتشر واحتشر واخر شي ما آكلَ وايد -.-
ماحب اللحم كتير لاه

ابا محشي :(:('

وينج يا بوتاشيَ ص١'

اسمينيهَ من أوصل هناك بطلب
اتوحمَ خخخخخ


..

مفتر رآسيَ !
07-10-2014, 08:32 PM
ههههههههههههههههههههههههههه
اضحك ع حالي
لالالا
حالي المضحك لالالا

شـ هالمصخره ، شو هالعيديه ؟
اونه ٤٠ درهم اقصد ٤ ريالات
هههههههههههههههههههه
مصخرتونيهْ لما فيه الكفاية :)'

^ خلص العيد وانا بعدني اهاذيبهَ خخخ

بخصوص الدوام ترى الكلاسات تكنسلنَ
صدقهم لاه..
ايـه ده العبط ده :/

ماصخين :)


ع فكرهه انا حزينـه حالياً :(!
وحزن عميق :('

جب مايخصكّم ليش حزينـه ����'

ياندمانه ع حبي وايامهَ 555,

< فصلت :)

مفتر رآسيَ !
10-10-2014, 03:16 PM
ماني ع بعد الردي نادم !












^




استغفرالله بلاني جيه مستويهٌ
باررردهٌ واستفزازيه وبقووووهٌ


يت عندنا حرمه عميهٌ ، انا وهيه ماعرف كيف
هيه مادانينيٌ ابدا كله يوم تشوفنيهٌ لازم طلع فيني عيب لو مافينيهٌ بطلعهٌ غصب
تعرفون ليش هالحقد كله ؟ تبانيّ حق ولدها هههههههههههههههههه :)
بس انا رفضت هالشي ، من ذاك اليوم وهيه حاطه عليه حطه
ويوم اكون محد فالبيت تسال عني ههههههههه
الحين تحبني ولا تكرهنيّ هذي !
وعميه يضحك عليها !


طبعا انا كاشخه وكذا ، وراسمه عينيه رسمه خفيفه حلوه
المهم ، يوم ييت اسلم عليها
انتبهت ع عينيه قالت : بلاج جذا راسمه عيونجّ
جان أقولها : تبينيه ارسملجّ من فوق البرقع ؟


هههههههههههههههههههه ماتت قهر ، طالعتني بنظره من فوق لتحت
جان اقولها : شكليه عايبتنج من جي طالعينيّ !
وصدت عنيه هههههههههههههه


وعقب سرنا نتغدىٌ لاه !




تعبت من كثر ماكتب ،


ب -،-

مفتر رآسيَ !
13-10-2014, 06:49 PM
6 مخالفات

الله واكبر عليكم ،. شو انتوا ؟
بنتم نصرف عليكم يعني !
بروحكم انتوا يبالكمَ راتب '
تعلموا من اليابان ياخي ، اطورتواَ في كل شي
الا هذا يعني انعمتَ عينكمَ ، يعل عينكمَ البط :)
لا بعد يطرشونَ من فير الله مضبطينَ الوقت الساعه ٦
يعكرونَ مزاجنا ع الصبح :)

ماشوفهن يوم يصورن ههههههههه ، تفووو عليكم قسم بالله :)
شكليه أسرع وانا ماحس بـ عمريـه ههههه
الله يهدينيهَ :('


زينن يوم يوصلن ع رقميهَ ولا يوصلنَ عند السلطاتَ العليا
شو بيفكنيهَ منهم وبيسحبونَ سياره عنيه :/


..

مفتر رآسيَ !
14-10-2014, 05:50 PM
'








شت ههههههههههههه . أستاذنا من النوع المصخرجيَ
كله يتمصخر ع البنات بس مصخره ذربهَ :)!
المهم ! يالسه انا ثالث وحده جان ايينيَ
قال انتي شو اسمج ؟ قلتله فلانـه
قال : انتي شكلج مصخرجيهَ هههههه تذكرينيَ ببنتيَ كله تضحك عندي تعالي يلسي جدام
وسرت جدام ، كلما قال شي ضحكت !
والله يقول شي يضحك ��'
المهم : يلس ع اللاب جان يقول ياني صداع نصفي
جان تقوله وحده زلمه : سلامتك
مارد عليها لبسها ، هههههههههههه
وضحكت انا وضحك ويايـه ، تفشلتَ كركركر
قال انتي داهيه الله يعين زوجكَ :) ، > يحمد ربه والله هه


قسم بالله تستاهل سخيفه ، مره قالت للأستاذ عسل
تقردن ، وتفر الشيله عنده . استغفرالله استغفرالله يارب سامحني :)'






..

مفتر رآسيَ !
14-10-2014, 05:57 PM
يا مرضانه ، من كلامي انتي وجعانهَ ؟
والنفسيه تعبانه !

يا ولهانه ، ارجعلگ ؟ انتي حلمانه ؟









^ وشكراً :)

مفتر رآسيَ !
15-10-2014, 10:15 PM
-


قسم بالله مستويهَ ملكه النوم ورقيدهَ بالقوَ
يعني مثلاً اليوم من الساعه ١٢ وشي لين الساعه ٥ وشي انا راقده
والحين فينيه رقاد بعدَ ، ابا أسهر حرام :(
اجازه :(
ويكند :(

بس فينيه نومَ ياخي ، شكليه بشرب كرك !
انزين الجو بارد هالايام ولا انا شي فيني ؟
احسني وايد أبرد ، مستويه عيوز
مول مادانيَ المكيفاتَ ، يعورنيهَ عظاميهَ منهنَ '

..

مفتر رآسيَ !
18-10-2014, 03:34 PM
'


وايد عندي شغل ياخي ولحد الحين ماسويت شي
بس كله متسدحه وأكل والعب
لمتى ي انا ؟ ع شو ناويه ي انا :(
متعايزه ، احسنيه سودانيهَ !


ابا حد يسويليهَ شغليه :(' ،
من يبا يأخذ اجر ؟
محد !
اوك شكراً انتوا الخسرانين :('



،،.

مفتر رآسيَ !
18-10-2014, 03:45 PM
وين مثليّ يا عديم ـالذوق تلقىٰ ؟




..

مفتر رآسيَ !
21-10-2014, 05:21 PM
،.




اليوم وحده قالتليهَ : ياخي افرح يوم اشوفجَ :$


طبيتها ههههههههه عندي اعاقه فالرد يوم حد يمدحنيه وجي :$'


عاد هاي مارومَ اتنصخَ تعرف خيتو الكبيرة مدرستنهاَ :)'


اليوم قلت بالغلط جدامها : ابا أسافر ويا الربع :)


قالت : لو مب اختج فلانـه جان قلت :/


حسبي الله ع الايامَ والحظ الردي ، حتى الخيال ممنوع :)


انا مب من النوع اللي يفت كل شي ، مره وحده سألتني قالت : اختج فلانـه ؟ اقول لا ههههههههه
واشرد عنها !


ماعترف :)'، مدري ليه !


بس هذي ما كانت بتعرف اللي كشف الموضوع اسم الإبو واليد والقبيلة والشبه شوي ماقدرتَ اكذب :)'
وأخاف ربيعتيه الوشايهَ تقول ، تفت العلوم فت :/




..

مفتر رآسيَ !
25-10-2014, 04:52 PM
مفتر رآسيَ !,


لقد تلقيت مخالفة في
السبلة العمانية - الموقع العُماني الأول.


السبب: يرجى التقيد بقوانين السبلة العُمانية
-------
السلام عليكم


تم إعطاؤك هذه المخالفة بسبب الدردشة في استفسار العضو كاسر صحن


وذلك لانك خالفتي قانون سبلة اﻻستفسارات




دمتي بود
-------


وبسببها حصلت على 1 نقطة وقد تكون سببا في منع دخولك للمنتدى حتى تنتهي. وحقيقة المخالفة لن تنتهي.


المشاركة الأصلية:
176284


شكلنا خلاص كذا بنسوي ^.^
الله يرحم الاداريين مال السبلة العامة قبل ^_^
هههههههه
كله يسدحونا بمخالفات
بس حلو والله كان !


مع تحيات إدارة,
السبلة العمانية - الموقع العُماني الأول

ههههههههههههههههههه حي ذا الشوف والله 😍😍😩'
وين هالشي من زمان !
بس لانه كتبت جي طرش مخالفه !
ماشي سبب مقنع ههههههههههههه
انزين طرش الثانيـه بعد ! > قسم بالله يسويههَا يطرش بس من باب العناد هههههه
انزين روغنيهَ بعد والله صدق '
بكون متشكره آوي آوي :/


..

مفتر رآسيَ !
27-10-2014, 08:27 PM
. .







مليوُون بآب انسدَ في وجهي
ولكــن مع الايامَ اقول خيـــْره
اشتكي من قلت الحيلـه وحظي '
يا ليت الحظ ينباعَ واشتريَ غيره '




^ مفتر رآسيَ !

مفتر رآسيَ !
28-10-2014, 03:37 PM
..


والعوووورَ ههههههههههههههه
امتحنت امتحانينَ اليوم للأول طلعت نتيجتهَ الثاني داشتنهَ بلا دراسهَ
انا بييبَ العيد هالكورس :)
يارب ياخي يارب ������'

وسيرناا مال الامتحان الثاني لاصق فينيه لصقه عافانا الله
لا أروم اغش ولا أروم شي ، ايف ياه
واقف ع راسيه وكلحين يسال ويطالع ويضحك
شو شايفَ جدامك مهرج ؟
عقب قال انتي : good girl
جان اقوله : شوف الورقه قبل وخلاف قول هالشي هههههه

والله تعقدت من هالجامعه ، خلاص بموت منها
ابا انتحر هههههههههه استغفرالله
دخيلكم عطونيه شهاده حتى لو منقسمهَ نصين قسم بالله اروحيهَ بلصقهاَ :('

انزين يستوي اشتري شهاده ؟ كم تبون ؟ والله بعطيكم بس مادرسَ :)



ع هالتحرطيمَ يارب انجح واتوفقَ واتخرجَ يارب العالمينَ ❤️❤️❤️'


..

مفتر رآسيَ !
28-10-2014, 03:46 PM



اخت حربي العامري تقول اليوم
يالسين نتكلم عن الاكل :) ، كل سوالفنا جيه هع
المهم .. جان تقول انا من يوم رديت من جامعه لين من باجرَ الصبح ماكلت شي
يعني من يوم ردت الظهر لين الصبح ماكلت شي ؟؟
تتخيلون هالشي !
انا جيه مبطله عيونيه @@'

جان اقولها كيف تتحملين ؟ ماتتعبينَ ؟ مادوخينً ؟ ما تموتين ؟
كيف جي حياتج ؟

قالت : عادي والله

انا اذا ماكلت عقب ساعتين ولا ساعه خلاص فيوزاتيَ تضرب وأتعب وخلاص اموووتَ :)
ماتحمل صراحه َ

وبس يلا باي :/

وايد عنديه شغل بس ماروم اسوي شي

احسن حل اتسدح :)


،،

مفتر رآسيَ !
02-11-2014, 08:58 PM
..



يوم أقارن بين عمري وتصرفاتيَ احس فيه فرق كبير ههههههههه
تصرفاتي يقول هذي عمرها ١٥ ، ١٤ جيه يعني :/
بعدها هالطفوله فينا ، انزين خلاص طلع الشعر الأبيض :)'
متى نعقل ! كركركر

مشتركه في شي ممتع ، ان شاء الله عاد ما آمل منه هع
شي يخص مهرجان وجيه :)
اول مره انا اشترك ف هالاشياء ، ومب متعودهَ ابد !
ف هالشي بيكون لصالحي اولاً : شهاده وثانيا: احسن من تواصلي الاجتماعيَ
وثالثاً : الجرأة !

ف ان ان شاء الله عاد اكوٌن اوك وكذا :)!
ع قولتهمَ انطوائي بشكل اجتماعي. :p

..

مفتر رآسيَ !
05-11-2014, 08:55 AM
..


امس شسمه الاستاذ تأخر وحضرَ قبل لا يخلص الكلاسَ بـ ٢٠ دقيقهَ
والحمدلله انه نحن يالسين نسولف ههههههه

المهم : جان يقول تتريونيَ ؟
قلتله انا : لا يالسين نسولف
قال : احب الصراحه انا ! ، انتي شطوره

عقب قال هاذيلاك ليش مايلسن مثل ماتتاخرونَ انتوا انا بتاخرَ !

قلتله : حرام استاذْ يلسن شوي واترييينَ
قال : انتي ليش دافعينَ ،
قلتله : اقولك صدق انا
قال : الصدق ماينفعْ ف هالزمن والمثاليه توديجَ في ستين داهيه
قلتله : هذا عيبي ههههه :(

عقب قال تعالي جدامَ :)' ، وتم يشرحَ !

في نص الشرح : انتي أخوج احمد ؟
انا : جيه ����@@
قلتله : هيه اخويهَ !
قال : اشوفْ الشبه ونفس العيون والتكشيرهَ ، ( يقصد بالتكشيرهَ يوم نعصب هع )

وايد تم يسولف ، قرقرقرَ :)!


..

مفتر رآسيَ !
05-11-2014, 08:58 AM
-






اعذرونيَ ع قله دخولي السسبلهَ
صرت شيخه وعندي فلوس :)'


> شيخه ولا فاطمه هاهاها
حد سخيف نفسي ؟ هيه محد ! احسن :)




..

مفتر رآسيَ !
05-11-2014, 09:07 AM
..


وحده طلبت ايباديَ ، ماعرفها ولاشي بس في كلاسيَ
وعطيتهاَ ، بس قسم بالله قلبيهَ مقبوض كان !

فيه صور وفيه اشياءَ خاصه !
بس استحيتَ ماعطيهاَ ،
ياخي والله ماوثقَ فالبناتَ
عادي تستلعنَ وتسوي شي ! مع انه شكلها مايوحيَ
بس المظاهر احياناً بالحيل خداعه :)
ماعرف شو سوت ، يوم روحت سالت اللي عدالْها
قلتلها : كنتي تشوفين البنت شو تسوي ع الايباد !
قالت : هيه داشه النت وتشوف مواد وجيه :)


والحمدلله ارتحت :)'

..

مفتر رآسيَ !
08-11-2014, 11:11 PM
..


قبل شويه امايه تتنازع ومعصبهَ ع اخويه هههههه
هايت لحد الحين مسود الويـه :)'
وانا واقفـه عدالهم ،. وامايهَ شاده حيلها تتنازع وتتنازع
اخر شي انا قلت : هيه صدقها انته ليش جيه ؟ نتخناههاتناتلالغبانتانتلعغبلغباتنمتتناا

تميت اخوره ماعرف شو يأني ، وامايهَ تمت تضحك
تقول شو هالمينونه ' وروحتْ !

خلاف قلت حق اخويه قسم بالله تعزمنيهَ ع محشي باجرَ والله ترانيه بخليها تعصب وتصارخ عليك
احمد ربك والله انقذتكَ ، شويه وبصيحَ !

اخر شي قال : جلبي ويهج :)

قليل ادبَ والله انقذتهَ :( ، ليش جي جرح مشاعريه :(
بس ادريبه بيشتريليهَ :)'



..

مفتر رآسيَ !
08-11-2014, 11:22 PM
..


شفت موقف في الجامعه قسم بالله عار نعم !
اكره البنات والله يعلم .، مريضات نفسيا وجسديا !
ربنا لا تواخذنا بما فعل السفهاء منا :)

بس من الغيضَ والقهرَ قسم بالله ماشفت شي جداميَ زين ماشليت الطاولهَ وفريتها عليهنَ !
واسبهنَ سب والعنَ خيرهنَ ، مابقيتَ كلمه ما قلتلها !
اخر شي بكل برود : شو سوينا !
حسبي الله عليكنَ كل هاه شو سويتنَ ، تفوووو عليكن يالطفساتَ !

عاد هن ما لقن الا يسون جداميَ انا ههههههه ، جداميَ أمره بيني وبينهنَ شبر @@'

تميت جي انا اول شي والله اول مره اشوفْ جي @@'

عقب استوعبت السالفـه وألعن خيرهنَ وماحسيت عمريـه غير مْتفله ف ويوههنَ وروحتَ !
لاني لو تميت أكثر ماضن بخليهن عايشاتَ ، يوم اعصبْ ماعرف حد
ف لعنت ابليسَ وتوكلتَ :)

بعده ف مخي هالموقف .، ماقدرتَ أنساه
حسبي الله عليهن !



مفتر رآسيَ !
14-11-2014, 01:12 PM
-








‏﴿ فأثابكم غمَّا بغمٍّ ﴾



لم يقُل فأصابكم بل فأثابكم ،
هل تخيلتم يومًا أن الغم مثوبة ؟
يوماً ما ستكتشف أن حزنك حماك
من النار وصبرُك أدخلك الجنه ❤️❤️'

مفتر رآسيَ !
16-11-2014, 03:29 PM
..



معصبه بالقووو آليوم وأمره ماليه بارض حق احد
خربت ابو الاتيكيتَ اليوم :)

الصبح ، سايره الكلاسَ وَ مستعيله لاني متأخرة
وماحصل غير هاذيلا الثنتينَ ف ويهي اللي شايفتنهنَ قبل ويسون قله ادبَ :)
كل وحده ميودهَ أيد الثانيـه ويتمشنَ ع راحتهنَ وجداميَ ،
قسم بالله ماحسيتْ غير اني شاله كتف البويه :/
يودتنيَ من ورا هههههههههه تبا تضارب !
عاد انا اروحي مادانيهنَ ومعصبههَ كنت ، وماحسني غير ملصقتنها فاليدار وميودتنهاَ من رقبتها
عادي كنت اذبحهاَ :)'


وهاييجَ تخوزنيَ عنها وادزهاَ باقوىَ ماعندي ، يتنيَ قوه ما من بعدها قوه !
وخافتَ والله ، عيونيه يطلع منها شرار وويهي استوى احمرَ !
يت بنت عمي هههههههههه
قال : مفترررررر وخوزتنيَ عنها ، لولا بنت العم جان البنت ميته :/

وخشميه صب دم وحطيتَ أيدي ، بعدها مب تايبهَ هاييجَ البويه
قالت : تتعاطينَ مخدرات !

كان بييهاَ الدور من بنت عميه الا يودتهاَ انا ، خشميه خيس أيدي دم :)'
وانا طالعتهاَ بـ هايييجَ النظره ، حسيتها تروعت هههههههه

^



هيه انا ولد
مب بس عن ولد واحد عن عشره :/
لحد يقرب صوبي يوم اعصب
استلبس ههههههههههههه :)

مفتر رآسيَ !
21-11-2014, 12:08 PM
-



شو السالفه -.-
احسني مب عايشه ف هالدنيا
مباريات ومادريَ شو :/
امس الخلق محتشره فاز هذا وخسر هذا
انا جيه ( فيس راقد ) هههههههههه
ماهتم حق هالسوالفَ :)'



..

مفتر رآسيَ !
21-11-2014, 12:20 PM
-


ماتحيدون يوم قلتلكمَ اني مشتركه في شي
الحمدلله لحد الحين تمام التمامَ ❤️❤️
باقي باجرَ وخلاص بنخلصَ :/

انزين انا شو فينيه عشان هالكثر يقهر الناس اللي حولي ؟ :)
ع فكره انا من النوع اللي مايسويَ حق حد سالفه
مهما يكون :)
مدير ولا أستاذ ولا شيخ ولا اللي يكون :/
مره حضر عندنا مدير هالشي اللي مشتركه فيه وكيف البنات حواليه :/
الا انا يالسه أمره بعيد ،يالسه العب بالفون هع
يا لحد عندي :)
قالت انتي شو اسمج ؟ قلتله فلانـه :)
قال ليش ما تشاركينا ؟ ،. وسماني أستاذه ههههههه :$
واللي يشتغل هناك قال : انتي تشبهين ساندرا :)
من ساندرا ؟ مادري :)
يوم يشوفنيه يسمينهَ ، ساندرا !

وهالشي اللي مشتركه فيه يخلص ٧ ، من اخلص ع طول ع السياره
ماتم اسولفَ ويا حد :/
مره وحده قالتليهَ : ليش انتي وايد مستعيلهَ !
قلتلها : ورايه سمعه ، تبيني ارد البيت ف نصايف الليالي :)
احسنيه ضربتها فالصميمْ :/
هي دوم تتأخر لحد ٩ أتم :)
نعم صخت عنيه !


وايد مواقف بس نصها محظوره هع :)'


..

مفتر رآسيَ !
23-11-2014, 09:01 AM
-

امس كان اخر يوم فاللي مشتركه فيه !
والخلق تصيح وأحضان ومدريَ شو
الا انا ههههههههه
امره ماحس :/ ..



افففففففف فينيه رقاد بالقووووو
ابا اتسسسدح :('



..

مفتر رآسيَ !
24-11-2014, 07:00 PM
..


يلست ويا شلهْ ورب الكعبه نفاق ع أصوله :)
هي وحده مايداننهاَ :/
وكلما اسير عند وحده تكلم عنها ، وعندها يضحكن ويسولفنَ !
ليش جي ؟ ماحب هالشي ياخي :)'

واليوم خليتهن فالأمر الواقعَ .. هالطبع الخايس ماباه
مب مستعده ياخي ايلسَ عند ناس منافقه !
اكيد مثل مايتكلمنَ عنها ، بيتكلمنَ عني !
حتى لو شافن الشين منها ، مب ف ويههاَ يضحكن ويسولفنَ من وراهاَ يسبنهاَ سب
حرام جيه !
يالسين نسولف وجيه ، واحط ريلي ريل وابتسمْ
ربيعتيه عرفت اني بسويهاَ ههههههههه
جان اقولهنَ ، شو مشكلتكنَ عند هالبنت ؟

ليش كل وحده فيكن تحش فيها ، ماتبونهاْ عندكم ترى مب غصب !
ماله داعي تبتسمنْ ف ويهها ومن تعطيكنَ مقفاهاَ ماتبقنْ كلمه ماتقولنهاَ !
هيه ربيعتكنْ بعد !

قالن : انتي ماتعرفينَ شو مسويه فينا ؟
قلتلهمَ : تتكلم عنكن عند فلانـه وفلانه ؟
قالن : هيه وتالفَ سوالف من عندها :)
جان اقولهنْ : عادي انتن البنات هذا طبعكنَ ، تحسبن عماركنَ غير ؟
انتن نفسها بالضبط .، ودرن النفاق عنكنَ ماله داعي لـ هالشي كله !
ولا واجهنهاَ .. ولا خايفاتَ ؟


لو تبن انا بفتح السالفـه وانا بكلمهاَ بس بدون النفاق مالكن :) !

ويمكن باجرَ نحل الموضوع ، وكل وحده طلع اللي ف خاطرها وتصفيَ قلبها الأسود :/


امفففف ����

..

مفتر رآسيَ !
28-11-2014, 09:02 PM
يامرحبا يا ناعم الصوت والعود


> حقي :$



المهم ،. يالسه اكل شيتوز الحار وفيه داقوسّ
وأكل حب بعد فوقه واتفل
شسوي اجازه ياخيّ عندي اسبوع كامل بالكمال والتمام :/
وشسمه متحنيه ف ريولي وعصاقيليهّ يعورنيهٌ :)
يحرق لاه !
انا شو بتحمل حرقان الريول ولا حرقان الحلج من الفلفل :)
كلحين ازقر اخويه خلود ههههههه
طفر منيه يباَ يلعب بلاستيشنّ ��
ياب الاكلٌ كله عداليهٌ عشان ماطرشه
تعرفون ليش يسمع كلامي ؟ :)
سر مابقول خصوصيات ياخيّ والله ����
كل شي يبون يعرفونه !
اييف ياه :/
يلا بيلس اكل
مامنكم فايده انتوا ����'



،،.

مفتر رآسيَ !
29-11-2014, 07:49 PM
..


ماشي والله

يالسين نشرب كرك ونلعب بلاستيشنّ :)
طبعا باجر اجازه واللي عقبه وعقبه وعقبه ❤️❤️'


سعادهّ ياخيّ ❤️❤️'


بخصوص المداومينّ باجر ؟
اسلفكمٌ يوم واحد اجازه ؟ هع


،

مفتر رآسيَ !
02-12-2014, 12:33 PM
-




2/ ديسمبر 43 . . ]





‏الله يزيدج عز ؛ يّ ارض الإمارات
يّ روح زايد في ابتسامه خليفه ❤️❤️'

مفتر رآسيَ !
04-12-2014, 10:23 PM
..



تصدقون ع بالي بأجر الأحد
وفينيههَ رقاد من الحين .، تهيديَ يا بنت الحلال !
ويكند ،. اجازه اجازه يالبغامْ
مع اني ناشه الظهر :)
شسوي بعمريه انا .، :)

انطر حلجيهْ من كثر ماتثاوبَ .. والله الجو يرقد :/
وعظاميه يعورنيهً من البرد
منو يبرد صوب الريولَ والاييدَ ؟
انا جيه ياخي :('

وشربت كرك ٣ أكواب وكذا :)




..

مفتر رآسيَ !
04-12-2014, 10:33 PM
-






ايـه نعم احناَ ابتلينـا :)'

مفتر رآسيَ !
05-12-2014, 09:32 PM
-


سرعه واسرع
وعند الدوارَ اسويَ ويلَ
ومرايسَ وارايسَ


انزين ابا حد يعلمنيهَ اشل ع تايرينَ :)'
واسوي ذاك الصوتَ ططططططط واطلع نار من ورا سياره

والله حلو ياخي :(:('

حظهم الأولاد ، :('

مستغربه من هاذيلا اللي يستوونَ بنات قسم بالله تفو عليكم ، مخسف أغبياء مافيكمْ مخ مخبل افففففف

المهمَ.


اخوانيهَ مابيعلمونيهَ وقلت حق خيو اللي اصغر عنيه ماطاع بعد :('

والله خاطريـه اشل ع تايرينَ ، مب حد يشل عنيه
ترانيه مجربه هههههههه
راكبه ويا خيو ذاك آليومَ وشله ع تايرينَ بس تميتَ متيبسهَ هههههههههه
عقب تعودت :)'

ماشفتهّ كيف سوىَ من الخوف .، اول مره لاه هع

يبالي أقوله مره ثانيه ، عشان اشوفْ واسوي

فكرتن منتازهَ ❤️❤️'



انتوا محد يعرف يشل ع تايرينَ ؟
خبرونيه طريقه هع

مفتر رآسيَ !
05-12-2014, 10:15 PM



كلهم يالسين فالصالهَ وانا وياهمَ وداشـه السبلهَ
وأشوف مدونه ديفلَ
حشا هالانسانـه والله كله تسافرَ :)'
حظها .، ليتني مكانهاَ :('


المهم .،

تخيلوا كلهم ساكتينَ يطالعونَ تلفزيونَ

جان اقولهمْ : انتوا ليش ماتخلونيَ اسافرَ .، بسافر بـ فلوسي ، خلونيه اسافرَ ابا اتهنىَ ابا اعيشَ ! :)


طالعنيه رشود بنص عين : نعم اختي ؟

قلتله : هيه بسافر بفلوسيَ وبروحيهَ بعد :('

قال : من وين لج فلوس ؟ ههههههههههههههههههههه

خايس والله .، شقصده ياخي !

قلتله : لا تخلينيهَ اشردَ من البيت :/

قال : يوم بتعرسين سافري وين ماتبينَ :)

انا شسوي بعمريهَ .، اذبح عمريـه ؟ انتحر ؟ اموت ؟ :)

ليش اهليه معقدينَ :) ،. ليش انا انولدتَ فالعايلهَ ؟

المفروض انولد ف عايلهَ ديفلَ :):)!

فينيه غصه

بسير اشرب كركَ :)

..

مفتر رآسيَ !
07-12-2014, 11:15 PM







متعايزه اكتب سوالفيه
برد لاه ~
من ساعه ناشه والحين شكليه برد ارقد
اتريا نومه قويه تيينيهَ مره ثانيه هع
عشان اشبع ❤️❤️❤️'
الله لا يحرمني من نعمـه الفراش .، :(

مفتر رآسيَ !
09-12-2014, 08:14 PM
















مـآ كرهتجَ ، بس تحسفتَ اني عرفتجَ ،!

مفتر رآسيَ !
13-12-2014, 11:27 AM
..






يايتنيَه ايام صعبه لازم اكوٌن مستعده حق اي صدمهَ او اي سلوك سلبيَ
او اي كلام جارح هههههه لازم تكون عندي مناعه حق اي شي :)


والقهر في شهر ميلاديهَ :)' والسنه اليديدهَ :)'


ان شاء الله خيرْ ، ان مع العسر يسرىَ ❤️❤️'

مب لهدرجه انا ضعيفه ولا احب شي اسمه ضعف
، بالعكس انا أقوى وأقوى ومتوكلهَ ع رب العالمين ❤️❤️'

مفتر رآسيَ !
18-12-2014, 11:26 PM
..



بخصوص هاذيلا اللي يقولون مفتر تكرهني ومادريَ شو !

جيه انا فينيه فؤاد عشان اكره واحب :)

ولحد درابكم ياخي هع

ماكره حد انا ، قلبيه مب اسودَ

يوم اني أتجنب الأشخاص مب معناته اني اكره !


فهمتوا ولا مافهمتوا ؟ :)


وفينيه رقاد ، امره مافينيهَ حيل حق السهر
الكبر شين الله وكيلكمَ :)




فداعته !

مفتر رآسيَ !
20-12-2014, 08:12 PM
إلى كل مُصاب أصيب بالسحر او بالمس او بالعين او بالقلق او بالإكتئاب
إلى من لم يوفق في هذه الحياة إلى من أراد السعادة في دنياه
إلى من أصابه الملل والسأم في حياته
إلى من تكالبت عليه الهموم والأحزان
إلى من توالت عليه المصائب إلى من فقد غالياً
إلى كل مريض يبحث عن الدواء سواء وجده أم لم يجده
إلى من حرم الذرية ( العقم)
إلى كل امرأة لا يستمر حملها
إلى من أراد السعادة والخير
إلى من أراد البركة في جميع شؤونه إليك هذا العلاج ❤️






عن أبي أمامة قال : قال رسول الله صلى الله عليه وسلم :


( اقرؤا سورة البقرة فان أخذها بركة وتركها حسرة ولا تستطيعها البطلة )

البطله : هم السحرهَ








^ مشكلتنا نستهينَ بأشياء تسوى الدنيا ومافيهاَ .،
اللهم اعنا ع ذكرك وشكرك وحسن عبادتكَ ❤️❤️،

مفتر رآسيَ !
21-12-2014, 10:14 PM




ياخي فينيه طبع يوم اطلب من المطعمَ ماطلبَ شي واحد :)
لازم أنوع في الاكل وما آكله كله :)

وراعي مطعم الخايس يبنده ف ويهيهَ ، الله ينطبكَ بفلوسيَ انزين
والله ارد ادقله ، وابند في ويههَ هههههههههههه -.-
عندي كرامٓه انا ، تمسح كرامتيه فالقاع ليش ! :)
بفلوسيَ وذلني يعني :)




ايف ياه عشان الاكل كل شي يهون -.-

مفتر رآسيَ !
21-12-2014, 10:19 PM
،.


اختيه حامل لاه
المهم ، تقول شو اسمي بنتي :)

تبا تسميها شمآ تقول هع
جان اقولها انا سميها عشبهْ والله حلو بنزقرهاَ عشششوبَ
أحب اسم عشبهْ انزين ، شسوي ههههههههه

قالت : سمي بنتج عشبهْ ، تعبانه انا فيها ٩ شهور واخر شي اسميها حشيش!


انزين حلو الاسم ، بلاها هاي هههههههههه

احيد وحده هنيه اسمها عشبهَ -.-
يليت لو اسمي عشوب :)





..

مفتر رآسيَ !
24-12-2014, 02:33 PM


بلاها العامه جيه سوالفها
زواج وحب ومادريَ شوَ :)

كم مره دخلت موضوع ابا ارد ماعرفت شو اكتب هههههههه
احسهن اكبر عن مخي :)


بعض الردود فيهن مصاخهَ عيب الواحد يتلفظ ب هالالفاظَ
ترى ابد ما يعتبرْ انك جريئ بالعكس انته وقح بمعنى الكلمهَ :)
يعني اذا انته بدون أخلاق ماله داعي تتلفظ بالفاظكَ هنيه حتى لو كان نقاش
فيه ناس صغار وفيه ناس مب متعودهَ على هالشي وفي ناس تستحي تقراهَ !



ياخي مانعرف وين نسير ، في كل مكان ضياع :)
استغفرالله بس '

مفتر رآسيَ !
04-01-2015, 10:07 PM
-











إلـَهي ؛ أيدركني ضيم وانت ذخيرتيِ
وأظلمُ في الدنيا وانت نصيري '❤️❤️

مفتر رآسيَ !
05-01-2015, 08:53 PM



عميه ياني ، اونه قومي سيري ويايـه
وين اسير ؟
قالي : هناكهْ اونه
قلتله : شو هناكهْ واضحك ، شو هناكهَ بعد هاي !
قال بتسيرين ولا شو ، قلتله لا : مافينيهَ البس العباه وانشَ ومادريَ شو ، سالفه :)
قلتله بشرط : تعزمنيهْ ياخي هع
قال : والله بعزمجَ عنبوه ما تمشين بلا شي انتي !
عقب قلتله لا خلاص مافينيهَ والله ، ماليه بارض هع

خلاف شلَ خويلد وميروهْ :)'

ووصيتهمَ بالعشا السنع عاد بنترياهمْ لين ايونْ :)

..

مفتر رآسيَ !
06-01-2015, 03:08 PM
ينآير مواليد كبار الشخصياتَ ❤️❤️'



-------


عقب كمن يومَ ، يوم ميلاديَ ياخي :)

20/1/2015 ❤️❤️'

استغفرالله ، بيكون عندي امتحان ف هاليوم :)
لازم مغثه لازم !

يمكن حد اييبليهَ هديه ولاشي ،
ع طاري الهدايا زعلانه من ربيعتيه اللي دوم تعطيني ويـه وتييبليَ هدايا ههههههه
بسير اراضيهاَ :)"

بعد ربيعتيه هاي من سنينَ مايستويَ بينا عيش وملح :)

مع اني انا ماهتــمَ وايد ف هالسوالفَ بس يلا حلو نحصل هدايا وجيه ههههههه

،





مخي تجمد من البرد
وانا عندي دراسه وش اسوي؟
ياخي خلاص صرنا في محمل الجد
لزوم ندرس ونتوكلَ ع الله وندعي ❤️❤️'





# منقع لاه خخخخ
توه فرش :)

مفتر رآسيَ !
09-01-2015, 03:27 PM
'




من باعنآ صعبه نصافحَ يدينهَ
درب المجامل ما أظنهَ نفعنآ :)'

مفتر رآسيَ !
11-01-2015, 08:05 PM
'















بتعيششَ من فرقآي خايب ومعثُور
وبتردگ الايآمَ شفقٍ على رضآي
أقفيت تبغينيْ ، من الصد مكسُور !
لگن علي مرفوق تبگيَ من الجآي '

مفتر رآسيَ !
15-01-2015, 05:18 PM
ليت الحزن فيهم ولاهوبَ فينيَ
الى متى ،؟ وانا حزين بسببهمَ !



> حبيته ياخي ❤️❤️'




..



واليوم سرت اسوي حق ضروسيَ تنظيفَ وانا طالعهَ حصلت ولد يصيح صغير اضن عمره سنتين او ثلاثَ
وكله مخاخيطَ ويصيح من خاطره ، رحمته ياخي :)
وماشاء الله عليه حليو وعليه كشه ، شكله مضيع أمه وتم يشوفنيهَ وهو يصيح ، عاد كسر خاطريهَ
مارمت اودرهَ وهو جيه :) ، يلسته ع كرسي وخوزتَ مخاخيط وعطيته حلاوه ، حصلتها فالشنطهَ
سكت شوي ، عقب جان اتخبرهَ عن اسمه ، طلع اسمه حمد ❤️'
واسأله عن أمه ، ماقبضتَ شي
عقب جان ايي واحد صوبي ، اقول ف خاطريـه الله يأخذه ليش ياي صُوبنا
طلع اخو الولدَ هههههههه ولا ابوه ، بعد يوم شافه هو ربع عنده. :)

الحمدلله ، وانا روحت ولا كانيَ مسويه شي :)'


وعندي امتحانات وراسيه يعورنيهَ

باي تعبت :)

ماتشوفونيَ نفسيه وماليهَ بارض هههههه :)

مفتر رآسيَ !
19-01-2015, 10:23 PM
عيد ميلاد سعيد حبيبتي ♡


فرحتينيهَ ، الله يفرحجَ ويسعدجَ يارب ❤️❤️'

مفتر رآسيَ !
25-01-2015, 06:58 PM
'





اللي صآرلي مب شويه وقسم
لو حد غيري يمكن ينتحر ، يمكن يموت ، يمكن يعاف الحياه !
الحمدلله ع النعمه اللي انا فيها .، الحمدلله الحمدلله :)
لا حس ولا شعور هههههههههههه
يعني ليش اضايق وأتعب عمريه ؟ فالأخير خيره ومكتوب !
ليش أحزن ؟ والخيره فيما اختاره الله ❤️❤️'


الحمدلله حمدا كثيراً طيبا مباركا فيه ❤️'

وشكراً

مفتر رآسيَ !
02-02-2015, 06:08 PM
. .


اليوم روحت صوب العميد مال الجامعه . . ابا اخذ من عنده شي
المهم . , جان يقولي : هالشي ماتاخذينه من عنددي
لازم تروحين عند فلانه وهيه اللي تعطيج آيآه ,

قلتله : نعم ؟ جيه مروحتلها انا هذي وقالت انه عندك
قال : مب عندي ., هيه مالت الارشاد وعندها

عادد انا قسم بالله ضرب العداد عندي ., يستهبلون ؟ عاد مبنى عن مبنى يبالي 10 دقايق او اكثر ,’

وشمس .. وامشي ويوعانه وتعب .,

جان اقوله : هيه تقول اايي عندك وانته تقول اسير عندها .., بسألك : يوم ماتعرفون شي ليش مخلينكم ؟

تم يضححك الاهبل .. ع بالي بيروغنيه والله هههههههه

قال يمكن هيه ما فهمتلج , قلتله : هيه انا اتكلم بنقالي :)

قلتله انا ماروم اردد مره ثانيه ., اخطط الجامعه يعني ؟ كل حد فيكم يقولي مكان


قال : انتي شو تبين بالضبط ؟ قلتله جيه وجيه ,’ قال : اوك الحين بسويلج :)


عنلاتكم ., ماينفع وياكم الا العين الحمرا :)

مفتر رآسيَ !
02-02-2015, 06:13 PM
. .



يالسسه عدال وحده هنديه ., من بنجلا اضن والله نسيت شو اسم منطقتهم
ما علينا ., تعرف هيه شويه عربي

جان اقولها ., هالمس حلوه صح ؟

قالت : ههههه هيه نفسج :)

قلتلها : نعم انتي نعم

قالت : وت

قلتلها : جب

جان شسمه تقول المس انه انا وهيه وايد نتكلم ., مب كأنه اول مره نتلاقى :)

حاسده . عافانا الله :)

تحسبنآ ربع من زمآن ., ههههههههههههه صح قالتلي كفج جدام المس :)

واو شكلها سيم سيم انا ., خريش وتحب الحياه وفله وباربي وكذا :)


وايد عندي سوالف .,

مفتر رآسيَ !
09-02-2015, 11:24 AM
والعثرتين . .

12 مخالفه ؟ ايه كيف ؟ والله كيف !
خراطين يآخي ><

كريهين قسم بالله .. هزبونيه :(

المهم ., والله هم نصابين مستحيل انا هههههههه
صح اسرع عاد مب هالكثر ! :)

تفوو عليكم انزين :)


..

مفتر رآسيَ !
09-02-2015, 11:27 AM
..




كرآسيهم يكسرن الظهر
مايستوي يحطون ف الكلاسات سرير بس ع هيىه كرسي

يصير ولا مايصير ؟ :(

ماتعرفون جامعه جيه عندها ؟ ليش مايسون جيه ويبحثون عن راحه الطالب

قله ادب

وايد اسب صح ؟ ماعليه بس يوم ادش سبلتكم مادري ليش؟


تتوقعون ليش ؟

فكر , حزر . ماقدر الممح اكثر هههههههه

اسولف لاه -.-

مفتر رآسيَ !
09-02-2015, 07:38 PM
. .






يوعانه . ابا اكل :)

مفتر رآسيَ !
16-02-2015, 03:05 PM
..


مساءكمّ مخاخيط ههههههه :)
هيه هيه ادري الوعّ بالجبد .، ياخيّ انا عكس الناس
انا من اي كوكب ؟ حاله استثنائيهّ غريبه !
تعبت من خشميه ،.



المهم .،

ع فكره يوم اكتبّ انه شسمه يعني هنيه فالسبله
احسكم تصكونيهّ بعين ، ف توووووووبه اقولكم شي

ياخي عن الحسد هع

احلامي صابها الحسد والعين :(


ترانيه مافهم شو اقول ، الحما مأثره !

الله يشفينيهّ '

مفتر رآسيَ !
17-02-2015, 08:10 PM




ولد خالتيه ، كبير هو كبر امايه :)
المهم !

اونه يالس يقول : انتي شينـه :)

قلتله : قسم بالله احلى عنك وأحلى عن عيالك

قال : حتى خشم مافيج !

قلتله : خشميه يكسر خشمك جان ماتعرف وأطول عن خشمك ب ٣ مرات ياربي ليش منقهر من خشميه.

كل هذا عشان يقهرنيهَ ، هههههههه
يقول العكس :/

جان يقول : مطول لسانجَ ، يتحسب بسكتلهَ لاني اصلاً مب وايد أتعامل وياهمَ :/

ولحد درابك ي الشينَ ، استغفرالله هع

عقب جان يقول : بخطبجَ حق ولديهَ

جان اقول : من زين ولدك ، شين استغفرالله هههههه

، انا ماحب هالشي ع فكره بس لاني سويت نفس مايسويَ.
اعامله ع نفس نظامهَ :/

وشكراً

مفتر رآسيَ !
17-02-2015, 08:13 PM



وشسمه معروفه انا بين العايلهَ سلامي قليل
استغفرالله يعني ، مادري ليش :)

حتى ف الأماكن العامهَ ، مب وايد ويا السلام
ويوم ادش الكلاسَ احياناً ما اسلمَ وأحيانا. اسلم داخليا محد يسمعنيهَ :)

هذا عيب ادري ، الله يهدينيهَ :)'

مفتر رآسيَ !
22-02-2015, 11:44 AM
# هاي سنابوَ
اقصد سبلو ههههههه




استغفرالله بس ، كيف بداومَ ياخي :('
عيونيه منتفخهَ. :(
من امس جيه ، بسم الله '
الله يحفظنيهَ من كل شر ❤️

المهمَ ..

اونه طاح مطرَ ، والله ولا دريتَ ف سابع نومه انا هع
اصلاً دوم جيه كله يطيح فليل :(
انا وايد احب المطرَ ، يحسسنيهَ بالسعآده والله ❤️❤️'
ان شاء الله يطيح الحين عشان نلعب وكذا هع
واطنش دوامَ. > أباها من الله :)
بس بحرمن جيه هههههه ،
ايف ياه حسيتنيَ سخيفه
ماعرف اسولف

ب #~

مفتر رآسيَ !
22-02-2015, 11:54 AM



طاح مطر ههههههههه
الحمدلله

اللهم اجعله صيباً نافعا ❤️❤️

بسير ادعي وايد عندي احلام وامانيَ وفاطمهَ ومريم هع

دعواتكمَ ❤️

مفتر رآسيَ !
28-02-2015, 11:37 PM
#


امس حضرت بارتيَ لاه
وحده مسويه لانها متخرجهَ وكذا
عقبالي :(

المهمَ ، بس شو كان واوَ قسم بالله
خاصه الشسمهَ ،.

اقول مايستويَ نسوي مخفي حق المدونهَ ؟

ترى قسم بالله وايد خاطريـه اشياءَ ابا اقولها وكذا :)'

،

صح دقتليه وحده من البنات
اونه فلانـه تعالي انا وخواتيهَ وبنات خالتيه بنروح صوب الشسمهَ
بتروحَين ويانا ؟

هيه بروح اصبريَ بلبس العباه

تستهبلين ولا تستهبلينَ ؟
ع كيفي ولا ع كيفج !
لو بشوريهَ انا ، جان من زمان هذا احوط وياكن
اييف ياه :)

اصلاً ــا انا اخاف اطلع ويا اي حد ، ما أوثق ههههههه
اذا بطلع اطلع ويا بنات اهليهَ اكثر شي
أوثق فيهن وسمعتهنَ من سمعتيهَ هع
واذا طلعت ويا ربايعيهَ ، نعرف بعض وكذا امايه تعرف ام الثانيـه وجيه يعني :)

سسسالفهههَ !
معقدين نحن صحَ ؟

هيه ادري والله الكل يقول :)
بعد نلبس قفازاتَ وزلاغاتَ وغشوهَ وعباهْ الراسَ

لالالا أتمصخرَ هههههههه :/

انزين ملل

شو اسويَ :(

مفتر رآسيَ !
07-03-2015, 11:51 AM







استواليهَ موقفَ
كنا طالعين من الامتحان وجيه
جان تسالينه وحده زلمه ، اونه : يخرب بيت ستك شو جوابه هاد ؟
جان اقولها انا : نعم ؟
قالت شو جوابهَ ؟
قلتلها : اهليه مالجْ دخل فيهم وعسى بيت اهلج يخترب مب بس ستجَ ، التعني عن ويهي
جان تقول : انا أسفه مو قصدي شي
جان اقولها : ستي ميته ومالجّ حق تتطرينهاَ ، هالمره كلمتج بالكلام المره اليايـه بييجَ شي يضرجَ ، فاهمه :)
قالت : ماتوقعتكَ هيك عصـبيـه :/


عقب يوم رديت البيت دقتليهَ وتمت تعتذر وجيه ، هم جذيه طبيعتهمَ :)
تفهمت بس قلتلها ماتتكررها مره ثانيه لا عندي ولا عند غيري !

وعدت السالفه ع خير بس صدق ضغطي ارتفعَ :)

مفتر رآسيَ !
10-03-2015, 08:00 PM
.,


وايد مستويه اعصب واتنرفزَ. بسرعه هالايامَ
ليش مادريَ -.-


لو تقولي كلمه ، أعطيك عشر وأتم اتحرطمٰ واتحرطمَ كانيَ عيوز :)'

الموهيييمَ

بس الأسبوع الياي وبعدين اجازه اجازه اجازه أسبوعين ، من الفرحه كتبتها اكثر من مره ❤️

اليوم كان عنديه امتحان و خلصت من الامتحان بسرعه بس عسب ارد البيت وأرقد
قسم بالله فينيه رقاد فضيع ، ماتحمل :(
اييف ياه ، وقت الامتحان غلط x غلط'

والاستاذ راجعي وراجعيَ ، سير ول لاه ابا ارقد انا
امشي واحسنيهَ سكرانههْ خلاص وبصعوبهَ ابطل عيونيه
وامشي كانيَ زومبيَ :)







يلا تعبت ، باي ����'

مفتر رآسيَ !
22-03-2015, 12:15 PM
. .



قسم بالله احسنيَ معصبه منها ، شـ هالدرجه المعفنهَ اللي عاطتنيهَ إياها
تستهبلينَ ؟

مب جيه مستوآيهَ انا :( ، بسيرلهاَ واخليهاَ تصلح الورقه من اول ويديدَ
لا يكون بعد مغلطهَ :/

حاطه درجههَ حد ثاني ، حشا لله كيف مقرودهَ :)

اييف ياه ، احسني زلمهَ هههههههه

احسها تساعد زلمات وايدَ ، بسير اقولها اميهَ سوريه يلا حطيليهَ علامه كامله هههههه

قليله اليدبَ :)'


ايييف الله يأخذ ابليسَ ضروسيهَ يعورنيهَ بعد !

مفتر رآسيَ !
22-03-2015, 12:17 PM



ابا اشتغل ، مليت من كثر مادرسَ
حد عنده واسطهَ ؟ هههههههههه

ابا البس لبس الجيشَ ياخي ، احس مرا واو وكيوتَ > اقول طلعي برا

اييف والله هيبهَ ،

تو مالهم ذيلا معكدينَ ، :('

مفتر رآسيَ !
22-03-2015, 12:22 PM
،.


تعرفون اني من أسبوع ابا اروح السوق ولا روحتَ
كل يوم اقول باجرَ باجرَ مع اني فاضيْه بلا شغل ولا مشغله
بس مافينيهَ والله ؛

خاطريه جيه اتسدح واللي يكون في بالي احصله جداميَ !

هاليابنيينَ المفلع يلا اخترعوا هالشي ، فالحينَ تخترعونَ اشياءَ سخيفهههَ :/






غدانا لحم > ماحب اللحم ياخي وايد ما اكل بلذهَ وجيه يعني

شو يخصه الحين هذا هههه ، ترى اللي يخطر ع بالي اكتبه هونَ :$


ب -.-

مفتر رآسيَ !
27-03-2015, 01:34 PM
. .



امس مستنا تقول ؛ انتي وايد تسرحينَ !
فيني فضول ابا اعرف ف شو ؟
جان اقولها : احب :)

تمت تضحك ، يعني شقولجَ بالله يلا قولي !
هذا سوال ؟ اونه في شو تسرحينَ
يمكن سرحانه فيج ، يمكن مافكر في شي ، يمكن افكر شو اكلَ

عقب بق جان تقول : كم عمرج ؟ قلتلها : .....
قالت نفس بنتي يعني ، عادي قولي اونه
هبلـا هاي ههههههههه
جان اقولها : اتمصخرْ وياج
لانه كلاسجَ الصبح ، عسب جيه سرحانه وابا ارقد :)


^ حاطه عليه حطه ، كلما اتكلمَ تقول شو قلتي ؟
اخر شي طفرت منها ، قلتلها اتكلمَ مع نفسي خلاص خليني :)'
اييف ياه :/

تحبني هههههههههه ،

خيبه الايباد مافيه جرج ، من يومين كان ١٠٠ ، منو لاعب فيه :)

قله يدب :)

ب -.-

مفتر رآسيَ !
28-03-2015, 02:03 AM




مزاجي وصخ :)

فينيه قهررر قسم بالله ، بس شي رادني

ضميري واقف ومتشتتّ ، يا هذا وي هذا !

من من كثر ما أني منقهره ،. بسوي مصيبه
بس قسم بالله ضميري رادنيّ

ترى صعب انك تعيش بين تأنيبَ الضمير ومابين انك تبا تسوي شي ومن خاطرك تبا تسويه !

ماعرف جان حد فهم ، بس قسم بالله تصلاني فاليوف نيران !



اول مره تشوفونيَ حزينه صح ؟ يلا ماعليهّ فلم هندي ههههه
قصه حزينه ، مليتوا من كثر ماتشوفونيَ سعيده :)
عين ماصلت ع النبي ، عافانا الله :)

مفتر رآسيَ !
28-03-2015, 02:09 AM




مطررر ❤️❤️
والله اسمع صوته ،
زين الواحد يدعيّ ف هالوقت بسير ادعي




..

يارب يارب حقق لي كل ما أتمنى واسعدنيّ فالدنيا والأخره
ويارب ترحم موتانا وموتى المسلمين وتشفي مرضانا وتهدينآ ، وتوفقنا وتغفرلناٌ وتعفو عنا
يارحمٰن ي رحيم تيسر كل أمورنا وتعافينا ، يارب انصرنا على اعدائناّ
وحسبي الله على من ظلمنا وجرحنا وقهرنا وابكاناٌ
يارب في قلوبنا دعوات لا نعلم كيف نقولها فأنت اعلم بها فحققها يارب العالمين ❤️

مفتر رآسيَ !
28-03-2015, 02:20 AM
مو يأس، بس للامانه احس مالي
نصيب باي حاجه يحبها قلبي :)'












^ يمكن خيره ، والحمدلله ❤️'

مفتر رآسيَ !
03-04-2015, 12:17 PM
ييها ، من زمان ما كتبت :)'


سبحان الله يوم ابا اكتب شي اتعايزَ
بما انه الجميع ينتظر مني الكتابه سأكتب من اجلكمّ ي جمهوري الأصنام :)



استنونيّ بس ، اخاف غدايهَ يحترق ههههههه

وانا اسولفّ هنا اعيشَ في عالم ثانيَ ، :)

مفتر رآسيَ !
05-04-2015, 10:46 AM
. .

السلام عليكم ورحمه الله وبركاته !






احسني احيانا جدا حقيرهٌ وأحيانا جدا طيبه ، انفصام فالشخصيه يعني '
مثلا مثلا اذا حد ضاربني وانا مزاجي مرا واو وبارده ع الاخر اكثر اكون استفزازية واكثر اخلي ضغطك يرتفع واكثر اضرب فالصميم ،. بس انته يمكن تحسبني انا مب قادره ارد عليك وأني سكت وتقبلت اللي قلتهّ برحابه صدرْ :)
فالأخير أضربك ع وترك الحساس ، فالنهايهّ اخليك انته اللي تتراجع مب انا !
وان طبيتك ترا بمزاجي ، وان مارديت بمزاجيَ لحد يعتقد انه سكتني او انه واو سكتها !
هه ؛ امسح من بالك هالشي نهائيا :)'


ًمب مستقويه ولاشي ؛ بس مانسى اي كلمه تنقاليّ لو خطف عليها ٥ سنين :)'

مثلا ؛ احيد فلانه قالت كلام وايد لا يذكر ،. سكت لانه بمزاجيّ

وسبحان الله الدنيا دوارهّ ، مب قصدي انتقام بس هالأشكال لزوم نذوقها اللي ذوقتناَ اياه !
وتشرب من نفس الكأس اللي سقتناَ اياه '

لا تستهين باي شخص جدامك ، ماتدري الله بيسلطّ عليك من حيث لا تعلمّ :)

محد مافيه عيوب ، كلنا فينا .. بس الواحد يصلح عيبه :)







^ حسيتني جديه بزياده :)
وشكراً

مفتر رآسيَ !
07-04-2015, 12:07 AM
نفر نفسيات عافانا الله ><


بدل هاللعيان :(
طرشي لاختج المسكينه صحن ورق عنب :p:p










للاداره : شسمه ما اوكي ياخي تمسحو مشاركتي قبل لا تقراها صاحبه المدونه,, وشقرن ^^

هيه نفسيه انا ، شو مدخلنجّ هنيه !
خوزي عنيه مفلسهَ هههههههه
انتي تشتغلين وعندج فلوس :)'


وبخصوص الاداره عطوها مخالفه تستاهل :)

مفتر رآسيَ !
13-04-2015, 02:03 PM
.,



مزاجيههَ لدرجه اني اغيرَ راييَ بين كل عشر دقايق :)

يباليهَ كف يمكن اصطلبَ !

ياشين الدوام عقب الاجازه
مالت بس :)

اليوم ما داومتَ ماليه بارض احس وجيه ،. ولأنه ابسنتَ وايد خذوا اشياءَ

لانه حظي واو جي استوىَ :)

المهم : اهم شي الراحهَ لاه .




ماعرف اتكلمَ ، إيرانية :/

مفتر رآسيَ !
13-04-2015, 02:08 PM
أنت قوية فطرياً، وقوتك هذه التي لا تضعف ليس مصدرها الاّ حقيقتها المعززة
بالتجارب وتعلّم الدروس والقرار الفعلي بعدم الاستسلام.







^ صح .، كلام مضبوط :)'
ماحب استسلمَ ابداً

مفتر رآسيَ !
13-04-2015, 11:30 PM
من تغديتَ انخمدتَ لين ساعه ٨ @@.
عنبوه .، شو مستويَ عليه !
واهليه طلعوا وردوا وانا خبر خير ،. ليش تطلعون ؟
اخاف انا اتمَ اروحيهَ فالبيتَ :)
لو اني اعرف انه محد فالبيت مستحيل ارقد هع
وانا اقول ليش رقدت كل هالمده لانه هدوء وماشي نصخ فالبيتْ !
نوم العوافي ي انا :)'



وأحس فينيه رقاد طشه. ، بس لزومَ اخلص شغل اللي عليهَ
عندي برزنتيشنَ وواجب ووو امتحان ووو وايد اشياءَ ، بسويهنَ ان شاء الله اذا مارقدت ههههههههههه

يالسه فالخيمهَ :) .، ترى عادي الحين حد يدشْ علينا انا وخيتو
بس عادي عندنا محرمَ خخخخ ، خويلد يلعب بلاستيشنَ
حاطلناَ كوره ياخي ماعرفها العبهاَ ، حط سياييرَ :|


ويالسينَ نشرك كرك ونأكل وطالبينَ محشي ، الحمدلله محد خلصه ❤️

يلا باي تعبت -.-

مفتر رآسيَ !
15-04-2015, 09:53 PM



ي اللهه الحمدلله ❤️

المهمَ كان عنديه برزنتيشنَ اليوم ، احيدني فاره الفلاش فالشنطهَ والله
كيف طلع ؟ مادري :)

واليوم ييت ادور الفلاش ما لقيتهَ ، رباه شو هذا ؟ شو اسويَ الحين ؟

عنديه cd لاه .، ويوم يا دوريَ جان إنش واحطه فاللاب.

وطلع شي ثاني ، جان اقول : خيييييبـه وينه :)

قالت المس وينه ،؟ قلتلها حاطتنهَ هنيه سبحان الله اختفىَ !

جان تقول خلي حد يطرشه من لابج ع الايميلْ ، قلتلها هيه اميهَ بطرشه :)

تستهبل ، شدراها ماماتَي باللابَ وذا المنكرَ ، قلتلها : حرام مس والله شو اسويَ الحين
واونيهَ بريئهَ وجيه ، اخر شي اجلتهَ لاثنين وضبطتَ الخطه هههههههههههههههههه

احييينيَ انا والله وارفع القبعهَ ع ذكائيَ الخارق

وشكراً :)

مفتر رآسيَ !
15-04-2015, 09:55 PM
. .



عادي اقولكمَ شي ؟

ترى انا يوم اقول كلام يعني وجيه ، اكوٌن فاصله واتمصخرَ

ومب صدق ،. اوك ؟


لا تسوونَ فيها مادري وشو :)'

بالاخير مايهمنيهَ رايكم لاه .، ولا حد من اهتماماتيَ

اهليه وبس اللي شسمهَ يهمونيهَ !


ب -.-

مفتر رآسيَ !
18-04-2015, 12:37 AM
. .



احسنيه متلومهَ ؛ ضربت منصوريَ :('

لا يعني صدق صدق قهرنيهَ وانا عاد اعصبْ ع اتفهَ الاسبابَ
بس صدق انا جيه اي شي تافه اعصبْ عليهَ . .

عافسَ الحجره ولاعبَ بالمناكيرَ وخيسَ عمرهَ ، ونازعتهَ مره ومرتينَ ماشي فايده.

منن سوىَ هالشي ضربتهَ :(' ، بس صدق ضميري أنبنيَ

بسبه عصبيتيَ زايده اسويَ اشياءَ غلط * غلط

يعني ياهل لازم بيسويَ جيهَ ، ياما انا سويت أشد من جيه يوم كنت كبرهَ

بس منو افهمَ منوَ ، المخ سكراب :)

عقب وهو يصيح قال : انا زعلان :('

وروح عنيهَ ، سرت ورآه تم يدزنيهَ ماطاع يبانيهَ هههههه

بس يبت راسهَ عقب ورقدَ عنديه ، بس بعدني متلومهَ فيه والله !


سخيف ضميري ع أتفه الاشياءَ يعورنيهَ ويسوي سالفه مع انه الناس ماتستاهلَ

ايف ياه ، ماقصد منصوريَ حد ثاني :)'

. .

مفتر رآسيَ !
18-04-2015, 12:43 AM
. .


دقتليهَ عشوب كم مره ومارديتَ عليها
وكلمتني ع هذا ومارديتَ عليها
مع انه ضميري أنبنيَ ليش ماردَ واسوي جيه !
بس صدق اروحيهَ ماعرف :)
نفسيه خخخخخ

حتى هيه تقول ليش انتي جيه ، ليش جيه اسويَ ؟

صدق ليش انا جيه ، جداً بليدهَ :('

مع اني أتم افكر وضميري يأنبنيَ بس ماسويَ شي ولا اتحركَ !

حتى اسأل امي ، انا ليش جيه ؟

جدا هالشي متعبَ

وشكراً :)

مفتر رآسيَ !
27-04-2015, 01:03 PM
. .


يضحك منصور ههههههه
اووونه يقولي ، حبيبتي هذا ؟ حبيبتي تعالي ، حبيبتي انتي :)

من الحين ،؟ هههههه -.-

صدق صدق احيانا احس بالوحده من دونه ، افقد نصي الثاني
جيه يعني احساس غريب لا يوصف ، :)


وصح كنت بقول شي بس نسيتّ -.-

مفتر رآسيَ !
06-05-2015, 11:25 PM
. .



وايد سوالف ف راسيَ
بس متعايزه اكتبَ


اجازه انا ، ايف ياه ابا الداومَ :('

مفتر رآسيَ !
08-05-2015, 04:07 PM
. .



ابداً ماحب ايلسَ في مكان فيه نفاق وكل حد يتمصخرَ ع الثاني
ابداً ماحب هالاجواء ، وماحب ايلسَ ويا الناس اللي جيه !
اوك تمصخر ، بحدودَ
اوك امزح بس بحدود بعيد عن التجريحَ والاذىَ !
يوم تقول لفلان جيه وجيه ، شو يسوي يعني ؟ هذا نصيبه
ربك كتبلهَ جيه ، ربك خالقنهَ جيه !
تتطنزَ ع خلقه ربك يعني ؟
تتطنز ع المكتوب وع اللي الله مقدرنه حقه ؟
صدقني هو متأذيَ بس يحمد ربه ، يعرف انه كل شي خيره
وانه هالدنيا فانيهَ ودار شقىَ ، !

حسيت بويههاَ يوم تغير ، رحمتها وابتسمتَ ولا كأنها سمعت شي
غصه ف قلبها !

الأذى احياناً مب جرح بسكينَ ، احياناً جرح يكون بكلمه بس
ويسببلكَ الم وهم وغصه فالقلبَ !

لدرجه انها احياناً يبتعد عن هالناس بس عشان مايسمعَ كلمه تغثهَ
او كلمه تجرح مشاعره ، مب ناقص اكثر من هو اللي فيهَ !

ليش جيه كل حد يبا يضر الثاني ، وكل حد يبا يبين انه مصخرجي ع حساب غيره !

حرام ترى تضحك غيرك ع حساب انسانَ !

فكر ب هالشيَ !



# وشكراً

مفتر رآسيَ !
15-05-2015, 02:21 PM
من ديار العين مصيُوبي
بعد زاخر كيلو بشويههَ !


. .


هذي اهداء من صديقتي سارا هههههه
يوم سافرت شهر العسل طرشتليه اياها
ريلها مطرشنها حقها ويايه طرشها حقي ، نعم اختيٌ :)
المهم يا سارا ، مس يو تصدقينّ :('
انتي ثاني وحده من ربيعاتي تسال عنيه اكثر شي !


+



قسم بالله اكررررره حد يدقليه ف نصايف الليالي وانا اكون مسترخيهٌ وراقدهّ
زيارينيّ يطلعن !
انا الهبله نسيت اغلقهٌ :/
وشسمه يليت لو مره ومرتين ، ٦ مرات :)
ولا اعرفه الرقم مال منو .. اكيد هندي !
كلي ولي :)


+



عظمّ الله اجرج صديقتي مريم وأختي وبنت اييراناٌ
كل من عليها فان :)



+



نترخص عنكم ، مستويه امل من كل شي حتى من ويهيه :)



+



ابا ترياكيّ من جارليز ، عذاب :(





ب :/

مفتر رآسيَ !
20-05-2015, 01:06 PM
. .


ضروسيه يعورنيه من 3 ايامَ :)
حسبي الله بسير اعالجه قبل رمضان
بتمشكلّ عقب وادريّ بندم وبصيحّ دم

المشكله يوم يعورك ضرسكَ مب بس هو ، راسك يعورك واذنك وكل شي :)'
اييّف ياه ..

مفتر رآسيَ !
20-05-2015, 01:35 PM
عندي موضوع ،،
ربيعتيه من ايام الاعداديهّ وعدال بيتنا ودوم ويا بعضّ
واسير بيتهم وتيي بيتنا ..
خلصنا الثانوية ودشينا الجامعه وشوي شوي نبتعد وعرستّ وشوي شوي ابتعدنا
مب انا ، ماحس التقصير مني !
علومها كنت اسمعهنّ من غيري مع اني انا كنت اقرب لها وتعرفني قبلهن كلهن !
وانا طبعي ما تم اربع ورا فلان وعلان ، فلانه كلميني فلانه انتي مقصره ..
أبداً ، تبتعدي عني ابتعد عنج ، تحطينيّ ف عيونج احطجّ ف عيوني
مثل ما تعاملينيّ أعاملج !
اما انه اعطيجّ اكبر من حجمجّ وانتي تصغرينّ حجميّ ، أبداً هالشي مستحيل :)
مب بطره ولا كبرياء ولا غيره سالفه سالفه علاقه ، مايستوي طرف واحد يتمسك فيها وطرف الثاني مرتخي'
صح كل حد وله ظروفهّ ، بس اللي يبا صلاه ماتفوتهّ
الظروفٌ مب أسابيع ولا شهور ولا حتى ايامَ !
كلنا عندنا ظروف وعندنا أهل وعندنا وعندنا ، بس طيب الأصل ماينسىّ ربعه '
مهما كان ومهما يصيرَ ، يمكن انا ماعرفت اختار صحيح
ويمكن الغلط مني انا ، ويمكن ويمكن بس خلاص انا صحيت
عرفت شو الصح وشو الغلط
وعرفت من ربعي ومن مب ربعي ، صديقه مب مجرد اسم وبس
الصداقه غير محتاجه وفا ومودهّ وترابط مب اي شي تافه يمكن انه يخليها تستوي ب هالبرود مهما كانت الظروف !
لا تييينّ تكلمينيه وتقولين انتي متغيرهٌ
ولا طرشين شي ويوم انه مارد عليج تحتشرينَ
لانه خلاص ياخي استوي بارده وماهتمَ ، :)

مفتر رآسيَ !
21-05-2015, 11:14 AM
. .

متكسره ياخيّ اريد مساج مع زيت البابونجّ
والله مادري جان اسمه صح بس حسيتني ارتحت من قلت اسمه :)
المهم المهم ..

سمعتوا شو صار ؟ تصدقون ما صدقت :)
حسيتني عايشه ف عالم ثاني ,

المهمٌ والاهمٌ ،



امس كتت طالعه وانا اسوق خاطفه واتحلطمّ وادعيّ
قسم بالله مايعرفونٌ يسوقون ، ارتفع ضغطي
خاصه الحريم < انتي شو ،؟ ههههههههه
لااا صدق فيه حريم سواقتهنَ قسم بالله مرض :)!
وايد خذت ذنوب البارحه '


يوعانه ياخي ابا اكل يديدّ مليت من السحناه هههههههه
لا لا اجذب تصدقون والله يمكن من سنه او اقل شوي ماكلتهاّ :)'
احسن ماحبها وايد ماشعرَ باللذهّ يوم أكلها !

..

مفتر رآسيَ !
22-05-2015, 03:50 PM
..


الله بنداومّ ، ما اجمل الدارسه
ويارب توفقنا وتيسر كل امورنا وتشرح لنا صدورنا ❤️'


^


طرشت احمدوه اييب العبايا من الخياط
وقالي يوم بتفيج بييبهن لج لا تمين تحشرينيهٌ :(
ابييه ابا اشوفهن انا ، يمكن مب زينات يمكن مخربنهنّ
الاحد دوام عنديهّ ، بلاك جيه :(
قال : قلتلج عقب !
انا : اوك :) ،

ماحب المذله خخخخخ

وادق سياره سلف وأروح كنت متعايزهّ قبل !
ووالحمدلله طلعن زينات لا مخربنهنّ ولاشي ، اما انه كفو :)'

فيني طبع ياخيّ يوم اخذ شي يديد اتمَ أتامله واتاملهّ واخايلٌ صورتك واتاملك
لالااا اتمصخر خخخ

لين اعافه والبسه هع


يلا ب -.-

مفتر رآسيَ !
24-05-2015, 03:10 PM
..


ههههههههه مصخره ماشي كلاس
محد مداوم غيري :)
تستاهلين اونج عاد مسويه فيها راعيه الطعميهّ وألفول :)
قليلين اليدب ، المهم
اتريا الكلاس الثاني ، سطلت ياخي ابا غدا :('
بروحي يالسه حرام
بييني التوحد :(!
والله من كثر ما ملانه واروحيه يالسه يلست اسولف ويا اللي تنظف الحمام :('
حليلهاّ والله !

مفتر رآسيَ !
24-05-2015, 03:17 PM
. .


تعالوا بخبركم قصه يدي ويدوهَ كيف عرسوا وجيه
حسيت يدي شاروخان ع غفله ، الله يرحمك ي يدي ويدوهَ :)'

انزين ، اونه ابو يدوه مب موافق ع يدي كان يباهاّ حق ولد اخته
وهو يستوي ولد اخوه :) ، والله يدوه كانت جميله يضاربون عليها !

المهم ؛ جان ايي يدي بيتهم يدوه وماسك سكتونّ هههههههههههه
تصدقون يوم يقولون لي القصه هب مصدقه وأقولهم شو هالخريط
فلم هندي هو :)'

المهم عاد يدي قال تزوجونيٌ اياها بالقوه والله مارد عنها ، وأي مهر تتطلبهّ جاهز !
عقب ابو يدوه من شاف يدي متخبل وبايعنهاٌ عطاه اياها وعرسوا
من بعد ما ام يدوه قنعت ريلها اللي هو ابو يدوه وجيه يعني :)'



ضحك عايلتناٌ هههههههههههههههه كله عن حب :)
صدق يعني انا وفيه مب عبث هذا كله من اجدادي ومبادئنا !

مفتر رآسيَ !
24-05-2015, 03:21 PM
. ،


بخبركم عن امايه وابويه
قصه حب ثانيه هههههههههههه

ابويه شاف امايه فالسوق ولحقها لين البيت
ومن عرف البيت يا خطبها :)


كفو ي بويه كفو وانا اشهد ،
وشكرا


يلا يلا فتيت علوم عايلتناَ
عقبال ما اخذ عن حب شراتهم
نتبع نهج الاجداد ههههههههههههه
وبس صراحه انا ما اؤمن ب هالسوالف
وقبل هب شرات الحين !
ضياع وسقم وفوناتَ وصياعه


يلا حياكم ، تعبت :)

مفتر رآسيَ !
27-05-2015, 12:10 AM
. .







سلامَ ،
اونه شو الاستاذ يقولي اليوم : بنتي انتي بتفهميليَ ؟
انا : هيه
قال : عّم بشوفك شارده !
انا : وين شارده انا فالكلاس -.-
احسه ما فهمليَ انا كنت اتمصخر هههههههه

وجان يقول عقب الحمدلله :)!


الكل يقولي اسرح ، اخاف اني حولا وماعنديّ خبر ههههههههههه
ايف ياه مايعرفونٌ الناس الذكيه والعبقريهَ كيف :/


ماشاء الله ❤️❤️'

مفتر رآسيَ !
28-05-2015, 03:31 PM
. .


يلست عداليه وحده متعطره اوك مب مشكله تعطريَ
ياختي عاد من عطر لعطرَ يفرق
قسم بالله فرت راسي زياده ، ريحته قوووويهَ
بغيت اختنق من ريحه ، وضربني صداع
تميت ساكته ومتحمله لين ربع ساعه عقب طفح الكيل
وغيرت مكاني ، جيه لو تميت اكثر بيغمىَ عليه !
حشا جان عطر جيه ،
نعم بغيت عمريه قبل لا اموت وكل حد يضارب ع ورثيَ
شدخل هذا الحين ههههههه



ابا اروح سويسرا ياخي ، ولا فرنسا ولا اليونان !
جيه يعني هالاماكنّ :)'

الله كريم بسَ :)!

مفتر رآسيَ !
31-05-2015, 11:51 PM
. .




هلـا :)

حابه اتعرفٌ على صديقه عندها فلوس ويكون اهلها متفتحينَ زياده عن اللزوم
مثلاً يعني نسافر انا وهيه بروحنا وجيه يعني :)!

عادي ترى عندنا نحن ، اهليه وايد متفتحينّ وكذا
والافضل انها تكون قويه شخصيهّ وماتخلينيّ ادفع فلس واحد ،
وتسويليه اللي اباه ، تلف بي العالم لف
وواهم من هذا كله تكون وحده تجتلّ ضحك وسوالف ومصخرهٌ
اما تيينيّ وحده شاله هموم دنيا فوق رأسها وهذا خانيٌ وهذا مادري شو
اسباب تافهه يعني
تلتعنّ عن ويهي ، مو ناقصه أبد نكد وهم وكآبه ؛:)'











هيييييه امسحوا الكلام اللي فوق لانه خيال أصلاً
ومستحيل يكون واقع :('

مفتر رآسيَ !
01-06-2015, 12:03 AM
. .


قلت حق وحده ياخي انتي وايد تجرحين مشاعريه !
جان تقول : انتي فيج مشاعر أصلاً ؟

الحين انا هاي اعتبرها مدحه ولا شو :)
ليش بالله مب انسانه انا !
مافينيه قلب ؟ ماحس ؟ ماشي نبض فينيه يعني !
ع فكره انا اكثر انسانه حساسه هههههههههههه
جب جب محد يضحك الموضوع جدي مافيه شي يضحك
هيه انا حساسه ويوم حد يجرحنيهّ ايلس عند زاويه ٩٠ وأصيح :(!



،



صح اليوم اخويه يهددنيّ ، باباه منو تهدد انته ! :)
المهم المهم جان يقول : لو مايبتليهّ ماي بخبر عليج مسويه مخالفه وانج تسرعين !
جان اقوله : خمسه ، سته ، سبعه منك مايخوفونيّ
تم جيه يطالعنيهّ ����'

وروحتَ عنه هههههههه

يلا ب برقد ، عشان اشبع رقاد لاه
اعرف عمريه بندم ع كل دقيقه ضيعتها
وداعاً

مفتر رآسيَ !
05-06-2015, 11:33 AM
#'


أسألك اللهم في صباح يوم الجمعه . .
ان تشفي مرضانا ومرضى المسلمين . .
وترحم موتانا وموتى المسلمين جميعاً . .






اللهم ارحم عايشه واغفرلها واكرم نزلها ووسع مدخلها
وثبتها عند السؤال وارزقها جنتك بغير حساب ولاسابقة عذاب . . ��



..


بنشتاقلجَ ، وبنفتقدّ ابتسامتجَ وضحكتجَ وكل شي.
الله يرحمجَ ويغمد روحج الجنه صديقتيّ :(
والله يصبر اهلج ع فراقجَ ويُصبرنا يارب ..

مفتر رآسيَ !
09-06-2015, 11:44 PM
. .




ترى قبل نص ساعه ناشه ههههه
الحين شوي بترس كرشهّ وارد ارقد :)'
الواحد لازم ينقع رقادّ ..
المهم يوم نشيت كانت خالتيه عندنا
وانا خاطفهّ امشي الا هيه ورايهّ
وانا يالسه اشعر
اونه ..
حد يسوى حالي ومالي
وحد لو ببلاشَ ماريدهَ :)'

ويلست احفظهاَ اياها ههههه .. جان اقولها
خالوه حق بو خالد شو :)'
وتم تقولها هههه ، وانا ورآها ..


تعبت يلا برقد اقصد بتعشى وبرقدّ
مافينيه امشي -.-
يوم واحد مايضر.



وداعاً ..

مفتر رآسيَ !
10-06-2015, 12:37 PM
عزيتّ نفسي عن تبعَ بعض الاشكالّ
اتُوق للعليآ .. وانا رافعَ الرـاسّ !*






. .

مفتر رآسيَ !
17-06-2015, 09:27 PM
. .



من كم يوم سايرينَ نتشرىَ حق رمضانَ وجيه
وشاله منصور عنديهَ ..
الحين السله بحطَ الأغراض فيها ولا احط منصورَ !
المهم .. خليته يمشي كلما شاف حلاوه فرها فالسله.
كلما شاف كافي فره في السلهَ ، ايـه نعم !
اللي ينفع واللي ماينفعَ ، وكلما يأخذ شي أطلعه انا من السله واردهَ
عقب الريال شاف انه الكوافي ناقصاتَ والحلااوه مب كلها ..
جان يقول : ماماه وين مالي ؟ ماماه حبيبتي انا هنيه حطيت حلاوتيهَ

وانا جيه @@'

ماماه ف عينك :)' .. الحلو فيه انه يسمع الكلامَ ❤️'
هذا ماينفع ، يرده .. هذا يخرب أسنانك يسمع الكلام ويردهَ !
وعقب شلَ حلاوه ، جان يقول : هذا يسويليهَ دم صح
لا يكسر ضروسك بس > ماشي تفاهم هع

جان يردهَ .، وعقب خذينا أغراض وهيك ورديناَ
خلاف وديناهَ الالعابَ ، واعدتنهَ ❤️'

احياناً يوم شسمه جيه يعني اتملل واتضيقَ أتم عند منصور
عادي ف ثانيه يعدل مزاجيَ

الله يحفظه يارب ❤️'


..

مفتر رآسيَ !
20-06-2015, 12:25 AM
. .



كيف يحطون صور من الايباد ع السبلهَ ؟
اييف ياه ، خسفه انا ف هالامورَ ع فكره يعنيَ :)'




+


اليوم سويت شوارماَ وطلع طررر واللهَ
مابقىَ شي منها :) ، انزين حطوا حق السحورَ ي الزط !

وشسمه بعد سويت سويتَ فيه فراولهَ ، يجننَ !
عاد باجر مابدشَ المطبخَ
عطيتكمَ ويـه بزيادهَ ، اوج نفراتَ ؟ :)
عنديه شغل هاهاها ..


*+


شهالمسلسلاَت المصخرهَ ، ولا واحد عيبنيهَ !


..

مفتر رآسيَ !
23-06-2015, 01:44 AM
. .



تعرفون يوم فلان يسوي فيك موقف الفلانيَ
وانته ترد وفيك قهر بعده .. بس تسكت وتخليهاٌ للايامّ !


سبحان الله وصدقني انه مثل ما هالشخص سوى فيك
يستوي فيه نفس الشي سواء منك ولا من حد ثاني '

اي حد يسوليهّ موقف يقهرنيهّ تراني انا انسانه وأحس يعني ههههه
المهم .. ينردّ فيه !

سبحان الله .، القادر ع كل شي
والله بس لو تحسن الظن بالله امورك كلها بتتغيرٌ وتحس بأمان وراحه
وانه ربك ينتقم لك ويحبكَ ❤️..


يوم كنت ادعي ع احد مب حقد ولاشيّ بس كنت ابا العدل فقط لا غَيْرَ
وانه ف هالدنياّ كل شي وله حساب وثمنّ ..

وادعي ربي دوم يبعد عني رفقاء السوء والنَّاس اللي تبا تضرنيّ ..


ع فكره حتى هنيه ، لو ساكته ترانيهّ اعرف
مع اني ماخالط حد ولا اكلمّ حد الا نادر فالسنهّ مره :)
بس بعدهم يحاولونٌ يضرونيٌ ..
ترى انا انسانه مايهمها شي والله ، يعني لو ياني حد وقالي انتي جيه وجيه
اسمع منيه واطلعهّ من الاذنّ الثانيه !
لا انتوا تحددونٌ مقامي ولا انتوا اللي ترفعونيّ ولا انتوا اللي تنزلونيّ !
ولا يهمنيهّ رأي اي حد ..


بس اهليهّ والنَّاس اللي تعرفنيهّ شخصياً
ولا انتوا ما مستهمهّ ف حد فيكم ، اوج ؟

يعني خبصوهاٌ لين تشبعون .، يعني انتوا جيه كل الخلق لازم يكونون نفس الشي !


عشتووووو ، :)

مفتر رآسيَ !
23-06-2015, 01:52 AM
. .



اليوم المس عطتنا درجات
وانا اعلى وحده ، انصدمتّ ههههههههههه
قالت : معقوله !

جان اقولها : لو تشوفينيهَ مفهيهّ واسرحّ وف عالم ثاني هذا من علامات الذكاء ..

الله ينطبجّ ي عيونجّ ، تف تف قل اعوذ برب الفلق :)' > هذا ف خاطريه عن ترسبنيٌ
عادي يكون ضميرها ميت !

عقب وحده تمت تتلصق فينيه ، ابو المصلحهّ
جان أقولها : ليش لاصقه فينيه انتي !
قالت : ابا اتعرفٌ عليج بس

قلتلها : ماحب اتعرفٌ ، انا فينيه التوحد ماحب الأصدقاء هههههههه
روحت عنيه ، حسيتها قالت هاي مينونه ،


يلا مناك ، وقت المصالح تجي الكلاب مشتاقه :)



..

مفتر رآسيَ !
23-06-2015, 01:59 AM
. .





خاليه يايبٌ سيارته من صناعيه مضبطّ سيارته حق تخميسَ
وياي بيتنا ،

قلتله : عطني أسوقها
وعطانيه والله ههههههه
شو يجنن الشيَ :)!

وتميناَ نخمس فالحارهّ ،. بس ٥ دقايق

عقب قال جلبي ويهج ورايه حلبه هههههههه
قلتله شلنيهّ وياكم ، محد بيعرفنيهّ
بلبس ملابسك وجيه ، بس بيلس اشوف :(


عطانيه هاييج النظره ، يعني نزليّ بكرامتجّ قبل لا اييج كف يسفر ويهج :)


شكراً راعي الفتك ماقصرت :)



..

مفتر رآسيَ !
24-06-2015, 05:50 PM
. .



فينيه ادمان حنى قبل رمضان كنت محتنيهّ باسبوعينَ اضن
وامس تحنيتّ :)'
مسويه قمر ومادري شو ههههههه ع اساس رمضان '
ماعرف شو ياينيهّ عليه خخخخ
بس لزوم يعني نغير النفسيه وكذا
وتحسين انه ايدجّ حلوه ككككككك> زمان عنها هالضحكهّ :(
تحيدون ايام المسن ، الفيس اللي يتسدح من ضحك:)
محد يعرفه ، الا عماني طيب وحييري ناكس عقاله ؛:)
اللي كان هنيه قبل ٤ سنوات يمكن يذكرهمّ .. بس اضن اللي يعرفون اختفوا
واصلا ع طول حظروهمّ ما تموا ههههههههه
عماني طيب كان يغازل عشوب هههههههههه واحليلها عشوب تسب وكذا
وشافتنا بنت ناس فالجامعه ، عماني طيب بنت ترى :/

.. ايام المراهقة :)


استغفرالله رمضان كريمّ !

مفتر رآسيَ !
26-06-2015, 09:43 PM
. .



ربايعيهَ وشبه ربايعيهَ مسويات قروب فالواتسّ

ومن اسبوع وياهن او اقل .، بس لاعت جبديه ياخيّ
دوم اطلع منه ويردنيّ :)

ابا اطلع من قروبهنَ ، ماحب القروبات وهالسوالفَ
وسوالفهن ماعرف كيف ، يا الغلط فينيه يا فيهنّ
وأحس ماتحملهنَ والله .. تعبت من كثر مارقعّ واجامل :)

واصلاً اقولهم قروبكنَ معفن .. وأنتن مملات وجيه يعنيَ ..
اييف ياه

يبالي سفره مكان بعيد جيه محد فيه أبداً واسترخيَ وارتاح :)'



نفسيه انا ،. ><

مفتر رآسيَ !
29-06-2015, 04:21 PM
. .


كان عنديهّ امتحان والحمدلله حليتّ ،
المهم . سالت الاستاذ سؤال بس أتأكد
خيبه صرخ ف ويهيه .، سكت عنه انا
ماتميت أناقش ومادري كيف ونزلت رآسيَ
عقب جان ايي عندي ، حسيته تلوم خخخخخخ
وكلمنيّ بهدوء .. كلنا صايمينّ انزين
وتفر غيضك فينيه ، ليش !



والله ، وأجازه اسبوع وبنفرَ ذاك الصوب ههههاي


اتريا راعيه المحشي عشان اشله بيتنا وأروح وارقد
بخشه فالكبت هالمحشي لين الفطور وباكلهَ ومن اخلص بخشهّ
ومابعطي حد أبداً واصلا مابقول اني طالبه اعرف مابيخلونهّ حقي :(!

ويوم قلتلهم تدفعون النص بالنص كلهم قالوا اصلا مانحبهَ مانباهَ
وبس لانه بفلوس غيرهم حلو وكل شي ويلحسونّ صحن صصصص -.-







ويارب تيسر لي كل أموري وتوفقنيّ وترحمنيّ وتعفو عني
وترحم موتانا وتشفّي مرضانا ❤️

مفتر رآسيَ !
03-07-2015, 03:40 AM
. .



ملل ياخي ، مليت من التلفزيون
وسخافه المسلسلاتَ صراحتنَ ،
حتى بيتنا سخيفَ ، مليت منهم
ابا ناس يدادّ
واكل يديد ..

ياخي لو شردت وين بسير ماعندي فلوس :)!

بعيش مشرده وبموتّ يوع ..
ع الأقل ف بيتنا كل شي ببلاشَ والاكلّ اهم شي وشبرتيهّ الجميلهّ
واللي يعق عمره فيها ع طول ينخمد. ❤️❤️


كنت فالصاله والله مستويه نفسيه من الخاطرَ ، يا اخويه تعالي نلعب بلاستيشنّ
قلتله : انته ما مليت ؟ترى حياتك وايد ممله
انا لو ولد بتحصلنيهّ هايتهّ ف الشوارع انته ليش جيه وايد مؤدب ؟ :)
تم يطالعنيهّ ،
قال تعالي لعبي عنديه وانتي ساكتهّ
حقير هههههههه
ولعبت تونا مخلصينّ ونشرب كرك ..




اييف ياه. ، ><

مفتر رآسيَ !
03-07-2015, 03:49 AM
http://games.wameedh.com/ar/YouInGroupCheck.aspx









كتبوا اسمكمّ وكل واحد يشوف شو يطلع له بين ربعهّ والشلهّ هههههههه


انا طلعليهٌ الطباخهٌ ومحدّ ينافسني أبداً ههههههه

حلو احب هالاشياء ❤️❤️'


اللي عنده نفس هالاشياء صوبنا لاه ..

مفتر رآسيَ !
04-07-2015, 12:00 AM
. .



ربيعتيه طرشتليهّ شو خذتّ حق العيد
وحق بنتها ، تخبرنيهّ اونه حلو ولا لا :)


ياخي ماعرف اجاملّ بس صدق مب حلو ،. مب شي
مب ذوقي ماعيبنيهّ ، الباقياتّ جاملنهاّ :)

جان تقول انتي ماتجاملينيَ قولي رايجَ ، قلتلها مب حلو والله
قالت تعرفين هاه بكمّ ؟ قلتلها مايهمنيَ عساه ب مليون
واللي يهمني الذوق ف اشياء غاليه مب شي تراها
ووفيه اشياء رخيصه تغسل الغاليّ ،. والعكس صحيحَ
مب شرط كل غالي حلو !

قالتلي تعقدت ههههههه وندمت خذتهَ ، قلتلها انتي مقتنعهٌ ؟
عايبنج ؟ قالت هيه
وقلتلها خلاص فري رايي بحر واهم شي رايج خخخخخ ❤️



ع فكره انا ذوقي وايد صعب.. عادي اطلع من السوق وانا مب شاريهّ شي
من عقب لف ساعتين او ثلاث :)'

مفتر رآسيَ !
10-07-2015, 02:27 AM
. .



اليوم كنا متولفينَ ، ربايعيهَ يعني وجذاَ ❤️

حبيت الشي هههههههه ، ختمناها بكوبَ كرك واونوَ وغش ههههههه
حقيرات والله كل وحده تغش من صوب
ولا انا اصرق الاربع. واخشهنَ كككككك

وايد يلسنا وكل وحده يايبهّ ولدها وبنتهاّ وصدعه :)
وعقب فريناهم عشان نحس انه عزابياتّ خخخ


وماشي والحين شبعانه ، يارب احس باليوع الساعهّ ٣
والله لو ماتسحرتَ بندم :('



+


قلت لامايهَ ابا اقص شعريه انا حق العيد
قالتلي والله لو قصيتيهَ مب راضيه عليج :(:('
أنزين ليش والله حرام َ ، ابا اغير
اييّف ياه :(



سون عسل ولوز مطحونَ حق ويه زين ينفعّ
يلا باي

مفتر رآسيَ !
16-07-2015, 02:34 AM
. .



هاي قايزّ ، خربونا الأجانب :)

يقولون رمضان خلص وييبداَ عاد اللي اللي ....
وبيي العيد والنَّاس محتشرهّ والحريم تارساتّ بقعه
واللي يقهر انهنَ بيلسنَ فالبيت
وليش الزحمهّ ليشَ :)
هاه ، ليش !




صصح طالبه محشي اليوم وخشيتهّ فالكبت الحمدلله محد عرف اني طالبه خهههههههه
وادخل الحجره واقفلها واكل واكلَ .. لين شبعتّ
باقي الحين كم حبه وشبعانه انا.، واخر شي طلعتهَ
قلتلهم يايبتلكمّ محشي لو أنكم ماتستاهلونّ
اخر شي ١٠ حبات بس هههههههههههههه
بعد مب عايبنهمّ ، حمدوا ربكم اني شبعتَ :)'


واللهيَ يعني ، حلجيهَ يعورنيهّ
شكليه بزكمَ ف هاللاهوبَ :)

..

مفتر رآسيَ !
23-07-2015, 12:21 PM
. .


سلام صديق
وانا يالسه فالعيادهَ قلت يلا ادورٌ نت
جان احصل نت ، بس فيه قفل
والله ثم والله خمنت الباس وطلع صح ههههههههههه
الله حلو الشعور تحس نفسك عبقري وجيه
يارب جيه ف الشسمهَ الامتحان يارب ❤️❤️'







ع فكره تعبانه نفسياً ومخياً وكل شياً :)!

يارب اقدر اغش :(




ب -.-

مفتر رآسيَ !
23-07-2015, 12:26 PM
هزت سريري في يديها وانا اصغير
وشلون ما اهز الحياه لـ رضاها ❤️❤️'













. .

مفتر رآسيَ !
31-07-2015, 08:45 PM
. .


الحمدلله حمداً كثيراً طيباً مباركاً فيه !


شدعوه يبه ابتسامهّ :)'


المهم


شت ماعندي شي اقوله
اكتب وامسح
ماعرف كيف اقول سوالف واعبر عنها وأزيد بهارات خخخ . .

مفتر رآسيَ !
05-08-2015, 12:23 PM
. .



باجر عرس ربيعتيهَ وهم نسايبناّ بعد :)!
هيه بروحها يايبتنها خخخخخ
والله يوفقها يارب ويسعدها ❤️❤️'


والاسبوع الياي عرس ولد خالتيهَ ،.
احسه بيكون ممل هالعرس هههههههههه :/

الله يوفقه ويسعده بعد . .


وبس والله :)

كاره أستاذ استغفرالله يتفلسف فلسفه سخيييفه
وسألته بس سوال والله
وقالي تعبير ومقال وتقرير تلومت اني سالتّ :)
واخر شي قلتلهّ اها :)

تم جيه يطالع هههههههههه -.-


فكنا لاه .، متى افتك منه
وامتحاناته نفس ويهه :/


ب

باد مود > بعدهم عايشين هاييلا هههههههه

مفتر رآسيَ !
05-08-2015, 12:30 PM
. .


امس كان عنديه برزنتيشنّ
وانا اخر وحده لاه ، ختامها مسك :)

يمكن تميت ٣ دقايق ههههههههه
قال الاستاذ : أسرع برزنتيشنّ شفته ف حياتي
قلتله : عشان تروحونّ وعشان اتعشى انا بعد.
وترى كلاسه ليلاً :) . .

وماشي والله مادري كم حط لي ،

بس البنات قالن اوك وجذا ، الحمدلله ❤️


وامس كوز وحقير حط لي ١١/١٥

تف عليك انته ودرجه اللي حاطنها ، :)


ما تلاحظون اسير وارد ع هالاستاذ ، صدق قاهرنيهَ والله

ايييف ياه :(:(!

مفتر رآسيَ !
19-08-2015, 01:08 AM
..




سلام عليهمَ ،


كنت اشوف فلم حبيته خخخخخ
شدتني هالعبارهَ مرا مرا قويهَ :)

كان يغايض واحد اسمر البشرهّ
قاله اليوم بفوز بالجائزه وبيعطوني امك مقابل دولار :/


شسشششت ، قويه ياخي


وهاي علومكمَ هاه ، لا لا زين
وحد مإجز وحد مداوم وحد مسافر وحد بين ٤ طوفّ


حلوه الحياه ♥️♥️'

مفتر رآسيَ !
21-08-2015, 01:03 AM
. .




انا هالايام احقر ماخلق ربي :)

مفتر رآسيَ !
21-08-2015, 01:08 AM
. .



كانت عندنا عزيمه اليوم لاه
تعرفون الشعور اللي ماتقدر تفاعل فيه
ويهك تقول حطبهَ :)

انا كنت جيه ، كنت استفزازيهَ
وماهتم لأي سالفه تقولها ماعطيهاّ التفاعل اللي يستحق
ماعندي استطاعه اني اتفاعل عند حد

حتى اللي يكلمونيه ي ارد بكلمه ولا كلمتين ، ماليه بارض خخخخخ

ومزاجي يتغير ف اي لحظه :)

مفتر رآسيَ !
21-08-2015, 11:06 PM
. .


وحده من ربيعاتي كانت امس مصوره ويا وحده هنديهَ :) في فون الهنديه طبعاً

صراحه انا ماعيبنيهَ وكمنّ وحده ويايه

الواحد يتحذرّ مايصور عند من هب ودب ، وأبدا مايخصه فالتعقيدَ

جان وحده تقول : برايها اونه حريه شخصيه !


جان اقولها انا : انتي عادي عندج ؟ قالت : لا

قلتلها اها ، ربيعتنا هاي ونخاف عليها ومب معرسه خخخخ

وترى الصداقه مب اسولف وياج وتسولفين ويايه ونقضي وقت

اللي يشوف ربيعه مسوي شي ويمكن من وراه مصايب يحذرهّ وينبههَ

جان تقول : خفي علينا


للاسف البعض فاهم الصداقه غلط ،




انا ترى طبعي ما تعشمّ ف حد أبداً لا صديق ولا قريب ولا غيرهَ !
وشكرًا

مفتر رآسيَ !
23-08-2015, 11:50 PM
انتي مين ؟
رجعك الحنين ؟
طيب ، انا نسيت
ممكن ماترجعينَ !
مابي منك عذر
ولا حتى يمينَ ،
ماعدت ذاك الاوليّ
خلاص، ماتفهمين ؟






- مفتر رآسيّ ! ☺️

مفتر رآسيَ !
23-08-2015, 11:53 PM
. .



شاربه ٥ قلاصاتَ كرك ☺️
ماشاء الله بليزَ يعني
انزين كيف خلصت الدلهّ
مافينيه انش اسويَ !


ويوعانه

ابا محششششي وديو فيه ثلج :)

مفتر رآسيَ !
24-08-2015, 09:55 PM
http://omaniaa.co/images/misc/quote_icon.png المشاركة الأصلية كتبت بواسطة ` تسرُ ٱلنٱظرين http://omaniaa.co/images/buttons/viewpost-left.png (http://omaniaa.co/showthread.php?p=1022487#post1022487)
وايد اعضاء أرتحت لهم مثل
( مفتر رآسي ؛ فزيز ؛ حبي خالص ؛ أماني ؛ طُهر ؛ منكسه خشوم ؛ هدوء ملكه
و عضوات ثانيات ما يحضرني أسمآئهن ألحين و كذاا !
العضوه الوحيده اللي أحب امزح وياها و ما آخذ كلامها بشكل جدي هي مفتره
تقريبا عرفت شو شخصيتها عشان جيه افهمهاا و هيكا مع أني مآ قد رمستها خاىج نطاق موضوع * شو تقول للي فبالك*
و أستغرب من الأعضاء اللي يقولون انها ربيعتي و يسألوني عنها و كذ انا ما بعرف عنها شي غير لما اسولف فالموضوع فقط ههه !
* اليوم متناقشيت هالنقطه الصبح ������'
23/8/2015 (tel:23/8/2015)

آلشيخه آلفلانيه


--




افا يا شخشخَ ، ع وين
تعودنا عليجَ ، وعلى وجودج


شكراً ع الكلام اللي كتبتيهّ ، والله يوفقج يارب في حياتجَ

انزين ليش ما قلتي من قبل ههههههههه
كاتمه مشاعرجَ هع

عندي احساس بتردين ان شاء الله . .


موفقه ♥️♥️

مفتر رآسيَ !
24-08-2015, 09:56 PM
. .








غبي هالنت والله :)

مفتر رآسيَ !
27-08-2015, 12:00 AM
. .



خاطريهَ انطردّ ؛ واللهي. :)

كيف ما حان الوقت ؟

دنا زهئتّ ، وأرفتّ

ايييف ياه :/

مفتر رآسيَ !
27-08-2015, 06:23 PM
. .




الحمدلله حمداً كثيراً طيباً مباركاً فيه ♥️


الشي يحتاجله انك تتوكل ع الله وتحسن الظن فيه
والصبر والعزيمهَ والاصرارّ .،
باْذن الله بتحقق كل اللي تمناه وان ماصارّ تأكد انه ربك ادرى ويعلم
انه هالشي مب لصالحك ؛ فلا تزعل ♥️ ..

مفتر رآسيَ !
05-09-2015, 01:49 PM
. .






اللهم احفظ جنودناَ في اليمنَ وارحمَ شهدائناَ
واحفظ بلادنا الامارات من كل سوء واعينَ الحاقدينَ !

مفتر رآسيَ !
12-09-2015, 01:54 PM
مبروك عليج ألرحمه ي بلاديَ ❤️،




. .




ماعرف ليش هالايام اسمع اغاني إيرانية خخخخخ
مع انيه مافهمَ شو يقولون بس حلوات اغانيهمَ :)

اسير دوم اسيرونَ جشمونيهَ > ����

مفتر رآسيَ !
12-09-2015, 02:06 PM
. .


ما تحسون الحياه انها ماتسوىَ
وماله داعي نعيشَ ؛ ماعرف اذا حد نفسيَ
بس احسها ماتسوىَ انه نعيش فيها ؛
لو انا ريال بسير الحرب والله ع الاقلَ اموت وانا شهيد
وفي مكان كفؤ ؛ ولا اني اموت وانا بين الفسق والفساد
الدنيا مستويه فسق وفساد لا تعرف شو الحق وشو الباطل
والناس مافيها ضمير ؛ مابا شي غير حسن الخاتمـه والموتَ !
مليت من كل شي ؛
خايفه اموت ف وقت وانا على معصيهَ ، خايفه من وايد اشياء
مخي يعيش ف حرب وأشد عن حرب اليمنَ !
مب حزينـه انا. بس الدنيا ماتسوى ف عيني ؛


وشكراً

مفتر رآسيَ !
08-11-2015, 01:50 PM
. .


شت شو هالكلام اللي فوق
لهدرجه كنت كئيبه ويائسهَ من الحياه . يمكن بسبه الظروف
لزوم واحد يفضفضّ ، خخخ

المهم !


ماعرف شو اكتب ، فجاه خاني التعبير ،

يلا سي يا ����.

مفتر رآسيَ !
02-12-2015, 12:53 PM
. .


اليوم عيدج ي بلاديّ 🇦🇪.
اللهم احفظ دوله الامارات من كل شرّ
واحفظ شيوخنا والشعب والمقيمينَ واحبابناّ ،
ومن أراد بِنَا سوء فاشغلهمّ في انفسهمّ ورد كيدهمّ ف نحورهمَ !


أسعد شعب 🇦🇪.

مفتر رآسيَ !
05-12-2015, 01:35 PM
. .


انا ذهب انا الماس انا سعادة كل الناس ��❤️.








واااه من زمان ماسولفتَ ، خلاص عقلت الحين
الكبر شين الله وكيلكمَ .

احسنيه مشغوله وفاضيه ف نفس وقت
فهمتوا هالشعور كيف !

مستويه ارقد لين الظهر ، ههههههههههه
انشَ اتغدى وارد ارقدَ :) . ماشاء الله بس '


وجيه ، امايه تصارخ :)

ب خخخخخ

مفتر رآسيَ !
29-12-2015, 08:56 PM
..


هلو جماعه ✋��.

اجازه لاه مادري لمتى . بس المهم انسدح سدحه بدون هموم بدون اي شي والحمدلله :).
وانش ع راحتيه وارقد ع راحتيه بدون اي نكدَ ،
بس ملل شويه !

روئ تراج من زمان ماطرشتيليه شي
عبريني لاه ، صوبنا !





أحاسيسي مبعثره . ��������

شدخل هذا . احسني مب صاحيه

يلا ب -.-

مفتر رآسيَ !
06-01-2016, 12:51 PM
. .



بنت بنت خاله ربيعتيه متوفيه ، صغيره هيه عمرها سنه :)

جان اقول انا الله يرحمها ، عادي بييبونَ. غيرها الدنيا تمشي !

جان تقول انتي ليش جيه قاسيه ؟

شدخل القسوه فالموضوع ، اولا : الموت حق ، الفراق لا بد منه .
وثانيا ماتت وافتكتّ من هالحياه الخايسه وغدت طير من طيور الجنه '

شو يبون اهلها اكثر من جيه ؟ مايحتاي هالسوالف كلها

صح الواحد يحزن وحيه بس خلاص ماله داعي تكبرون السالفه .

جان اتقول : مشاعرجّ وافكارج معاقه . قلتلها : بالعكس انا افكر صح


ولو فكرت نفس غيري بموت هم وغم ع دنيا فانيهّ :)

وشكراً

مفتر رآسيَ !
15-01-2016, 12:01 AM
. .










اكتئابَ شديدَ . الدوام قريبَ :).

مفتر رآسيَ !
16-01-2016, 11:33 PM
. .


دوام ولا خذت شي ابدا . ماسرت السوقَ
ماخذت شي ولا سويت شي .
الحين يالسه افكر شو بسوي ف هاليومَ . وباجر بطبهَ ماليه خاطر ياخيّ :).

واللي عنديه سارنّ السوق وردنَ وانا ع نفس الوضعيهَ ههههههههههههههه
انزين الله ينطبكنَ خذليهَ نعال ولا جوتي ع الأقل اتمدحبه .
اونه انتي مايعيبج شي . انزين اوك يمكن يعيبنيهَ '

محد ف هالحياه منه فايدهَ .

مفتر رآسيَ !
16-01-2016, 11:53 PM
. .


وحده من السخيفات اللي عنديه . امس محتشرهَ ف نصايف الليالي ادقدقَ
اسكره وادقَ ، هو كان رقم غريبَ .
وادق وادق واسكرَ يمكن مع 20 اتصال :).

اخر شي سويت بلوكَ ، هههههههههههه .

يتني من رقمها الثاني عقب واعترفتّ ������.


ماحب هالسخافهَ اونه مقالب ومادري شو

قسم بالله غبار :).

مفتر رآسيَ !
22-01-2016, 12:28 AM
. .




الحمدلله حمدا كثيرا طيبا مباركا فيه . ❤️❤️.

كان ضغطي مرتفع هالاايام اللي فاتت صدق . يوم واحد يحس انه مظلوم
مايعرف شو يسوي غير انه يوكل أمره لله . وسبحان الله ربك مايخيبَ املكَ.

ظلمني أستاذ اونه انا غشيتَ . كل المساله كانت طلعت الفون اشوف ساعه
وجدامه بعد . يعني انا لو ابا اغش بطلع الفون جدامك ؟
فكر ياخي . ويوم ابا اشوف درجتيهَ ع السستمَ حصلت ربيتّ فاينلَ !
كيف ربيت فاينل وانا اصلاً درجاتيه كلهن اوك !
سرت حق المس جان تقولي اونه اصلا ورقتج مايتنيَ ولا صلحتهاّ .
واسير عند مدير . من الضيجهَ والغمَ ماشفت شي جدامي والله
وايد تميت اقول كلامَ . وقال امورجّ ف يومين بس مخلصه
والحين جيكتّ ع السستمّ وحطوا درجهَ بي بلسَ والحمدلله ❤️❤️❤️.

مفتر رآسيَ !
06-02-2016, 01:20 PM
. .


يا عيشتنَ قشرا ،
عنديه امتحان ولا صكيتهَ ولا ييت صوبه :)
شاطره ماشاء الله . ��

امس كان عندنا عرس من اهل امايه . استمتعنا والله !
حلو عرسهم خخخ


-

ياخي احس ماعندي مشاعر .
ماعرف كيف اقول


:)

مفتر رآسيَ !
06-02-2016, 01:30 PM
. .


مشكله ياخي هالناس . تييب الاكتئابَ
اذا فارقوا حد يتمون للابد حزن ومادري شو
واذا حد مات نفس الشي واذا استوى شي بعد نفس الشي
صح الواحد يحزن ويضايق . بس مب ف كل وقت
تاثر ع اللي حولك جيه :) . استانس واضحك
الحزن له وقت والفرح له وقت . مايحتايّ هالمناحهَ كلها !
ايييف ياه . والله انا مرات اموت من الحزن بس اتغاضىَ
واسولف واضحك مب كل حزن وحزن وحزنَ . مغثهَ :)

دنيا كشره ترى . باجر ميتينَ
عاطين الشي اكبر من حجمه .


خاصه البنات يوم يكونن حزينات . لا تعليق

يلا باي سايره انتحر . انا حزينه :)

مفتر رآسيَ !
10-02-2016, 09:39 PM
.



هي . واتس اب :)



ماعنديه سالفه ، ماروم اكتب :/

مفتر رآسيَ !
17-02-2016, 10:10 PM
هلـا .

























جوكمَ بيض😒😒🚶.

مفتر رآسيَ !
27-02-2016, 08:13 PM
. .





ايييف ياه . احس مالي بارض حق شي والله :)'
ومالي خاطر اداوم واحضرَ واستوعب. واشغل مخي
ماتفاعلّ مع العالم الخارجي
ومستويه بارده جدا هالايامَ .


تعرفون اللي تشوف حد تعرفه بس تخلي عمرها ماتشوف.
ترى انا جيه ههههههههههههه .



ب -.-

مفتر رآسيَ !
27-02-2016, 08:23 PM
. .



اونه المس تقول بعطيكم اسايمنتَ فالاجازه لاه .
وقالت عادي اونه مابتسافرووَنَ

جان اقولها : اوك اذا مانسافرَ . مخنا ف اجازه وبيسافرَ :)


الكل ضحك . بعدني مب مستوعبهَ
شو يضحك ؟

لين الحين افكر . هالسالفه عادلها يومينَ ،

مخبل ولا شو السالفه!


-






ابا احط صورتيه وانا لابسه المريولّ ههههههههههههههههههه
اومج

مرا اوفر ☺️☺️.

مفتر رآسيَ !
27-02-2016, 08:42 PM
. .




هههههههههههههههههههههه
ربايعيهَ مسويات قروبينَ . المهم
وقروب كلهم فيه وقروب مافيه كم بنت ؛
وكلحين اهددهنَ . هههههههههههههه
ويوم مايردنَ عليه ، اقولهم بتردونّ ولا اخبر ������������.

ويردنَ . شكلهن بيحرمنَ يدخلنيَ قروب ����������


اضحك السالفه !

مفتر رآسيَ !
04-03-2016, 07:37 PM
. .


مخي يعورني والله :) '
احس الدنيا غبيه مستويه . او بالأحرى الناس خخخخخ
المهمّ .
الاستاذ امس عطانا علامات الكوز
قال : انتي كم معدلج ؟
قلتله : ماعرف
وقال صح ليش متاخره .
قلتله أستاذ وايد تسأل . كنت اتغدى
قال انا أستاذ وماتغديتَ
قلتله : مستعيل ع الكلاس تراك . اهم شي الصحه :)
ولا الشغل مايخلصَ .

يبهتهَ مادري وين طارتَ .


خاطريه ف معكرونه لاه . شكلي بسويلي بروحي :)

مفتر رآسيَ !
24-03-2016, 12:52 AM
. .


كان عنديه موعد تنظيف اسنان وجيه
خست قسم بالله . ساعتين انا بس اتريا :).
وحصلت ربيعتيه بعد وتمينا نقرقرّ عاد .


وخلاف العصر سرت السوق وتميت اتشرى واتشرىّ
كل شي خذت احس والحين مفلسهَ هههههههه :).

ماقدر اقاوم العطور والنعلان والجواتيَ والملابسَ .
حتى الاكل ماقدر اقاومهَ .
تصدقون انا وحده اخر اشيائي المكياجَ
مع انه البنت المفروض تكون اول شي ف قائمه مشترياتهاَ
ياخي ماحب المكياج وايد . ريحه النيكب ريحه النيكبَ خخخخ

بس صدق انا اخر همي ميكبَ. المهم هالشي حق الخسفاتَ

يلا باي :)

مفتر رآسيَ !
30-03-2016, 08:52 PM
. .




ناويه افلها وافل امها هالايامَ :)
ماباقي شي وبتخلص الاجازه .
وبنرد حق عوار الراس ، اييف ياه







يو و و و عانه ه ه ه .

مفتر رآسيَ !
30-03-2016, 11:58 PM
. .










تعبت من كثر مادرس والله
متى بيي يوم القيامه :).

مفتر رآسيَ !
31-03-2016, 02:08 PM
. .



زقرتني مامي لاه . اييب دواها من فوق الكبت
ركبت فوق الكبت ويلست عقب مارمت انزل هههههههههههه
خفت اطيح واتكسر :).

المهم يمكن ربع ساعه انا فوق واللي يدش يضحك عليه ويطلع
انزين نزلوني ي اللي مافيكم خير .
امي شلت دواها وطلعت . انزين وبنتج ؟

عقب نزلت . الحمدلله اني ما كنت دبه ولا صدق بتوهق
الحمدلله :)


فكرت يوم اشتري محشي اكله هناك . محد بيروم يلحقنيَ خخ

مفتر رآسيَ !
09-04-2016, 01:56 PM
. .


هالزمن الاحظ اشياء غريبه واشياء سخيفهَ .
الوحده اذا عرست تحشر البقعه في كل مكان تكتب احبك
ومادري شو وصورها وصوره ومادري شو
حتى ف اشياء المفروض ماتنحط . ايدها وايده في كل مكان :)
هالشي بالنسبالي غلط وايد غلط . ماتربينا ع جيه
وريلها شو موقعه ف الاعرابَ ؟ اللي جيه احسهم مب رياييل .
تحط كعبها ونعاله وملابس . ش هالخياس :/
ولا تصور عصاقيلها وريولها برا وريولهَ . ياخي قسم بالله قرف
اوك بينج وبينه . تنشرين حق الكل ليش ؟
بالله شو تستفيدين ؟
طلع عصاقيلها حلال بس ويهها حرام . كيف جيه مادري
شكلها فاهمه الاسلام غلط . تخاف من الناس ماتخاف من ربها
المخ سكراب قسم بالله :).

ف كل مكان الاحظ هالشي ومن غير الكلام المفروض الوحده ماتكتبهَ فالعلن
لو اشياء بسيطه يمكن بعد هاه واحد يتغاضى . لكن تكتبين كل شي
ومن غير كلام السخيف . وفيه قله ادبَ
ترى وايد ناس تزوجوا ماسوا هالشي ، بعضهن مايصدقن ع الله انهن عرسنَ
بس عشان يقولن للناس شوفن نحن عندنا ريل . غبيات :)

مب الكل . فيه بنات يخافن ع بيوتهن ويخافن ع رياييلهنّ
ويحسن انه عيب يتكلمن عن حياتهن زوجيه ويتلفظن بالفاظ عيب
الكل يشوفها .

وكذلك الريال نفس الشيَ . مب كل شي تنشره
البيوت لها اسرارها . وعيون الناس ماترحمَ !




ليش جيه استوا . ليش الناس تغيروا . شو استوى ؟!


الله لا يغير معتقداتي ولا عاداتيَ ، هالشي اشوفه جدا سخيف ورخيصَ


وشكرا .

مفتر رآسيَ !
24-04-2016, 01:48 PM
ماريد فرشِ وزلي
اريد كفني ثيآبــه .



-


المهمَ , تعرف الشعور اللي كنت تعطي انسان أمل من بدايه نجاحه ومشواره
واخر شي من يوصل . ينسى اللي ساعده وينسى اللي عطاه الامل مع انه انته اكثر انسان ف هالحياه تحتاج هالامل
بس سقيته غيرك واخر شي هالغير ولا استهم فيك ولا فكر نسى كل شي سويته وباعك بيعه الخرفان ليله العيد :) > شت تشبيه بليغ خخخخخ
مب مشكله . كل شي ب هالدنيا وله حساب وفالاخره حساب
وسويناها لوجه الله , ولا العرب لو تسقيه ماي عينك مايبين فيهم.
وكلن بالاخير يعمل بأصله وانا انسانه عمري موليَ . :)

مفتر رآسيَ !
24-04-2016, 01:57 PM
. .


الكلام اللي كتبته فوق والله بدون احساس ومشاعر
مادري انا من وين يايه .

والعالم تقولي فلانه تراج مسويه خير ونكروا خيرج ., فلانه ترا العالم تشمت فيج

وخير يا طير ؟

اذا النبي قالوا عنه ساحر ومينون ومابقوا كلمه ماقالوها . انا مابيقولون شي عنيه ؟

ماشي يسوى . وهالدنيا فانيه

الواحد يطلب الستر وحسن الخاتمه والجنه .

ع فكرة . انا اخليها للزمن . واصبر الدهر كله

الله يوم ادور الدنيا الله :) "

مفتر رآسيَ !
24-04-2016, 02:08 PM
. .


آحيد وحده قبل ربيعتيه من يوم كنا فالمدرسة . فجأه تغيرت مادري شياها

اشوفها فجأه سارت ويا شله ثانيه وربع غير مع انه انا وهيه قراب من بعض وايد .
يتحسبونا خوآت

المهم . صار اللي صار , من شفتها جذا شليت قشاري ورحلت بصمت ع قولتهم ههههههههههههه

وانا من تخطف عدالي كأني ماشوف شي . سكيب امره

مادري ياخي ليش انا جيه , هيه تقول انا شو سويت ؟

وطرش رسايل وكل يوم كلام عند فلانه . وانا لا حياه لمن تنادي

حتى وصلت عند المعلمات ولحد ياب راسي فيهن .

انا شي من اعافه اعافه والله ماتردني لا عشره ولاشي :)

مب بطره ولاشي بس انا طبعيه جيه .

احترم ذاتي وايد , ولا احب اللي يستهين فينيه .

ولين اليوم تنشد عني عند فلانه وعلانه وعطوها رقميه .

تكلمني ولا ارد عليها واسويلها بلوك وتتصل والحشرة

ياخي يوم حد يسوي جيه ابطر زيادة ههههههههههههههههههههههههه.

لا لا ف كلا الحالتين اصلا ماهتم :)

مفتر رآسيَ !
24-04-2016, 02:15 PM
. .


أمس سايره المول . الصبح بس عشان ماحصل زحمه

يوم سرت انصدمت . حشا كل العالم هناك :)

امايه تقول : تبين بلاد اروحج انتي :) .

هيه والله ابا بلاد .

انزين . وخلاف حاطه شنطتيه فالعربانه مالت حمود والفون داخل

اقولكم امي لبستني مادري وين سارت . وانا ضايعه بس لاني دشيت محل عطور
طلعت وماحصلتها . شكلي خست ف محل العطور وماعندي خبر

انزين اباا فلووووس . شو جيه

بيقولون هذي تتمصخر داشه المحل :) .

وتميت امشي نفس المينونه .

عقب حصلتها يالسه فالكوفي :) . مطورة امي بعد

اونه عيزت من الحواطه . انزين برايج يلسي هاتي الفلوس هههههههههههههههه.

وسرت المحل مال العطور وعيوني قلوب فيهن . قسم بالله ادمان ياخي

يلا باي

عندي شوووووووغل . اخر شي بسير اتسدح:)

ب.

مفتر رآسيَ !
30-04-2016, 09:59 PM
. .



ياخي مادل مخي وين ملتعنَ :).
مافكر ، ميت ميت '

امشي وانا مفهيهَ . عادي حد يسبني وانا ماعنديه خبر وامشي واضحك.
مب صاحيه ،

كانوا متولفين كلهم فالصاله . يوم دشيت يضحكون ويطالعونَ :)
انا ماشي بلا مخ . وماشي ضحكت وياهمّ :)
احس مسوين شي من ورايه .
اكيد مسوين شي ولا ماخذين شوريه فيه .
اعرفهمَ . ولا يسوون لي مفاجاهَ
من كثر ما يفاجئونيّ .

ااستغفرالله حتى الفون علق . منصدم :)!

مفتر رآسيَ !
02-05-2016, 02:01 PM
. .



وحده خطفت عدالي زين ما دخلن رموشها ف عيني :).

استغفرالله بس . طبعا مستحيل رموشها طبيعيه اكيد صناعي

متفيجه ع الصبح والله :) .


.


الاستاذ يقول اليوم كل البنات يني المكتب الا المدام .... وبنت عمها :)

قصده انا وبنت عمي ههههههههههههه .
جان تقوله بنت العم : استاذ شو تباني نيي نسوي عندك ؟
قال : ع الاقل تسالن عن درجاتكن
انا : والموقع شو خانته ؟
قال : يمكن انا مغلط ولاشي .
قالت بنت عمي : ماعليه لو مغلط فالكلاس بنخبرك .

قال : نشن شرحن بسرعه ولا برسبكن ههههههههههههههههههه

قالته بنت عمي: يلا شو نشرح . مستقويه واخر شي بتم أأ ءءءءءءءءء .
وانا قلتله : الركبه عندي تعبانه كككككككك

قال مابا البنات الباقيات يرسبن حرام اظلمهنَ :)

حقير ياخي ههههههههههههههههههههه.

مفتر رآسيَ !
28-05-2016, 10:22 PM
. .


مره ماخذه شي اوك فستق وسح وكافي ومادري شو
كله مكس مع بعضّ ،
كيسه فيها تقريبا مع 30 حبه :):)
وانا كلت منها حبه وحده .


اوك ، فاليوم الثاني الكيسه محد

سالت امي : جان تقول عطيتها يارتنا
قلتلها . شو !!!!!!
انزين حلاوتيه تراها ليش تعطينها
وانا هاي طالبتنها . اوك عطيهم مب مشكله
بس مب الكيسه كلها :(:('
والله ماوحت اتهنابها .
قالت شدراني اونه . كلت منها ماعيبتني وعطيتهم
انزين امي بنتج تحبها .
بغيت اموت ، والله اسبوع اتريا طلبيهَ :(

بالعافيه عليهم . عاد بتوصلني حق رمضان :)!!



..

مفتر رآسيَ !
28-05-2016, 10:36 PM
. .


عاد رمضان ياي .
يلا مفتر نسير السوق
وانا نفس الياعده وراهنَ :):)'
ماينقن الا ف زحمه
يعيبهن .
وانا الصراحه هالايام الرقاد عايبني لين الظهر
و24 ساعه ابغي ارقد ،
جان يبني افضحهن فالسوق يشلنيّ :)'


تقرن ولا لا ؟
لاني مافيني اتكلم واتناقش وياكن :)'

مفتر رآسيَ !
30-05-2016, 01:40 PM
. .


المهم معزومين اليومَ عند وحده
انا وبنات خاليّ :)'

متعايزه والله ، اسير ولا لاء
احس مالي بارض ، وهيه حليلها من متى تقول تعالن وتعالن !
بشوف الاوضاع لين خلاف .

وابا اسير الخياط ، اسميها شغلانه

اخر شي بيلس فالبيت ، بتسدح ع تلفزيون
واكل حب واتفل ؛)


.

مفتر رآسيَ !
19-06-2016, 03:45 AM
. .


اليوم ربيعتيه عازمتنا
شو الاكل ماشاء الله حليلها والله مب مقصره ف شي .
وبطني ياكل لقمتين ويشبعّ .
نعم انته ياخي :)'

افففف اكره مرات . ماروم اكل سرعه اشبع!
لمهم ،
مادري ليش يهال يلصقون فيني .
ي الله وش ذا .
بنت ربيعتيه صغيره ماطاعت تبا حد
من ييت انا بسرعه تبانيّ .
قالت من متى ابا افتك منها ههههههه ماطاعت تسيرّ .
وعاد بغتني انا من بد الحضور > عاد تميت متخققه انا
لا بس صدق ، انا اكثر اللي يحبوني
اليهال والعيايز والله
ليش مادري .
يلصقون فينيه ، ايييف ياهّ ☺️☺️'

وام ربيعتيه يات تسلم علينا . وتمت تحضن
وانا ماشي احساس صنمّ ، انزين الوي ع حرمهَ
ماشي احساسّ :).







ء^داشه اتمدح .

مفتر رآسيَ !
21-06-2016, 02:32 AM
. .






ي حليله خطف رمضانّ ، ماباقي شي عاد
وبيطلعون الشياطين وبترد الدعاره والمنكر :)!
الوقت سرعه يخطف ماواحي اسوي شي
سبحان الله .

مفتر رآسيَ !
02-07-2016, 12:59 AM
. .


هلو

طايحبه هالخشمّ اخر شي خشمي بيستوي معوق :(.
كنت يالسه اشوف تلفزيون ومندمجه
وفجاه حمود ضربني بالصحنّ ع خشمي .
وسوا علامه شكبرها . حق العيد:):)'

ويوم داومت فاليوم 2 . كلهم انتبهوا حتى الاستاذ تم يطالع :(:(
ياخي مصخره
منو داعي عليه ..

الحين عاد تبين من 5 كيلو :). زين ما تاثرت عيني
صدق ببتلش عاد ،






ءءءءءء سعاداااا ، فديت الفلوس واهلها والله

مفتر رآسيَ !
07-07-2016, 01:42 AM
. .







ع اساس كان عيد اليومّ انزين
وانا ماشاء الله ناشه ساعه 10 الصبح :)
يعني وقت الغيبوبهّ .
العالم كلها يت وسلمت وخلصت وروحت وانا راقده .
هاه فلانه وين بنتج ؟ الحين بتي :)
اصلا يتني امي توعيني قلتلها انا ناشه ورديت ارقد
عشان تودرني وانام براحه وسعاده !
مادري ليش جيه سويت ، بعدني مب مستوعبه
صدق انه النوم سلطان ّ :)،

وبس عاد ، واذا ع العيديه حتى نص فلس ماشفت ..
كان يوم ممل


وشكرًا

مفتر رآسيَ !
10-07-2016, 01:45 AM
. .



صراحه كنت شاكه ف شي
وسرت اسال عشان بس اقطع الشك باليقين .
وطلع احساسي صح :)!

ياخي وايد اشك ف اشياء اخر شي يطلع صح
واحساسي ف محله وكذا ..




^
هالشي تتوقعونه زين ولا ؟ :/

مفتر رآسيَ !
13-07-2016, 11:18 PM
. .



انا اليوم مب صاحيه والله . ومافيني مخ
ش مستوي عليه مادري :).

اول موقف : مشغله الموتر من ساعه 10 ونص اوك وسرت داخل

عقب من يت ساعه 1 . ابا اطلع ادور السويج مالقيته ،،
وخلاف قلت شكلي ناسيه السياره تشتغل . وطلع فعلاً مسوتنها :)
زين مانقعت سياره ولا شي استووى فيها .



موقف ثاني : طالعه من الامتحان جان احصل المس وتمت تسولف ويايه
جان اقولها صلحتي اوراق الامتحان وكم يايبه ، وانا اصلا مب ماخذه عندها هههههههههههههه
تمت تضحك .

انا بلاني هبله . مخي خلاص
حد يعطيني علاج ، شو آكل 😭😭😭😭.
هذا وانا ف ريعان شبابي ..

الله يستر من اليايّ ، اخاف انسى اسمي :)'

مفتر رآسيَ !
18-07-2016, 11:56 PM
. .


عنديه سالفه بقولها قبل لا انسى ،
يعني انا اصلا امبوني جذا بس هالفتره بزياده
يعني مثلاً ؛

وحده تبا تكلمني ، اقولها سكتي مالي بارض اسمعّ
ومثال 2 : مثلا تقولي شكلج بترقدين ، اقولها : لا والله بس ماودي اكلمج .

ووحده قلتلها : مالي بارض احين عادي اكلمج بعد يومين :).


الحين هذي وقاحه ؟ مستويه ما اجامل ابد
اللي احس فيه اقوله ع طول !

لا شك بخسر علاقاتي وانا مب مهتمه ف شي .

الله يهديني بس :).

مفتر رآسيَ !
22-07-2016, 02:58 PM
. .


امسَ كان عرس وحده وخالتها مدرستني يوم كنت فالابتدائيّ
ماكان ودي احضر . بس لزموا عليه الجماعهّ

المهم . يلسنا وجيه
جان تيي اللي مدرستني . سلمت ع اووميّ وجذا
عقب قالت هاي منو : قصدها انا :)
قالتلها هذي بنتي .....
قالت اللي انا مدرستنها ماشاء الله كبرت واستوت عروس :)
وقالت احيدها يوم تسوي عقصّ
ههههههههههههههههههههه . شو هالحرمه الا تفشلّ
اصلا كان موضه العقص����.
قالت تعالي عندي بعرفج ع اهلي .
انا ف خاطريه : شو ابا اهلج نزين :)
كنت يالسه اكل وخربت عليه والله .
تمت تحوطبي كلحين عند حد واكثر شي العيايزّ .
وكل وحده تحضن من صوب وانا كالعاده صنم ،
جيه شكلي > :)
حتى العيايز يتخبرنها : هذي بنت منو !
وهيه تقول : كانت طالبه عندي مدرستنها ف الابتدائي وتسوي عقص


استغفرالله بس من هالانسانه فضحتنا عند العرب :):)
عقب طرشت حق خيتو سرعه دقيلي .
ودقتلي : قلتلها اوك الحين بيي . اها اوومي تباني اوك يايه ����
حشا نشششبه . ياخي استحي انا
بعدج شلي امايه ويايه مب بروحي :):)'

وبس والله .

مفتر رآسيَ !
23-07-2016, 12:48 AM
هههههههههههه عجبتني القصه
اوك شكراً :):).

مفتر رآسيَ !
23-07-2016, 12:55 AM
. .



فروا عيالهم عندي وساروا كل حد ف دربَ
انزين وانا . حضانه انا حضانه :).

عاد كل واحد فج حلجه من صوب يوم راحوا
تحدي الاصوات شكله كان من الصايح . منو اعلى صوت
قفلت باب الصاله . وسرت حجرتيه استرخي '
ازعاج ماتحمل . ع بالهم بشلهم دكان يوم صاحوا
نعم ي حبايبي نعم مب كل يوم العيدّ .
ودلع ماشي عندي . يلهّ


المهم استرخيت شويه عقب ماسمع حد يصيح
قلت يمكن ماتوا بسم الله :).

حصلتهم يالسين يلعبون بالالعابّ .
صاحوا وسكتوا بروحهمّ هههههاي



.

مفتر رآسيَ !
28-07-2016, 12:50 PM
. .


امس سايره اطبع عند فلبينيهَ .
خليت ربيعتيه تسويلي مساج لين تخلصَ .
قلتلها ياخي ماتعرفين تسوينّ .
جان اقول للفلبينيه . تعرفين تسوين مساج !
قالت هيه . قلتلها اشوف كيف اوك ولا
قلتلها جيه عشان تسوي واصلا معروف فلبينيات فنانات فالمساج.
الله يوم سوت . ياني رقاد
شو عجيبّ .
قلتلها عادي تيين بيتنا ؟ قالت اوك
وخذت رقمها وبييبها السبت :)'
عاد اللي فالبيت بيتمون نشبه . انا ابا اسويلي جو صدقّ
ف عشان جيه اخترت السبت محد بيكون فالبيت
وماشيّ ازعاج

محد مثلا يدق الباب وشوي بيكسره. :)!!

+







وحده هنديه قالت بتسويلي برياني فيه فلفلّ
عاد يلا تريوا .
ياخي هاتيلي بدون ماقول انا
استحي اتم اطلبّ
يارب تييبلي يارب !

مفتر رآسيَ !
03-09-2016, 03:00 PM
. .


ي انا تفكيري معقد وسطحي ومحدود . ي هالعالمَ اختربتّ :)
اومج عاد مب جيه كل شي بحدود ، اييف ياه
وانا شلي فالناس .


المهم .

ترى ماباقي شي عن العيد وعن دوام وعن وعن ......
الحياه محتاجه راس 2 غير راسي ههههههههههه

اتريا ايفون 7 ينزل ، فوني خلاص ماتحمله مليت منه
الا يطلع التخزين فل والكام بروحها سالفه :).
ايه ده ، بتعصبوني ليه !

يلا باي مليت منكم :)

نعم ؟ في شي !

والله .

مفتر رآسيَ !
09-09-2016, 08:35 PM
يقولون :

- لا تعد لمن خذلك ولا تعطي فرص كثيره ولا تخسر نفسك من أجل أحد .

. .

فأنا حسيت اللي عندي غير صالحين لا للحياه ولا للحب وكئيبين وييبون الهمَ
عشان جي ريحت راسي . قسم بالله مغثه
الواحد يبا يحس بالسعاده وانه الحياه روعه وجميله .
مب اخر شي ناس تنكد عليك وكله يطيح ع راسك
انته وانته فيك وفيك ،
ايف ياه .
مستويه ماتحمل انسان كئيب ومغثه ف حياتي ابداً ..
ومقتنعه انه اللي سويته صح .

الواحد يشتري راحه باله وصحته ، وهالشي ماينشرى بفلوس
ان غابت راحه البال والصحه محد بيوقف عندك ومحد حتى بيسأل عنك .
ف الواحد لو يركز ع نفسه احسن . مب انانيه ابد
لانه اتوقع العالم مب شرات قبل ومحد يستاهل تخسر لو شوي عشانهَ .

ف الحين مب مستعده اتنازل عن راحتي لاي سبب من الاسباب
الشي اللي ما من وراه راحه ابتعد عنه .


وبس والله .

مفتر رآسيَ !
11-09-2016, 08:41 PM
. .


امس العصر سرت بين اييرانا اوكي ؟
جان تقولي الحرمه تقهوي وهذا .
قلتلها : اصلا انا من شفتج اعتبر نفسي تقهويت > رومانسياا انا

قالت : فديتش والله ومادري شو
عاد انا سكت ماتحملت الكلام ولا عرفت ارد اصلا هههههههههههههههه
يبت لنفسي :)'


+


سيفوه يايبلي شلق .
اونه تعالي ياييبلج شلق مال داعششششّ ههههه
وسرت وتمينا نقع . حلوه هاييج مال الالعاب الناريه :)'



+

داشه الصالون اصلا وانا مالي بارض
ريحه الحنى تنشم من سياره > تشبيه بليغ
المهم : بكل هدوء ورقه ، شي زحمه حنى ؟

قالت : خلاص ماحني :)'

انا : اها ، والله ، شكراً

وطلعت هههههههههههههههههه.

انزين يمكن تحنيج . حني ع راسها
الحين بتم بلا حنى . وت ايفر

عاديء عاديء .

كنت بقول سالفه بعد بس نسيت

ب-.-

مفتر رآسيَ !
03-11-2016, 11:20 PM
. .


هلو قايز . كنت مرا بزي
مب فاضيه ابدا ابدا ابدا > ي شزابه

جالعه ضروسيا وماروم اكل . صعبه الحياه بلا اكل :)'

المهم .

شفت فلم هندي اليوم مضيعه وقتي 3 ساعات ع الفاضي
والله ولوعه ، سسسسسخيف
كله حب حب وحب وحب وحب . ابو السخافه !

اخر مره اسمع كلامهن :)'

_


دعيت على حد ، فاليوم 2 احترق بيتهمِ :)

عقبال مايحترقن قلوبهم > حقوده لاه ؟

.


يقول الشاعر :

مصنع البارود في صدري
ومصنع الثلج في صدرك !

مفتر رآسيَ !
21-12-2016, 12:41 PM
هلووو قايز .

والله هب عارفه وين ادرب ، وين افر عمريه مادري !
شاله هم كيف بنش من صبح واداوم بس بدون فلوس����.
هذي بروحها سالفه .
ماجله كل مواضيعي عسب مانش الصبح .


المهم الله يوفقني يارب ويسر لي اموري ❤❤.

مفتر رآسيَ !
25-12-2016, 02:45 PM
. .


انزين تونا كنا ف قروب ربيعاتي تتناقش
المهم وحده منهن قالت اونه : وحده مكثره المهر ع الريال
وكل شي تباه واشياء بعد حق امها ذهب ومناديس وهالسوالف .
قالت نحن نشتري الريال مب بفلوسه
وامي تقول لو فر علي غترته بعدني مابتشرط :):)،


جان اقولها انا : عيل خلي اللي ييج يفر غترته ويشلج بلاش ����������

عصبت عهههه

قلتلها الحق ما يعيبج . تذمين خلق الله وانتوا اصلا العيب فيكم
لو تسكتين وتبلعين العافيه ابرك
بلا مهايط ماله داعي .

وطلعت من القروب :). ����


ووحده 2 :

قالت بتسير مهرجان زايد التراثي
قلتلها واو عيل بتشوفين حصه وسعيد المعمري .
جان تقول مابا اشوفهم
رديت عليها : ولا هم ميتين ع شوفتج :):).


اوفررر ي انتم اوفررر.



.

مفتر رآسيَ !
25-12-2016, 02:55 PM
اشتقتلش مفتره كبرتي وايد
فديتش والله .
خلاص بان الشيب ع راسي

انتي تؤامه صح ؟

مفتر رآسيَ !
25-12-2016, 03:00 PM
فداش الجنه يَ بععدي
هيوى صح
علومش ؟ غطيتي فجأه

ي حي الله بذا الششوف.
ابدا والله ماشي من صوبج !

اوني مشغوله لاه������.

مفتر رآسيَ !
25-12-2016, 03:08 PM
وايد تغيررت أمور خاصه ذي الفـتره
تخرجتي ؟

مثل شو . فيه كولولوشش

باقي تدريب !
بتيبين لي هديه��������.

مفتر رآسيَ !
25-12-2016, 03:21 PM
ههههههههههههههههههييهي
لا أبغى اشوف صنعتش ف التلفزيون يوم بطلعوش

لا نحن مايظهرونا ف التلفزيون
منقود . وقص رقاب خخخخخخ ����

مفتر رآسيَ !
25-12-2016, 03:23 PM
بس عاد بسج سوالف . :)
بيدقوها بقفل الحين .

يلا خنشوفج المره اليايه . بطلع انا بسير اخمس
وداعاً��

مفتر رآسيَ !
29-12-2016, 02:44 PM
مشتاق لك موت من الاخر ومتوله . .




. .


باقي اسبوع وبتخلص الاجازه :)'

اونه امس مامي تقول ليش تزقريني وانتي راقده
واسمعج تهاذين .

مع اني انا ابد مب من هالنوع ماتكلم .
بس صدق شكلي ماصاحيه امس تعب شديد وكذا :/


سرت اشوف فلم هندي فالسينما مال امير خان
شو عجيب . :)
اسمه دنجو اضن لا لا لا والله نسيت ماعرف .

دوم جيه ماحفظ

حتى يوم ادش محل واخذ منه ماعرف شو اسمه

يوم حد يسالني مثلا هالشي من وين؟ اقولهم ماعرف
يتحسبوني مابا اقول بس اكون صدق ماعرف من وين
لاني ماحفظ اسامي المحلات وهذا :/.

سخافه ليش ماقول يعني !


صح ابا اسير السوق ابا وايد اشياء والله :('

مستحيل اسير هالويكند اكيد زحمه وفوق هذا سنه يديده :/

شششت يوم ميلادي قرب

كالعاده محد بيعبرني .

> اسميني مافيني خير دوم انكر اللي يهدووني������.

احيد توليب ف نفس الشهر انا وهيه . اتوقع 14/1 !


وبس والله .

معسلامه.

مفتر رآسيَ !
31-12-2016, 02:34 AM
. .




هاي توني ناشه
عكس الناس هههههههههههههه
ترى راقده من المغرب عسب جيه:).
نومي ماعنده وقت
عادي .

الحمدلله حاطين لي عشاا . ناشه ميته يوع !

ونشيت فوني مبند ، كيف مادري !!


حد يستخدم بيبي أم ؟

تصدقون انا استخدمه خلاص والله غبار
منتديات وبيبي ام
عكس الناس .

حاذفه الانستا والسناب وتويتر . نفسيه عافانا الله����.

المهم ؛

ياخي ف خاطريه ف شباصه نفس ريشش تنحط ع الشعر
تراها ذهب :).

يوم قلت حق امي ابا نفسها ،
اول سوال ؛ وين بتلبسينها ؟

تراج مب مطيحه ف الاعراس . ع 5 سنين مره :).

عادي امي يستوي البسها فالبيت والله هب لازم حق عرس !

محد بيعرس عندنا قريب . انا اقرب شي ����������.

لازم ماستعيل واخذها ؛ اسمع ام طحنون تبا تاخذلي اياها ههههههههههه


صح والله تذكرت شي؛ دشيت مدونه وحده وانا اقرا كلامها
ضربني تشنج ، وايد صعبه لهجتها

اتوقع حتى انا في ناس ماتفهم كلامي او انه يضربها تشنج������.


من فتره بعد ربايعي كله يسولفن عن العرس:)
طبعا انا كالعاده تلوع جبدي من هالسوالف
خلاص عاد . يوم بعرس بتناقش وياكم



وهاليومين مايسولفن فالقروب !!
اتوقع سون قروب من دوني :):).

والله يسونها ماستبعد عنهن . ههههههههههههه


باي .

مفتر رآسيَ !
02-01-2017, 11:04 PM
‏ما اخاف البُعد أنا خايف عليك ،
وين تلقى لي بهالدنيا مثيل؟





-


ودي احوط ياخي
بس وين اروح؟
ملل بالقووووووو وكل شي يسد النفس
حياتي حالياً رقاد واكل وتلفزيون ودله كرك ����.

اخاف شي يستوي فيني من هالكرك ،
كوب ورا الثاني . تقوو بنقاليه

صح مره استاذنا هندي كنا نتناقش عن الكرك
وحده كانت يايبه دله لانه كلاسنا شوي متاخر
المهم جان يقول نحن الكرك مالنا نزيد الشاي ولونه بني شوي ومر
الصراحه هذا الكرك اللي يقند الراس
قلتله حتى انا جيه اسويه واحطله زعفران بعد. ��������

والبنت اللي يايبتنه غير شويه بني فاتححح مب مكثره الشاي .
المهم تم يتنقد الشيبه عاد .

قول الحمدلله :):).


اففففففف متى اتخرج
مليت والله مليت .

عقب من اشتغل بقول متى اتقاعد

من اتقاعد ماعرف شو بقووول .

ماشي فلوس بلا شغل ؟ :)'


.

مفتر رآسيَ !
02-01-2017, 11:18 PM
. .



مره استاذ كريه والله مادانيه .
مارتاحله
ناشبلي هنيه.
يوم احضر عنده احس بالهم والغم عاد يبين عليه انا يوم ما ارتاح لاحد .

وينقصني ع اشياء تافهه . اونه انتي مب كاتبه الجواب كله ولا متفلسفه يبالي اخترعله اجابات عشان يلعن الساعه اللي بيصلح فيها ورقتي :)

سلامات الطيب؟

عطيتك الاجابه وصلحها وانته ساكت وي ويهك . تعبت من كثر ماناقشه ف الدرجات

احسني زلمه والله :).

مره قالي : انتي ماتحبين الدراسه !

قلتله سمع : فيه معلم يخليك تعشق الدراسه وفيه معلم يعيفك الدراسه والحياه
وعاد انته اختار :).


تتوقعون بيرسبني ؟

لا والله يخسسسي :)'

مادري ليش المعلمين حاطين دوبهم من دوبي
جد ياخي
مع اني ماعطيهم ويه ولا اسير عندهم ولا اسولف وياهم الا نادراً .

والله هالسالفه صدق .

خيييي سوالف كلهن مره وحده طلعن ؛

مره كنا نمشي انا وبنت عمي
وكانوا اساتذه 2 يمشون ورانا وكلهم زلمات ومدرسيني

ع بالهم مانسمع واصلا اذني عندهم :):).

قالوا : امدح عمري ولا اسكت ��������'

قالوا : هالبنت شخصيه :)'!


خيييي كيف تميت اتخقق انا ذاك اليوم .

وبنت عمي اخر شي تفلت ف ويهي وروحت عني :).


مقبوله منها ؛ تعزمني كل اسبوع����������.

مفتر رآسيَ !
23-02-2017, 07:38 PM
‏ماني لـ كل مضيّع دياره ديار
‏ولاهو ضروري كلٍ أذوقه خيري
‏َ
‏انا فدى اللي ينتظرني على نار
‏ان غبت عنّه مايعوضه غيري .❤








هلو ،.

مرا بزي مو فاذيا ����'

المهم والله الواحد يوم يكون ع وشك تخرج
خلاص يعني يتعايز يتحرك ويدرس ويتفلسف ويخلص اشغاله
يعني تحملتي السنين اللي طافت كلها
مب رايمه تحملين هالكم شهر بسس . تفي ي انا

بموت من المكان اللي ادرب فيه وايد ممل
مجابله حرمه وقتي كله . وكله تسولف ع الفون
وانا انزين؟
ماعنديه حد اسولف وياه :(:(.
اصلا ماحب اتكلم فالفون
مادري هالناس كيف اللي تحب تسولف جدام الخلق وكذا > غيرانه محد يدقلها ����
والله وايد ملل
بموت :(:(،


حتى سبلتكم ماتفتح عندهم ع الاقل نتسلى
مسوين برايفت شكلهم؛
وبس والله

.

مفتر رآسيَ !
09-03-2017, 11:27 PM
. .



هلوو

الوقت وايد متاخر ومب راقده لحد الحين . وسوف اندم على كل دقيقه ضاعت !

معلومه عني بس لو انه محد يهتم ههههههههه : أقدس الرقاد وايد والله
وايد مهم بالنسبالي يأثر على يومي لازم ارقد اكثر من 8 ساعات متواصله وبهدوء وبدون ما انش .
لو هالشي ماحصل اتعب جدا . احاول ادبر طريقه عشان اعوض وارقد������.


تذكرت موقف . مره كنا سايرين صلاله الفير يعني متحركين ولين وصلنا مطار ولين طارت طياره ولين وصلنا صلاله يت عاد ساعه12


اللي عندي نشوا العصر ع اساس نطلع
وانا راقده ، ميته هههههههه
ويوعوني لكن انا ماطعت ابا ارقد ،
كنسلوا طلعه مستحيل يعني يخلووني بروحي :).

اخر شي نشيت الفليل اضن ع ساعه 7 شي جيه
وسرنا مهرجان
بعد مب عايبنيه اتحرطم . ������

قالوا اخر مره يشلوني ، اخر شي مايسيرون بدوني والله
.


برقد

جاووو

مفتر رآسيَ !
20-03-2017, 09:47 AM
. .


هلوووو


بموت من سوالف الاستاذ والله
كله يقولي لا تضحكين ولا تضحكين شو اسوي اصيح يعني
واذا شافني يوم من الايام ساكته وحزينه يقول شو فيج اليوم مب من عوايدج !

المهم ؛عطانا درجات الكوز
ويقول بصوت عالي
جان يقول : فلانه
اقول درجه ولا تبين تشوفينها
قلتله اذا علامه كامله قولها واذا اقل بيي اشوفها ����
وكلهم ضحكوا وهو ضحك بعد
مادري شو يضحك صراحا يعني
اخاف شكلي مهرجه وانا مادري ..

انزين كلهم انصدموا
لاني ماجاوب بس اضحك يعني مشاغبه .

لاعت جبدي من سوالفيه كله عن الدراسه
زلمه مستويه ، حسبي الله ع العدووو


فيني هوس عبي ' عبايا' ابا افصل ��

الحمدلله خلصنا مال العيد فكه،

صح تذكرت موقف هههههههههههههههه

يوم سايره اخيط وانا اختار ومندمجه
وكان حريم بعد هناك 3

عقب صديت احصل وحده منهن منسدحه ع الارض
اغمى عليها

انا تميت مبطله عيوني ونقعت ضحك
حقيره انا والله:)
قلت حق الهندي يروح ويجي
مارمت صراحتا يعني كان وايد الموقف حرج ومضحك ف نفس الوقت .
يوم رديت
تمن يكلمني قالن من العصر هنيه ، وكانت الساعه9 فليل
قلتلهن خيبه من جيه طاحت اختكم هههههههههههه

حشا انا ساعه وشويه بغيت اموت وين من العصر :)،

استوالي موقف يوم صف سادس نفسه اغمى عليه بعد
وانا خاشه تحت امي اقولها يوعانه ويوعانه وطابتني
وخلاف عاد طحت وشلني ابويه
تذكرت نفسي ��������

والله اليوع اشد عن الحب والله

شدخل هذا الحين

وايد غبار وهوا عندنا

عساه بمطررر بس

شكراً لكل من يدش مدونتي
وشكرا لكل من يقرا حروفي
شكرت لكل من يستحمل سخافتي
شكرا لكل من يراني واو
شكرا لكل من ينتظرني ع نار
شكرا يلا عاد مصختها باي

مفتر رآسيَ !
09-04-2017, 01:39 PM
. .




الاسبوعين اللي طافت كنت ف تطوع
استمتعت الصراحه بدال يلست البيت
كان اجازه لاه :).

المهم وايد كان حلوو ❤❤'

والحين ابا ادش دورات وكلهن ف اسبوعين
بس للاسف ماناسبني
بس دوره 1 اما الباقي لا
مع انه كل وحده احلى من الثانيه☹️☹️����'
نصيب نصيب
بس لو حاولت اخذهن
بيكون عندي 4 شهايد دوليه بدال 1
بس الظروف ياخي الظروف ههه

وبس والله ، احب السوالف اللي فيها تكتشفين شخصيات
وكيف تمشين حياتج ومن هالسوالف يعني


وبس والله
دعواتكم الصادقه❤❤.

مفتر رآسيَ !
23-04-2017, 11:49 AM
مرحباا .

امس قلت لربيعاتي بطلع من قروبكن
واللي ترد دخلني مره 2 بسويلكم بلوك
ومابا ارابعكن ومليت منكن الصراحه وماحسكن ربيعاتي

وطلعت .


عقب حلمت عقربه صفرا وكبيره كانت وعقب شفتها ف غرشه الماي
ونشيت .


اللي اعرفه اللي يحلم عقرب مب زين

شمعنى يعني حلمته بعد هالموقف !!

المهم ;


وحده من زمان اعرفها بعد كله نسولف ونضحك
من عرست استوت نفسيه الا سرحانه وحزينه :).
وايد تسالني ف كل شي حتى وقت الامتحان تحشرني
ولا كانها موجوده فالكلاسس، ودي اسويلها بلوك صراحه يعني
ولا احذف الواتس بكبره عشان افتك .
باجر هيه ويايه ف كلاس
افكر ما ايلس عدالها يابتلي طاقه سلبيه الصراحه
احس غير يعني .


اييف ياه اللي اصادفهم كلهم لوعه
شو هالقرف :/

مفتر رآسيَ !
04-05-2017, 01:11 PM
مرخباااا .


عندي مشكله ومنرفزتني شويه ، وتعبانه نفسياً منها

اخوانا العمانيين عزيزين وغاليين والله
بس ممكن سوال ؟

ماعندكم سوق ؟ ماشي محلات؟ ماشي ملابس ؟ ماشي نعلان ماشي شي عندكم ؟

كل ويكند زحمه وكله منكم ، مستوين اكثر عن المواطنين الصراحه يعني
لدرجه اني ع بالي مغلطه داشه عمان :).

صدق ياخي يعني نحن دوامات طول الاسبوع وفالويكند نبا نطلع نخلص اشغالنا
مانقدر والسبه شو ؟ يا المركز يا الشوارع :)
العين قبل كم سنه ما كانت جيه نمشي ونحن مرتاحين

الحين تلوع جبدنا من بلادنا والسبه غيرنا والزحمه ،

ع فكره يعني يوم تسير تضرب خط ع سبه سوق
احسب مصاريف البترول سيره ورده من غير الاماكن اللي تسيرلها

مع انه مسقط وايد فيها محلات وراقيه ومولات قوووو وصحار بعد ،
عندكم افنيووووز والله انه طررررررر
واذا ع المعارض ، يسسون عندكم معارض شرات معرض الخبيصي عندنا .

كل شي متوفر عندكم ، وكله نفس الاسعار وان فرقت بسعر بسيط
احسب البترول واكلكم وغيره ،
وايد اوفرررر يعني .

هذا بروحه تعب نفسي وجسدي ، حشا ماروم اضرب خط عشان سوق

وشكرا

مفتر رآسيَ !
05-05-2017, 04:21 PM
. .


ههههههههههههههههههههههههههههههههههههههههههههههههه يضحك الشي والله ،
‏قالت أفعى لرجل مزارع :


أنا أفضل منكم فأنا ألدغ ولا ابتسم


فقال المزارع : انزين والمطلوب ؟


قالت : لا بس اقولك


و صمّها بشيول وماتت �� ���� أبوي الدنيا لابقه الحين ما حد يكلم حد والبترول غالي.



مقصوده لاه ������������������.


المهم ؛


بحث تخرجي ما خلصته .
واموري ماخلصتهن
ومالي بارض لشي ،
مع اني ترى وايد اشياء اشوفها وسكت عنها
بمزاجي اوكي؟


،








يالله عسى اللي صآبني ايييك
من حرهٍ في اليوف تصلاك .
ويخون بك خلك وغآليك ،
ويحد بك وقتك على اقصاك !

مفتر رآسيَ !
06-05-2017, 09:47 PM
. .


الو ونش ؛ تعال شلني :).

سويت حق اهليه عشا ، اوكي؟
باستا

المهم جان يقول اخويه : تتدربين حق رمضان

قلتله هيه عشان اطبخ لك ي قلبي ��������:)

قال غصبن عنج ، قلتله : اوكي؟

بعدين يوم خلصنا ؛ سرت الحجره

حصلت فوق الكرسي كرتون وبوكيه ورد وبلونات

تميت جيه متنحه ؛ مب مصدقه

عقب يوم قريت الورقه : بلا مناسبه شيخج : اخوج راشد

والله كان هالجوتي ف خاطريه Gucci

تخبلت يوم شفته

اديته ياخخخخي ������������.



.

مفتر رآسيَ !
23-05-2017, 02:15 PM
. .


ماعرف شو اكتبّ ،
بس ابا اسافر المالديف :).






.

مفتر رآسيَ !
30-05-2017, 01:00 AM
يقول بن عروه:

اهديتّ لك الحب المثالي
وخيبت ظني فيك والراي .




-


مستتحيل اطلع ف هالايام ماقدر
امه محمد كلها موجوده:).

الله باقلي بس باجررررر
الحمدلله يااارب ❤❤.


ورمضان كريم ي جماعه الخييير.

في ناس تقول مفتر مادشين الحين السبله وهااااااديه وغير مستويه.

اولا: مرا بزززي > خريط
ثانيا: مالي بارض اسولف ويا حد
فالواقع اوكي بسولف وبضحك اما ع برامج التواصل الاجتماعي اكون غير ونفسيه :/
اشوف روابط

كل حد سادح رابط ويبانا نعبر عن مشاعرنا
والله اني ولا مره دشيت رابط حد وسألته
فضضضضاوه شو !!


ماتجذبني هالسوالف ، مراهقين > طلعي برا بس��������

قبل كان اسك والحين مادري شو هذا ؟

مرا اوفرررر .

مرات احسني صدق عمريه55 :/

سوالفي سوالف شواب وعيايززز
وماحب ايلس ويا بنات مراهقات ييني تسمم منهن .




ابا غرشه عسل اصليه مال جبال
اللي عنده يطرشلي ابلاشش:).

وشكراً

مفتر رآسيَ !
30-05-2017, 01:09 AM
. .





لا أكذب بالحب والصحبه أبداً ؛
ان أحببت وفيت وان تعلقت اهتممتٰ
وان عشقت جننت . وان تركت عفت
ولو اردت ان اغيب دهراً لفعلت ����.

مفتر رآسيَ !
05-06-2017, 09:54 PM
لا تحلم أشتاقلك
لا يخدعك ضنك .
ويصير حلمك !
حلم ابليس فالجنه ؛




-



مرخبااا
شو مستوي فالعالم
الحين اعرف عن قطر
يلا عاد مالنا بارض حق المشاكل ؛(

تخيلوا مال قطر يبا يسوي اكشن وحركات
ويشوف غلاته عند دول الخليج ����.


الموهيممممم

امس كنت فالجيم من كثر الحماس التوت ريولي:)!
عاد لين اسبوع مابسير
وعذري اليديد ماقدر امشي عشان مادش المطبخ :/

بس شتهيت كيكه يت ف خاطريه وسرت اسويهاا
قلتلهم تعبت خلاص وايد ريولي تعورني
واصلا انا اخرط عشان ماسوي شي ����،




-

مفتر رآسيَ !
23-07-2017, 01:44 PM
..



اليديد اتريا بيتنا يجهز
والمشكله كل شي فالبيت كان من اختياري
ف كل زاويه انا اخترتها ��.

الله يستر من شغل هالهنود ����!

عسى يطلع شغل مضبوط ..

المهم ؛


مخي مشوش ومدود ف نفس الوقت
مب راضي يفكر ويشتغل .

واخيراً تخرجت ، الحمدلله ❤️❤️

الحين اي حد يسألني

بكل ثقه مادرس خلصت����'ً

شو شعور جمييييييل

عقبال الشغل يارب ����'


وجذا .

مفتر رآسيَ !
29-07-2017, 11:45 AM
..


والله ملل ياخي
حتى الواحد مايعرف وين يصد
لا ناس تفتح النفس ولا سفر ولا فلوس������.
كله متولف :)'




-


فيه شي ؛ شو وضع اللي يسوي فيديوات ويتعب نفسه
وصور حريم استغفرالله وعليه اغاني !!

بالله شو تحسون؟

كيف هالشي الكبير بتتحمله ف قبرك ولا يوم الحساب؟

بتموت وهالحساب من وراه الف متابع والف ذنب والف معاصي

مشكلتنا نستهين ف اشياء نقول عنها تافهه ونشوفها صغيره

بس للاسف هيه وايد وايد كبيره وحسابها عظيم،

ماشي ضمير ؟ ابدا ؟

محد معصوم من الغلط ، كلنا نغلط وكلنا نسوي اشياء غلط

بس نراجع حساباتنا

البلا انك تعرف انه هالشي غلط وحرام بس تسويه !


مانكر قبل كم سنه ايام الثانويه كنت ادمان اغاني
ليل ونهار اتسمع ،
ايلس ع كمبيوتر اسوي شغلي واتسمع اغاني .

عقب من دشيت الجامعه بديت اخف شوي شوي
مع انه فيه بنات يحطن كانن واسمع
بديت شوي شوي
عقب يتني فتره حوالي سنه ابد ماسمع اغاني
يعني مستحيل احط اغنيه ف سيارتيه ولا فالفون ..

عقب بديت ارد شوي واتسمع بس مب وايد نفس قبل
ويضربني صداع يوم اسمع
وعادي تخطف ايام واسابيع وماسمع اغاني
الحمدلله .

الله يهديني يارب ..

اعرف ناس طول الدرب اذا مثلا ماسك خط مال ساعتين
طول هالساعتين هو يتسمع اغاني حتى وقت الليل !!

الله يهدينا ويهديكم ويصلح امرنا وامركم .




ماعرفتوني صح ؟ ترى يطلع مني مرات����'

مفتر رآسيَ !
05-08-2017, 07:08 PM
وين الوفـا ي أهل الضميٰــــر ؟ ����.




-


ربيعاتي طابتنهن من اسبوعين
ولا سولفت وياهن . ماعرف شو فيني.

المهم ؛

يقولون ايفون8 من احسن الفونات اللي بتنزل فالعالم
واحسن شي تم اختراعه

عاد الله اعلم :).

بنترياه ..



صايره ماعرف اسسولف



جاو ،،

مفتر رآسيَ !
26-08-2017, 03:16 PM
العمر ماطيقـه بدونك ✨��.


-



هلو قايززز

ياخي ابا اشتغل :('

احس مامني فايده ف الحياه بس جيه اكل وارقد واتنفس ؛

حتى ماعندي سوالف والعيد قرب .


يلا باي

مفتر رآسيَ !
09-10-2017, 02:04 PM
. .



حابه اتكلم عن موضوع ينرفزز شوي ؛
فيه ناس يعني يغشون حريمهم وجيه ناقص يلبسن قفازات بس
وفيه ناس عادي بس بحدود.

الناس العادي اللي تخلي حريمهم يطلعون ويههم وجيه قلنا مب مشكله نتغاضى

بس اللي يغشي حرمته او خواته او اي حد كان .

لكن من تسافر تفصخ العباه وتفصخ النقاب وتكشف اشياء منها

واللبس يكون ضيج او انه واضح .

ش هالعبط والمخ اللي ف هالريال ، صارحني انت صاحي؟؟

ترى الاسلام اسلام والدين هو الدين ، والحلال هو الحلال والحرام هو الحرام .

اوك بنقول دورل اوروبيه وانه نقاب وغيره بيسون سالفه . بس لدرجه هالفرق العظييم

فالبلاد تقول خيمه من كثر ما ملبسنها والواحد يتروع من يشوفها وبرا البلاد اللبس رخيصص .

جد مخي مب مستوعب !!

ترى حتى هناك رياييل شو الفرق يعني ،

انقهر من الناس اللي جيه والله . حتى يوم يناقشني في شي يخص الحلال والحرام

اقوله يليت لو تسكت عن هالشي لانك مالك علم فيه . ماحب حتى اناقشه

يتفلسف مب ع اساس يعرف فالدين . لا !!

ع اساس عاداته ومعتقداته الفاشله :)'

اوفر الناس اللي جيه .

طالع واضحك وكل حب بسسس :):)'

مفتر رآسيَ !
12-10-2017, 12:15 PM
ههههههههههههههههههههه ليش محد يفهم لي يوم اتكلم :)'
احس كلامي مفهوم ياخي .



؛


المهم اخر الشهر بسافر ان شاء الله
مع اني متردده صراحتن
قبل كنت اهاذي ابا اسافر وابا اسافر ومن استوت السالفه صدق
تعايزت 😂😂😂👊🏻.

ابا اشل بنت خالي عندي بس للاسف عندها دوام
ومابيعطونها اجازه :/.

قالت بعد اذا كل شي ع حسابج انا بفنش من دوامي

ليش الطيبه! بنك انا !

حبيبي برشلوني
يموت ف برشلونه

انا مدريدي لكن .. > تذكرت حركه نعيمه المقبالي 😂😂😂'

Ohhhhh omg 😲 .


تنويه : لو تكنسلت سفره ترى مو هامني شي 💅🏻💅🏻.

مفتر رآسيَ !
17-10-2017, 01:34 PM
و. .



اليوم كانت عندي مقابله للوظيفه
اوكي !

يا اني صدق هبله ي اني مابا اشتغل:)'

سالني سوال ؛ قسم بالله اول مره اسمعه ف حياتي
شو هالسوال بسسس.

وانا كان جوابي : يعني ماتبوني ����'

سويت نفس هذا هههههههههه

^


واحد راح يسجل في شركة النفط..


سألوه في المقابلة:


شو يعنى التنقيب الانتقائي لايجاد الاليه الايدلوجيه في الوجدان الروحي؟


قالهم: يعني ما تبوني


هههههههههههههه
������������

-


بخنقني والله
تموا يضحكون اللي هناك
4 كانوا :):)!

قال لا ان شاء الله تأملي خير .

وقال شو نقاط ضعفج .

قلتله صعبه اقولك والله

مب ناويه ع خير انا

كنت محضره والله بس كل شي تبخر ������������'


باي !

مفتر رآسيَ !
21-10-2017, 01:26 PM
. .



يا انه الناس صارت ماتنطاق
ولا انه نفسيتي صارت ماتتحمل ابدا شي

استغفرالله ودك تمحي نفسك من هالكوكب
مالت بس




-

تذكرت سالفه حلوه

امس كنا واقفين عند محل ومجابلنه واحد يبيع عسل
واللي يبيع يمني .

تم يزقرني من بعيد عندي عسل اصلي ويمني
قلت يلا خنجرب
احب العسل انا .


حلو العسل الصراحه بس تم يسولف كانه يعرفني من سنين .
بغيت اشرد مارمت
كلحين يقول سالفه ويكلمني عن العسل

وايد وايد وايد مؤدب مارفع حتى عينه وهو يكلمني
قال سامحيني طولت ف كلامي
بس اخر طلب
قلت : شو !

قال ادعيلنا تفرج علينا ويردوا جنودكم بخير وسلامه .

وتم يدعيلي ؛

يتني غصه ياخي
رحمته وهو كبير فالسن حوالي ف 60 عمره .


الله يعطيه الصحه والعافيه ♥️��.

مفتر رآسيَ !
21-10-2017, 01:43 PM
. .


كانت ربيعتي تخبرنا شو بيسون ف عرس اخوها

اوكي !

قالت : بنيب عرض اسباني ��������������


قلتلها : ليش حبيبتي يايين مهرجان ؟ ��������

وعصصصبت

قالت شدراج انتي ومادري شو .

قلتلها والله انتي اللي شدراج شو هالمصخره اونه عرض اسباني

الناس بتحسب يايه مهرجان ، والله بيمصخروكم


عاد تمت بنت عمها تقول كلام ماحبيته
لاني ماحب اخذ واعطي وياها
لو تميت مب يايين نخلص .
ف طلعت من القروب '

حليلهن كم مره اطلع منه ويردني
ويردني
ويردني


خلاص ماودي اسولف وياكم ياخي
مب غصب


:):)'

مفتر رآسيَ !
30-10-2017, 03:25 PM
. .



من كثر ما فاشنيستات الكويت يمدحن عطورهن
ودي اسير الكويت بس عشان احضرر معرض العطور
واشمهن كلهن :):)' .



مره وحده مدحت عطر كان بمبلغ وقدره يعني
ع اساس ف بوتيكها .

ويوم سرت المحل اشم ريحته . بغيت ازووووع
والله ع ذاك المدح تقول بس خلاص بشتريه:)'

صح فالنهايه الناس اذواق .
بس في شي خلاص الواحد مايتناقش فيه حلو حلو
بس ع مدحها تحسه مرا واو :).


الحين برمجت مخي ؛ اي وحده تمدح شي ع طول اسوي سكيب واكبر طاف فالعالم
ولا اطلب شي مثل عطور او دخون الا يوم اعرفه وشامتنه من قبل .


مالت بس .

زكمت ياخي ، حر انزين

عكس الناس انا بعد

شو ذا


استغفرالله بس:)'


+


ربيعاتي يبني اتكلم ف قروبهن وانا صنم
ماعرف مالي بارض حقهن ههههههههههههههههه
بس قلتلهن شي واحد
شفت ناس نشبه ف حياتي بس مثلكن ماشفت:)'

وعرس ربيعتنا تاريخ 10/11
عقب كمن يوم

بس مابحضر لاني سأكون خارج التغطيه ������'

و ب ،

مفتر رآسيَ !
28-11-2017, 12:39 PM
.



سسسسسسلاااااااااامٌ


عرس ولد خالي ذا الاسبوع
الله يسعده ويهنيه يارب ♥️'



وكالعاده لا جديد يذكر

ملل ويلسه واكل ونوم وتستمر الحياه .:)'

مفتر رآسيَ !
02-12-2017, 02:54 PM
‏2 / ديسمبر 🇦🇪:


اللهم إنا استودعناك دولة الامارات و حكامها و شعبها
ف أحفظنا بعينك التي لا تنام ♥♥.


‏#اليوم_الوطني46🇦🇪.

مفتر رآسيَ !
31-12-2017, 10:50 PM
. .


هلو قايز
ابا احش شويه ����'

المهم شو هالحشره والصدعه عشان السنه اليديده:)

سبحان الله شي يخص الكفار العرب وايد وايد يمدحونه

اغاني طول الليل وسخافه :)' .

تف ترليون مره


؛




كيف الشتا ؟

اتعشى 3 مرات تقريبا
انتوا نفسي ولا بس انا الباندا ����

ماشاء الله عليه بس .



وشكراً

مفتر رآسيَ !
09-01-2018, 03:24 PM
يناير - شهر الحلوين والنفسيات ����.


-

امس ضربتني كآبه من الخااااااااطر
بغيت اختنق منها .

بس عالجت نفسي بنفسي
سرت افصل عباتين :):)' .
وسرت السوق خذيت اغراض وعقب خذيت الباستا اللذيذه .


صدق انه يوم تسوي شي تحبه تتغير نفسيه

الحين اي حد يسالني شو فيج حزينه ؟ اقوله بسبب الفلوس������

عاد اللي يسال يفهم مايحتاي .


صرررده هالاياام والله

بس حلو البرد ناكل ونرقد ونرقد ونرقد .


سرنا السيح قبل كمن يوم وباربكيو وحركات

اخر شي انا متسدحه فالسسياره من البررد ����.


وبس عاد .


يلا باي

مفتر رآسيَ !
05-02-2018, 12:12 PM
.


هلوو

ماشتغلت ياخي:(' ، محد عنده واسطه؟

مليت والله احس الحياه فاضيه بلا قيمه
وبلا معنى وبلا تفسير وبلا حدود
هههاي

متى بستوي مشغوله
وبيتنا ماجهززز
ع الاقل بنشغل فالاثاث. ������

.


ماعرف اسولف
ب

مفتر رآسيَ !
10-02-2018, 01:41 AM
.


ياخي ولا واحد ضبط
شو هالحظ التعبااان
ولا حد داعي عليه ، حشا شو سويت انزين :)'

والله ياني صداع من ذا الموضوع
وارق فالعيون
استغفرالله من هالحاله
فراغ فراغ ��������.



-


احس الوقت مايمشي
واحس السنين طوال :(.

مفتر رآسيَ !
11-02-2018, 04:17 PM
.


اليوم خالي يا عندنا
ويالس يتشكى حق امي
قال بنتج ماتسأل ولا كأني خالها
ولا تسوي مسج ولا شي


قلتله : فيني اكتئاب حاد 😂😂

قال من الرقاد :)

ههههههههههه شدخل

صدق كل ما ايي انا راقده
يعني شسوي والله .

قلتله ابا شغل سويلي واسطه .
قال محتاج هندي حق طعام البوش😂😂😂

شقصده !!


-


وحده مسافره اندونيسيا
قلتلها هههه هاتيلنا خدامه مناك

مستويه وايد سخييفه ياخي والله
الله يخسس الفراغ اللي انا فيه
انا بنت ومب متحمله الوضع
كيف الريال اللي بلا شغل !


الله يرزقنـا 🌷.

مفتر رآسيَ !
14-02-2018, 02:13 PM
.


يوم تتخذ قرار قبل لا تنفذه
لازم تفكر فيه من كل النواحي
ايجابيات وسلبيات وتأثيرها
وفكر هل هالشي منه فايده؟
مستفيد انته من وراه بشو !

اذا كانت الاجابه لا .

ف نفذ قرارك وخلك صارم فيه عشان نفسك وعشان تكمل حياتك
بلا قلق ولا خوف .

احياناً يمكن تتعاطف مع الموقف وعشان العشره
بس لمتى!
فالنهايه انته اللي تضرر من اللي صار وانته اللي تتعب .
فيه مواقف لزوم تتخلى عن الانسانيه والعاطفه
لانها تخليك جدا ضعيف .
هني يكون صراع بين العقل والقلب .

العقل يتكلم بمنطق وبالنهايه الصحيحه اما القلب بس لفتره معينه ولكن فالنهايه بتعاني
ف انته تختار وين تبا تكون
وانته اللي ترسم اتجاهك اللي حاب تكون فيه .

في ناس تحب تغامر وتختار الطريق الثاني مع انه عارف النهايه المؤلمه
بس يقول عشان اعيش الحين ويصير خير لين بعدين
بس يمكن هالخير ينقلب شر وتتأذى .
ويعيش بكآبه وبندم .

لو انه القرارات مؤلمه وتعور وتتعب فيها وتكسر كل مافيك
بس ع الاقل انته على قناعه وعلم بانها صحيحه
اذا انكسرت تقدر تلملم نفسك
واذا طحت تقدر تشيل نفسك

انته تختار وين تبا تكون يا مكسور يا واقف ومايهزك ريح.
تأكد .
الحياه حياتك
والقلب قلبك
والصحه صحتك

لا تضر نفسك على شان غيرك لانه محد يستاهل .


وشكراً '

مفتر رآسيَ !
21-03-2018, 01:40 PM
. .


حشره تراكم
كل يوم مطلعين لنا عيد .

ترى فالاسلام بس عيدين ومن كثر اعيادكم استوينا مانحس فيهن :).

خلوا اليهود يقصوا عليكم

اوفرررر ،

الواتس محتررق .

عيفتونا ياخي ابو الفون والبرامج وغيره !

والله ياخي رحموناااا .

ودوني المريخ ، كوكبكم مرضضض ������'

> مب متغديه من جيه متنرفزه ☺️



-


اوهو وقفني واحد اليوم
طلب ليسن وملكيه وعطيته
عقب قال وين الحزام ؟

قلتله فالسيت ��������.

الحمدلله مارشني بمخالفه

قلتله ماقدر ييني ضيق تنفس ياخي ����'

وعاد طوفها مسكين ، مشكور ي انت


وبس عاد


جاو

مفتر رآسيَ !
21-03-2018, 01:48 PM
.


نسيت شي بعد

نشبلي عظم اول امس وبغيت اموت

ولحد الحين يعورني .

كلت سح وموز وشربت ماي
وشربت بيبسي عشان يتكسر وينزل
ترى يقولون الغازات تكسر العظام لاه عاد نجرب
مابقيت شي ماسويته .

شكله نزل بس بعده يعورني
ألم فالحنجره ����.


مشكله البحري ؛


ب

مفتر رآسيَ !
02-05-2018, 11:26 AM
طحتّ من قلبي ومن عيني
ي سبب جرحي وحرماني .



-



تصدقون مرات اصنع حياه غير عن حياتي
كيف يعني ؟

مرات جيه اتخيل اني مثلا ملكه وعندي فلوس
ومسافره كل دول العالم واوقع ع مناقصات وحركات ��������'

وفجاه حد يبطل باب الحجره بقوووو
وارد للواقع المؤلم :):)'

-


ي الله متى بيي يوم القيامه احس شبعنا من الحياه
مافيها شي انترستنق لاه
الروح ميته .

كومه كآبه بسم الله :

يبالي سفره اجدد نفسيتي
لكن وين اللي يحس


ب -.-

مفتر رآسيَ !
15-05-2018, 09:26 PM
. .

ياهي سالفه مسويه موعد فالمستشفى عسب اقلع ضرسي قبل رمضان

المهم اللي بتسويلي حرمه ، لا بارك الله فيها ولا اللي عاطنها شهاده فالطب

بغيت اموت يوم تجلع ، وتميت ارجف من الخاطر
اول مره ف حياتي والله اشوفني ارتجف������

قلعت اللي فوق بس وعقب يوم بغت تكمل الباقي مارمت
شفت الموت

، ماتحملتها
توبه عاد اسير عند حريم واخليهن يسوون لي شي .


-

وسرت عاد دكتور 2 وقالي شو مسويه ومخبصه
وقال لازم تشتكين عليها
وهالدكتور فل زحمه عنده
عشان يكمل نص الضرس ����
عاد الحين تامه بضرس مكسور وهالكني من العوار .
وجابل عليه رمضان
كله تولف . هذا اللي ياجل طلع مني:)'

-


رمضان شكله الخميس:/

يارب هالمره استوي غير واسوي كل شي بضمير
واختم القران كذا مره واصلي قيام الليل
واستوي طيبه ������.
وتحقق كل امنياتي يارب العالمين♥️.


-


الحمدلله بيتنا خلص باقي ستاير عاد عقب العيد
والاثاث ماندري متى����.
المشكله مابا اثث البيت شوي شوي
ابا مره وحده
عشان مره وحده نسكن فيه ونحن مرتاحين
ويوم حد ايي عندنا يكون البيت واو وكذا .

وبس والله يوعانين ياخيء
نقصت كيلو ف هاليومين����
انا ابا ازيد والوزن ينقص
وت

ب-.-

مفتر رآسيَ !
08-06-2018, 04:08 PM
. .



خييي ي هالسالفه ههههههههههه
كنت خاطفه المركز عند الجمارك اوكي

قالي اللي هناك : فتحي الدبه

شو سويت انا ����

فتحت مال البترول ����������

قال اعبيلج بترول؟

قلتله هي الله يخليك سبشل ����������.

نصدمت من ردي هههههههههههه

عاد صايمين ياخي والمخ تعبان

-

المهم ف هالعشر الاواخر

الله يعفو عنا ويرحمنا برحمته
ويشفي مرضانا ويرحم موتانا
ويسخر لنا الارض ومن عليها
ويفرج على كل مهموم ويسر امر كل مسلم ♥️
يارب العالمين .

مفتر رآسيَ !
10-06-2018, 02:56 AM
‎❤


‎ اللهم أجبر كسر قلبي جبراً يتعجب منه أهل السموات والأرض , جبراً يليق بكرمك و عظمتك و قدرتك يا ربّ...




‎اللهم أجبر كسر قلبي جبراً يتعجب منه أهل السموات والأرض ,جبراً يليق بكرمك وعظمتك وقدرتك يا رب ...






‎اللهم أجبر كسر قلبي جبراً يتعجب منه أهل السموات والأرض ،جبراً يليق بكرمك وعظمتك وقدرتك يا رب...


اللهم امين




-




يقولون يمكن اليوم ليله القدر
الجو بارد والوضع شوي غير

الله يحقق امانينا ويرزقنا الجنه ♥️♥️.

مفتر رآسيَ !
10-06-2018, 08:21 PM
.

.

حبيت اناقش موضوع ياخي
احس في شي مب واضح ..


( وأما بنعمه ربك فحدث )

شو المقصود بهذي الايه بالضبط؟
فالمقابل في ايات ثانيه عكسها

كنا انا وربيعاتي نتكلم
وحده قالت سرت السوق اليوم وخسرت المبلغ الفلاني
ب هالمبلغ خذت 3 اشياء بس
المبلغ راتب كامل . راتب ع مستوى ����.

ف قلتلها انا ( ثم لتسألن يومئذٍ عن النعيم )

وردت وحده ( وأما بنعمه ربك فحدث )

هالشي اللي سوته يعتبر اسراف وتبذير وكثير ايات تتكلم عن هالشي

الا هالايه مافهمتها . يوم طلعت فالنت مكتوب تشكر نعمه الله وتقول انه عندك
ولا تقول كله ماعندي وانا فقير وتتلبس احسن شي لكن بدون اسراف وتبذير .

الواحد مابيتكلم بالنعمه اللي عنده الا اذا كانت شي كبير ومسرف فيها !!

الناس صارت تتباهى وتسرف وتقول انا احمد الله ع النعمه والله امرني اني اتحدث بالنعمه .

كيف جيه ياخي!!

الغلط في عقول الناس ولا كيف .

ووحده ماخذه طقم الماس بقيمه سياره !!

المشكله يحسسونك انك انته بخيل . دوم مختلفه فالراي انا
واحسني ع منهج الصحيح .

ب هالالماس اللي يكون بقيمه سياره . خذ سياره
او اراضي او عقارات .
لكن اعق هالمبلغ ع. الماس والبسه مره ولا مرتين؟؟

والله هاذيلا الناس حالهم وحال البهايم واحد ماشي فرق .

وبس والله .

اللي يعرف عن الايه يفهمني :):)'

مفتر رآسيَ !
09-08-2018, 01:35 PM
. .

هلوو
مزاجي ازفت من الزفت

المهم

ي انه هالجيل جيل خايس مايفيد وياه التربيه
ي انه الاهل مايعرفون يربون
اتوقع الثانيه بنسبه 80‎%‎ .

طولت لسان فضيعه واشياء يسونها مب طبيعيه

اوك كنا صغار ونسوي اشياء بس مب لهدرجه عاد

عفنا اليهال استغفرالله وهذا بعدني مايبتهم ع وجه الارض

.

توه منصور يضارب اخوه وعقب ضرب امي
ويا صوبي انا . يبا يضرب وامه هناك����.

اكره ماعندي الياهل اللي مايحترم حد ولسانه وصخ
وامسكه من ايده
قلتله تعال اضرب. ماحصلته الا تحت ريولي����������

لكن تم يتنافض لاني اول مره اسويبه جيه
قالت امه : ظهره شوي شوي

قللتها سكتي ادبي ولدج ومحد بيقوله شي لا دافعين عنه جدامه
الا يستقوى وتكبرين راسه .

المهم تم يصيح ، قالت بشوف عيالج جيه بتسوين فيهم

قلتلها اذا سوى نفس ماسوى ولدج اليوم . دوسيه بريولج

قله الادب مادانيها . هاللي ناقص بعد

عقب خالي قال : عيالج بتربينهم صح انتي

قلتله الغلط غلط والصح صح . مادافع عن حد وهو غلطان

ترى الضرب مايذبح
قاصين عليكم اليهود اونه بيتعقدوون
ماشوفنا تعقدنا ولا دشينا مستشفى ميانين
ضرب تأديبي اشوفه من اهم الامور للتربيه
لا حبيبي خطا هذي ماتنفع الا ف الامور تافهه
واذا فادت مشي معاها مافادت الضرب .

نكمل .

مفتر رآسيَ !
09-08-2018, 01:44 PM
.

المهم نحن مانتجرأ نرد على اكبر عنا
وان شفنا شيبه ولا عيوز نحبهم فوق الراس
اخر شي هالفص يمد ايده على اكبر عنه .

مره خلته امه عندي اسبوع ، كانت مسافره

والله انه دراسه ويدرسها . واحترام يحترم
حتى ينرحم من كثر ماهو مؤدب ومحترم
كنت فالمقابل ادلعه واعطيه اللي يباه .
يباله اعاده تربيه .



المهم .

اذكر خالي الله يرحمه مره واحد من عياله يرابع شله فاسده
وياييب طماط فالشهاده يعني. راسب :)

لكن تعالوا دوروا بو الطماط وين
فالشمس مربوط بسلاسل ف عز الظهر لمده ساعه
لكن من يومها ، احمد رسب؟
لا والله كله من الاوائل
وين احمد الحين؟ ماجستير هندسه

تعقد؟ مات ؟ دش المستشفى ؟

ترى فالنهايه ينفع عمره ويكون نفسه محد يبا من حد شي .

ربوا عيالكم الله يخليكم .
لا تغثونا

وشكراً

مفتر رآسيَ !
09-08-2018, 01:51 PM
. .






الجفن ذابل والصبا شاب

‏حتى منامي غادر العين .

مفتر رآسيَ !
03-10-2018, 11:23 AM
. .

عندي احساس بشتغل قريب
مادري بس الاحساس قوي ي جماعه ������.


هيه امس ف موضوع اونه شو تتخيل ترسم
كتبت انا # يوم القيامه !

وين المشكله ف الرد ؟
سلامات ي اهل العامه
امانه امانه من حاط الاداريين
يراجع نفسه امانه عاد ههههههههههه
يرحم الاداريين الاوليين والله

الرد جدا واقعي . هزت اللي حذف مشاركه يعني؟

ترى مرده بيي يوم القيامه غصبن عن الكل
رضيت ولا مارضيت حذفت او ماحذفت
اوكي؟

شو هالناس ياربي
صدق متى بيي يوم القيامه نفتك من هالعقليات والناس المرضى


ثنكسسس ��.

مفتر رآسيَ !
10-10-2018, 11:32 PM
. .


كنت ف مكان وف هالمكان حصلت وحده
قالتلي ياخي احسج تشبهين حد وشايفتنج مكان
قالت انتي كم عمرج ؟ قلتلها عقب قالت شو اسمج
والله انا احس شكلها مب غريب
يعني شايفه ويهها من قبل
عقب قالت هييييه كنتي شاطره فالمدرسه������.
قلتلها هيه كنت مصطفى
قالت الحين تذكرت . وتمت عاد تسالني عن الحياه
طلعت ف نفس كلاسي فالابتدائيه .

اذكر كنت اصيح يوم انقص كم درجه
حدي سخيفه كنت هههههههههههههههههههههه
واتم مضايقه وحالتي حاله
والله ماعندي سالفه ،

عاد شهاده الحين ديكور فالبيت لا شغله مرموقه وتليق بالمستوى ولاشي.
الحمدلله شو يقول الواحد بعد .

خييي ياني رقاد -.-


وداعاً

مفتر رآسيَ !
02-12-2018, 02:31 PM
السلام عليكمممّ .
معاكم صاحبه اقوى جواز فالعالمَ ��������!









يرححم كف بانيها ويحفظ بلادنا من كل شر وسوء !
والله يدوم علينا نعمه الامن والامان
.

2 ديسمبر ����.

مفتر رآسيَ !
24-06-2020, 12:33 AM
خييييي - من سسسنه وزياده ماييت هنيه

اوفررر الصراحه


سلامُ عليهم . هع


الله ياخذ كورونا ويعدمه من هالدنيا ونفتك منه ،
اكرههه الف


اليديد : اشتغلت وها واستويت امراه مستقله ��������.

والله وايد مطبات استوت ف الحياهه
لكن شو نسوي بعد الاقدار المكتوبه
اهم شي الراحه والصحه والاكل ،

مخي وقف فجاه -

وداعاً اصدقائي ��

مفتر رآسيَ !
22-10-2021, 12:53 PM
سسسسسلام عليهم ����.

علووم
شو الدنيا شو الحياه شو العالم شو الظروف ؟

زمان عنكم ياخي -.-

بس قلت ادش انظف حجرتي من شاهين����������

بس مالي بارض اسولف : )

باي

مفتر رآسيَ !
08-01-2022, 05:06 PM
سسسلام عليهم .

يالله شو البرد حلوو
حتى نفسيه غير -.-

وصلنا 2022 وهالغششش ماخاز
الله يعدمه من كورونا .



المهم

اللي تسال عني وتبا تعرف اخباري
ويسالون فلان وعلان تراني بخيير والحمدلله
اهم شي اكل واشرب وانام -.-

امره لا تحاتون ذيبه

وبسس والله

فالبرد مابا اسير مكان ولا اطلع
بس ابا اتم فالبيت واكل واستانس بس بس

هياته منا مناك احس مليت وكبرت

اذا بسافر اوكي اما بس جي فضاوه مافيني حيل����������

ناقصه مرحله ابند مكيفات واخرف بس

عشرينيه بس العظام سبعينيه والله : )

ف حفظ الله .