ما بخيل بس ما نريد شغالة بروحنا

[ملهم]

السلام عليكم ورحمة الله وبركاته

موضوع اليوم راح يسلط على ليش ما تجيبوا شغالة
انا اشوف عن نفسي شغالة يريدلها أكل واجد يعني واجد ياكلن بصراحه وبعد مسرفات في كل شي سواء في استخدام ادوات التنظيف او الغسيل مثل صابون يعني ما يقيسن شوي شوي ما يهمهن اما انتي صاحبة المنزل اذا بروحك اشتغلتي راح تقتصدي في كل امورك عكس الشغالات انا اشوفهن مبذرات واجد بصراحه يعني كل شهر بيحتاجلك تروح تنزل سوق تجيب مثل صابون او منفات عكس لو صاحبة المنزل تشتغل بروحها راح يكفيها اغراض حج اشهر

عاد اترك رايكم في الموضوع

[مائة بيسة]

يعتمد ع الشغالة موب كلهم نفس الشي...والشغالة
هي مساعدة موب يعني ان كل الشغل عليها وبكيفها
وين دور ربة البيت بهالحالة..

https://encrypted-tbn1.gstatic.com/images?q=tbn:ANd9GcROoMDDgb4oSmBGkYnZ7cE4Cc245rx00 I9MIgaJsit_zEMLH9Z23w

[آرثر]

'

اسعد الله صباحكك اخي ..

من وجهة نظري لما يكون الماديه تسمح زين الواحد يجب شغاله تساعد سوى اهله او زوجته اذا متزوج ومستقل ف بيته تخفف عن الزوجه امور غسيل ملابس والوعيان وهذا الاعمال وما يخالف تتعلم تطبخ طبخ عربي لكن الطعام يفضل انه اهل البيت الي يرتبونه اذا تساعد هيا فقط ما يخالف ايضا


اسعدك ربي

[هاجس الوجدان]

انا ف راي ف الوق الحالي ما يخلا بيت من شغاله
وانا عكس رايك بالعكس اذا الشغاله احد يداريها ويشرف عليها اكيد راح تقسط من الصابون وغيره
وبعد اقول اهم شي المتابعه

[ابن مذحج الجنيبي]

السلام عليكم

تمام خلاص م نجيب شغالات


نسمع رايك..لا تعليق

[السفينة]

الشغال اليوم مهمه يا ولدي . العالم في انفتاح .. واحنا ما زلنا نتكلم نجيب شغالة او لا

[ضياء القرآن]

السلام عليكم..
يوم البيت فيه أحد ما مرتبط بعمل أو دراسة أفضلها
تخلص شغلها وحدها وتريح راسها..
.....
الشغالة ليست مهمة كثيراً ،، وهناك منازل كثيرة تخلو منهن..

وجهة نظر..
بوركتم..

[هنائية وأفتخر]

سلام عليكم
طبعا اكيد البشكاره حقها اضرار وحقها ايجابيات لكن لو كان بيت فيه مثلا ريال وحرمته شكو البشكاره تدخل بينهم لكن لو بيت ثقيل مثلا عيالهم وجي اصراحه الحرمه امبلا م تقدر اتسيطر ابروحها الشغل البيت يباله جهد بصراحه وخصوص يعني احين احنا معظم البنات م يعرو اطبخو متعودين من صغرنا ع بششكارات اكونو موجودين بالبيت وجي السالفه

[اموووره]

صباحووو ..❤

يالله يعني الحين اخوي ملهم تحاسب على اكل الشغاله ..
تراها تاكل حالها من حال بقيه افراد الاسره ..
ثاني شي بخصوص الاسراف انا معك ومثل ما يقول المثل مال عمك ما يهمك بس هنا عاد يجي دور ربه البيت ..
يعني الشغاله ما نسلمها الخيط والمخيط ..
دور الرقااابه جدا ضروري سواء فالطبخ والتنظيف وووو .. الخ ..
عاد الشغاله لما تشوف نفسها انها مراقبه اكيد ما راح تبذر ..

[احساس روح]

انا صراحه ما اطيق تكون معنا شغاله في البيت ....
الله يرحم الوالده من كثر ما تسولف عنهن تعقدت
بس اكيد اذا احتجنا انجيب.....
واشوف عادي
اكلهن
يعني اذا ما اكلن من البيت من وين اياكلن
الواحد يحس نفسه مكانهن

[واحد بطران وشايف نفسه*]

أنا ضدكلامك اذا كان الشخص عنده مقدره في يجيب شغاله فبيته اذا كان بيته كبير أو اسره متوسطه او كبيره
والله مرات تريد تكوي ملابسك او تغسلهن الشغاله تسويه بسرعه وتنظف الغرف بس يلي ما يعجبني منهم مثل ما ذكرت مسرفات ف الاكل ومرات فيهن عناد
تتوقف عن شغل اذا كان ما عاجبنه وضع البيت أو تلقت تهدييد من البيت

[واحد بطران وشايف نفسه*]

وأكثر شي عاد من ناحية الطبخ ما أؤيد انها تطبخ

[نسمة الظلام]

أنا ما أحب وجود الشغلات لكن الناس تحتاجهن
وبالخصوص الموظفات ع أساس وقت الدوام يخلن الأطفال عند هذه الشغالة
وقريب من المنطقة اللي ساكنين فيها سمعت مسوين حملة
بعنوان " بيتي أجمل بدون عاملة " وكانت نسبة النساء الموظفات رافضات فكرة
وجود الشغالة في البيت ولكنهن مضطرات يجيبنهن !!

كل الشكر على الموضوع .....

[سارة الوهيبي]

اول شي مسألة وجود عاملات حرية شخصية،2شي البعض يحتاج فعلاً كمساعدات طبيعي ما كل الشغل عليهن بعد حرام والوحدة عيب تتفلت عن كل شي لاه،اخر شي انا ضدها لو عايلة بسيطة زوج و زوجته وطفل مثلا بعيد الشر الوحدة م تقدر ترتب امورها الاتكالية تأثر ع الوحدة لازم تكون هي سيدة بيتها من البداية وتسوي اللي تقدر عليه وترتب وقتها..
بالنسبة انهن ياكلن واجد من اكل البيت تراهنراخوي وهنه روح عادي ما فيها شي فيه عوايل من ضمن الراشن نشتري اشياء تخصهن ومأكولات هنه ياكلنها يبقى كل شيء بأجره واعرف احد شغالتهم ما تسوي عشا لان ماحد ياكل فيشتريوا لها بشكل يومي ليش لانها روح وتريد تاكل صح هم اوفر حبتين لان ممكن تطبخ حالها ما لازم كل يوم بس من باب الانسانية وعلشان الواحد ما ياخذ ذنب ذكرتني بشغالة جت عندنا بشكل مؤقت تروح ورا البيت تاكل لان تاكل من اكلنا ومن اكل من بيت جدي اللي يجاب لأبوي واكل تسويه حالها وسلطات وروب وبيبسي وعادي لو عصير كله مال مرة وحدة وتحلي بس عادي عمره ماحد نازعها لين توكلت و راحت ههههه