وانا اللي ماعرفت الحزن إلا من قسى فرحك

[حبي خالص]

أخآيل في الأفق سرب الأماني وانتظـر بشراك
والملم هالمسا وأشعل من أعــواد السهر صبحك

أنا اللي من تذكرتك عرفت أني عجزت أنساك
وانا اللي لو تناسيتك تذكر خافقي ... رمحك

على شرفة غيابك جيت أبفتح نافــذة ذكراك
لقيت الصبر متلحّف خَطاك ومفترش جرحك

أنا اللي ما عرفت من الكلام إلا أعشقك وأهواك
وانا اللي ماعرفت الحزن إلا من قسى فرحك

وانا اللي يوم قررت أنتهيك أحترت كيف أبداك
تخيرت البكى لجلك ، لأني ماعرفت ... أضحك !

أنقّب عن مآثر دمعتي في حسرتي و اللقاك ..
تحرّض للزّعل جرحي و أحاول أختلق صُلحك

تعلمت أكتبك وامسح ملامح غيبتك و أقراك
أحــاول أفهم اوصالك ولكن طال بي شرحك

سقيت أزهار حلمي في غيابك وأثمرت أشواك
زرعتك سنّبلة فرحي وأكل طير الحزن قمحك

أنا مالي وطن إلا أعيش العمر في ... منفاك
وأنا مالي بزاد العمر لا منه نقص ... ملحك

أضيع فـ بحر أوهامك وأصارع والقدر مرساك
واناجي وحدتي واشكي حبيبي : مسّني قرحك

وأطيح أبكي على كتف الزمن و آقول: كيف نساك
وتبقى نافــذة ياسي تواعد بالأمل ... صبحك !!

[نسر البوادي]

الله الله عليك يامبدعه دائما نرى الجمال في طرحك ابيات نثرتيها هنا راقت بشده
يعطيك الف عافيه وكلك ذوووق ياذوووق

[زهرة الأحلام]

.
.


غاليتي / حبي ..
كلماآتٌ رااائعة و أكثر ، ذوقٌ راآقي !
أسعدكـ الرحمن !

[حبي خالص]

الله الله عليك يامبدعه دائما نرى الجمال في طرحك ابيات نثرتيها هنا راقت بشده
يعطيك الف عافيه وكلك ذوووق ياذوووق



ما عليك زود أخي
شاكره لك مرورك العطر

[حبي خالص]

.
.


غاليتي / حبي ..
كلماآتٌ رااائعة و أكثر ، ذوقٌ راآقي !
أسعدكـ الرحمن !



من ذوقك عزيزتي
شكرا لك