أنا بعدك سحاب أبيض أضم الريح بأحضاني

[نوارة الكون]

أنا بعدك سحاب أبيض أضم الريح بأحضاني




على ذكر‎ المواجع والسفر والحل والترحال !!
طويت آخر ورق عندي في دفتر أحزاني ...

طويته .. وانكسر قلبي وصوتي بالمواجع ســال
ودريت إن الظلام اللي تحت كف السهر جاني !!

جلست أجمع مسافاتي وأغني للسفر موال
على صفحة من الماضي بها حلمي وعنواني ..

بها كم سافرت عيني ليالي والظلام أهوال
وبها كم سافرت روحي وأنا بالليل وحداني

![ حبيبي كل ما أشوفك تجي بالذاكره تختال
نهر من فايض الذكرى يجي من داخل أشجاني ]! !!

تخيل !!
تخيل يوم عانقني خيالك .. خاطري وش قال !!
تخيل قبل أسولف لك نشدني عنك وجداني !.

نشدني لين خلاني ![ مدينه هزها زلزال ]!
تخيل !! ماهدا حتى لقاك بوسط شرياني

أروح لسدرة الموعد معاي لموعدك مرسال
وأخاف إنك تجي قبلي وترحل قبل تلقاني ..

هنا !!

هنا كانت ليالينا ![ غـــــلا ]! والمقبلات ![ آمـــــال ]!
وهنا كانت مواعيدك مطر تخضر به أغصاني !!

هنا شف .. باقي آثارك على رمل الوعد مازال !.
وهنا شف دمعه طاحت من عيونك على شاني

حبيبي !! حبيبي لا تنشدني عن أوضاعي وكيف الحال !!!
أنا بعدك سحاب أبيض ![ أضم الريح بأحضاني ]!

تسافر بي الذكرى وأحسب إني وصلت آخــر وطن بالبال !!
و اثرني ماوصلت إلا بدايـــة درب حرماني

وتبقى سيرة الذكرى قصيده تكتب الترحال
سوالف للعيون اللي صداها " دمعة أحزاني

وتبقى سيرة الذكرى قصيده تكتب الترحال
سوالف للعيون اللي صداها " دمعة أحزاني

[مجنونك ما يخونك]

http://www.4women.co/uploads/07-2016/491707_womenw.jpg

[نوارة الكون]

http://www.4women.co/uploads/07-2016/491707_womenw.jpg


اسعدني مرورج اختي الفاضله
دمتي في حفظ الرحمن

[حبي خالص]

الله عليك عزيزتي
راق لي اختيارك ويسلم ذوووقك

" نص يستحق النجوم الخمس "

[نوارة الكون]

الله عليك عزيزتي
راق لي اختيارك ويسلم ذوووقك

" نص يستحق النجوم الخمس "
اسعدني مرورج اختي الفاضله
دمتي في حفظ الرحمن

[رايق البال]

هلا فيك نواره ..
نص واختيار ولا اجمل الله عليك الله
الف شكر لجهدك واختيارك وتفاعلك الجميل
طابت مساءاتك ..

[نوارة الكون]

هلا فيك نواره ..
نص واختيار ولا اجمل الله عليك الله
الف شكر لجهدك واختيارك وتفاعلك الجميل
طابت مساءاتك ..

اسعدني مرورك استاذي الفاضل
دمت بحفظ الرحمن ورعايته