ياقطعة السكر وذرات الاحسـاس

[مجنونك ما يخونك]

ياقطعة السكر وذرات الاحسـاس (http://forums.roro44.net/203526.html)



ياقطعة السكر وذرات الاحسـاس ... في نكهتك حسيت باهلـي وناسـي
>
اخفيت كاسي عنك نادى لك الكاس ... حتى قدرت تصبني وسـط كاسـي
>
طعمك جرى بالدم ياعطر الانفـاس ... الغيت خوفي حيطتي واحتراسـي
>
وشكلت من عمري حبايب وجلاس ... حتى غديت الهامشـي والاساسـي
>
ياقطعة السكـر وياقطعـة المـاس ... شفني امل واحلام شفنـي مآسـي
>
ياقطعة السكر انـا مثـل هالنـاس ... احيان ألين وبعض الاحيان قاسـي
>
من جيت للدنيا وانا رافـع الـراس ... حتى عرفتك وارتفع زود راسـي
>
كل ما تذوب اشوي ألمح شبح ياس ... معك انتهى خوفي ولا مـات ياسـي
>
تذوب اكثر يشتعل بـرق واعـراس ... تذوب واذكر بعض ماكنت ناسـي
>
تذوب تصغر ألمح جيوش واجراس ... تـذوب تهتـز الجبـال الرواسـي
>
تذوب يذبل حلـم وتزيـد حـراس ... كل ماتذوب شوي يضعف حماسي
>
ياقطعة السكر ترى الموت الافلاس ... ذبتي وانا اللي صرت بعدك اقاسي
>
ليل الأسى والحزن مايعرف قياس ... بعدك نخيت الصبر واسرجت باسي
>
ياقطعة السكر وذرات الاحسـاس ... من يوم ذبتي جف قلبـي وكاسـي


مما رآق لي

[حبي خالص]

الله عليك مجنونك
اختيار جميل كلك ذوووق

" نص يستحق النجوم الخمس "

[نسر البوادي]

الله الله عليك ياذووووق ابيات فاقت الجمال والروعه يعطيك الف عافيه

[رايق البال]

هلا فيك مجنونك ..
نص واختيار جدا عذب وراقي
الف شكر لجهدك واختيارك وتفاعلك الجميل
طابت مساءاتك ..

[نوارة الكون]

سلمت يمناج اختي
انتقاء جميل وتواجد اجمل
دمتي في حفظ الرحمن ورعايته