ياترجّع الخمسه ريال .. يا ..... ؟ / بقلمي

[رايق البال]

يسعد مساكم/ صباحكم
هلا بالجميع ...

عوده جديده لقلمي وقصه لاتخلو من الفكاهه كالعاده وطبعا اتوقع الآخ العزيز عابر سبيل راح يقول اعرفك راعي مشاكل رايق بس والله هي الظروف اللي تخليني بهالمواقف شو اسوي يعني ههههههه ..
احنا مجموعة شباب تربطنا صداقه عميقه ببعض من ايام الدراسه وبعضنا مع بعض بالعمل والبعض الآخر في جهات حكوميه اخرى يشتغلون ..
تعودنا نلتقي كل اسبوع في احد المطاعم بمسقط نسولف ونعيد ذكرياتنا ونخطط لرحله لبلد او منطقه معينه وبعد العشا والسهره كل مننا يرجع لبيته ..
من ضمن الاصدقاء كان واحد شوي ماسك ايده ( بخيل يعني شوي ههههه ) وكنا دايم نعلّق عليه وخاصه انا اجنن به ..
نادر يتصل بنا وكل تواصله بس عن طريق المسجات لو استجد شي او عشان نرتب للسهره او نروح رحله .. الخ ..
يوم من الايام فجأه جاني اتصال منه وجلس يسولف ويضحك وماخذ راحته على الآخر وانا مستغرب من تصرفه ..!
بعدما خلص اتصاله جلست افكر مع نفسي واحلّل هالتصرف وماقدرت اوصل لنتيجة معينه ..
بعد يومين التقيت بالشباب بالمطعم وظلينا نتظر صاحبنا يوصل ..
وانا معهم فتحت سالفة اتصاله بي واستغرابي منه لأن كلنا نعرفه نادر يتصل ..
تفاجئت ان الكل اتصل فيهم هذاك اليوم اصلا مو بس انا ..!
هنا قلت لهم : شوفوا شباب .. سالفة ان فلان يتصل بي انا مستغرب منها بصراحه لأن كلنا عارفين بخله وكنت ناوي اسأله بس استحيت .. بس طالما انه اتصل فيكم كلكم معناها السالفه فيها شي .. والله مابخليه اليوم لين اعرف السبب ..
الشباب بصوت واحد : حرام عليك .. خليه شو تبي منه ؟ يمكن حس والله هداه وتغيّر ..!
انا : لالا ماتغيّر .. السالفه فيها شي صدقوني وماراح ارتاح لين اعرف ..
الشباب : تمام .. عيل عليك به ..
طلبنا عصير طازج لكل مننا وكلها ربع ساعه ووصل صاحبنا ..
احنا كلنا مبتسمين بإنتظاره والشباب كل منهم يهمس لي : وصل ترا صاحبك .. عليك به ..
انا : تم ولايهمكم .. قال تغيّر قال هههههه ..
وصل صاحبنا وكان معصب وايد ومن شكله واضح انه متضايق ..
سألته بكل براءه : سلامات الحبيب .. شو فيك؟ عسى ماشر ؟
صاحبنا : لا عادي .. مافي شي
انا : شو عادي ..؟ ترا واضح عليك انك متضايق ..! وبعدين تعال قولي .. ياترى شو سبب هذاك الكرم الحاتمي المفاجئ اللي نزل عليك فجأه ههههه واتصلت بي وبكل الشباب هذاك اليوم حسبما خبروني .. اعترف يالذيب لايكون طحت على كنز واحنا ماندري ههههههه ..
صاحبنا : ارجوك لاتذكرني .. اللي فيني فيني ترا ..!
احنا بصوت واحد وعاد زاد الفضول فينا : ليش؟ شو صار ؟ احكيلنا ..
صاحبنا : الله يسلمكم وانا بالبيت جالس العب بالفون فجأه جاني تحويل بقيمة ( خمس ريال ) من رقم مجهول ..!
استغربت وظليت انتظر ربع ساعه ربما يرسل انه غلطان بالتحويل او شي بس مارسل لي ... وعقبها عاد قلت فرصه اسلم على الشباب وقمت اتصل فيكم واحد واحد ..
انا : اهااا كذي السالفه ..!! وانا اقول ليش متصل بي هذاك اليوم .. اتاريك محصل رصيد ببلاش .. عيني ياعيني ناس لها حظوظ فعلا هههههه
صاحبنا بعصبيه : اسكت انت اسكت .. اصلا محد بيجنن بي غيرك ولا كلهم ساكتين إلا انته يبو لسانين تسأل مية سؤال ..
انا : خلاص توبه والله مابقول شي .. كمل السالفه هههههه
صاحبنا : بعدما اتصلت فيكم كلكم وراحن تقريبا اكثر من ريالين فجأه جاني اتصال من نفس هذاك الرقم وكان المتصل حرمه ..
الحرمه : مساء الخير اخوي .. لو سمحت انا حولّتلك بالغلط من ساعه ( 5 ريال ) رصيد ..
صاحبنا : بالفعل وصل هالمبلغ واستغربت من الرقم لأنه مو مخزن معي وظليت انتظر ربع ساعه لعل وعسى صاحب الرقم يتصل او يرسل يستفسر بس ماجاني لا اتصال ولا مسج منه ..
الحرمه : انا انشغلت شوي وعلى بالي المبلغ تحوّل لأختي .. بس هي من شوي اتصلت فيني وقالت ماوصلها الرصيد ولما شيكت مره ثانيه على الرقم عرفت اني حولت المبلغ بالغلط .. والحين لو سمحت اريد ترجع لي المبلغ اللي حولته لك ..
صاحبنا : بالفعل هذا حقك اختي ... بس والله مدري شو اقولك ..!؟
الحرمه : شو يعني ؟ مافهمت قصدك ..!
صاحبنا : الله يسلمك لما شفت محد سأل عن المبلغ توقعته واحد من الربع طلع رقم جديد وكان يبي يفاجئني بالرصيد وعاد تدري قمت اتصل بالشباب اسلّم عليهم .. صار لي زمان ما اتصلت فيهم ..
الحرمه : لا والله ؟ تتصل بالشباب هاا برصيدي انا؟ ياسلااااااااام ..!!
صاحبنا : هذا اللي حصل وماكان قصدي والله وخلاص ولايهمك راح ارجع لك المبلغ الباقي واظن في حدود ريالين باقي بس منه .. تدري مع الشباب شوي خذتنا السوالف وماحسيت بالوقت ههههههه
الحرمه : ياسلاااااام ؟ عيني ياعيني سوالف هاا ماخذ راحتك وايد ماشاء الله..!! شوف هي كلمه ورد غطاها .. ياترجع الخمسه ريال اللي حولتهن لك بالغلط .. يا ادعي عليك وتحمل بهن ليوم الدين ..
صاحبنا : لا ارجوك كله ولا هالكلام .. خلاص بتصرف وبرجعهن لك ..
الحرمه : تمام .. عيل انتظر ولا تتأخر وايد قال خذتني السوالف قال ..! ..
تصرف صاحبنا ورجع لها الرصيد حسب المبلغ اللي كانت محولتنه له ..
انا وعيني تنظر للشباب وميت من الضحك : ماقلتلكم السالفه فيها شي هههههه .!!؟ عشان تصدقوني بس مره ثانيه لما اقول شي ..
صاحبنا وهو معصب : والله ان زدت كلمه غيرها .. بروح ترا عنكم وبزعل
الشباب بصوت واحد : ياخي اسكت عنه حرام عليك .. اللي فيه يكفيه .. صدق انه محد يتوهج فيك انته ..
انا : خلاص بسكت بس والله ترا كنت امزح ولا انتوا كلكم عارفين ان غلاكم عندي واحد ههههه ويالله عاد فرفشوا وطلبوا عشا ميت من الجوع احس نفسي والله ..
الشباب : تم .. الحين بنطلب عشا خلاص ..
طلبنا عشا وتعشينا وكملنا سوالفنا وضحكنا وصاحبنا معنا يضحك بعدما نسيناه السالفه ودفعنا عنه كالعاده هههههههه ..

انتهى .. بقلمي
اخوكم / رايق البال

[بنت االعرب]

قصه جميله
سلمت الأنامل
تحياتي لك

[نوارة الكون]

هههههه
كل العاده قصصك لا تخلوو من الفكاهه ربي يديم لك السعاده

[ابن مذحج الجنيبي]

السلام عليكم

جميله هي جمعت الاصحاب..عسى الله لا يفرقكم

كنت هنا

[مس ماريانا]

الله لا يفرق بينكم..
وقول لصاحبك الله يذكره بالخير ترا الدنيا مستاهله خل يتنازل عن البيسه طشه قليل ههه ما يسوين تراهن
ربي يحفظك استاذي..
لا عدمنا جديدك وفكاهتك الجميله
ودي

[ســـعـيد مصــبـح الغــافــري]

ههههههه يا فرحة ما تمت
عسى يقول توبة ويبطل بخل هههههه
عيل كنتم بتخدموه خدمة لو تعشيتوا وخليتوا الحساب عليه .. العالم الله بتضربه حمى وعلى طول على السلطاني ههههههه
الله يديم الربعة والأخوة بينكم أستاذي
قصة جميلة جدا جدا بنكهة رايقية حلوة جدا
عشت جوها وقلبي فاطس ضحك
تسلم الغالي رب يخليك أسعدت قلوبنا بقلمك الجميل الروح

[نديم الماضي]

هلا فيك أستاذ
كالعاده قصه رائعه ولا تخلوا من الفكاهة
سرد جميل للقصه يعطيك العافيه..

[الشيخه الفلانيه]

ههههههههههههههههههههههههههههه رحمته :) "
قصه رآئعه ،
شكراً على الطرح :) "

[قائد الغزلان]

صباااح ورد اريج***

***هههههه..يا ربي الله يكون في عونه..يا سبحان الله***

***ع فكرة هذا الموقف انا صار لي مرتين..يرسلووا لي رصيد.بالخطاء طبعاا..مباشرة بدون تفكير يتم ارجاع الرصيد***

***قصه هاائلة ..وجميلة جداا***

***الف تشكرات لك ايهاا الكريم***

***وباارك الله فيك***

[حمد نجد]

ههههههههههههه.. بتجمل بحلال غيره انا ودي اشوف وجهه كيف لونه يوم اتصلت عليه الحرمة وقالت رجع الرصيد .... ههههه
قصة رايقة ككاتبها
على فكرة انا من الناس اللي ما أماشي البخيل ولا أعاشره لانه يغثك ( وجة نظر )
البخل صفة يكرهها الله سبحانه
شكرا على القصة الجميلة كنت اقراها وانا اضحك .. هههه

[الحان الحياه]

ههههههههههه
مسكين

سبحان الله انا صارت معي بس بطريقه غريبه
اذكر اني كنت محتاجه لرصيد ضروري عشان استفسر عن حاجه من ربيعتي وماحصلت رصيد فجاه اسمع رساله واصله لي وشفت رصيد من رقم غريب
استخدمته طبعا وبعدها بفتره عبيت عشان ارجع رصيد وطلع لبنت بس رجعتلي اياه مرتين تفكرني اني غلطانه راسله رصيد المهم خبرت اختي واتصلت فيها وفهمتها المهم في الاخير لرصيد رجعته ......ههههههه
طبعا مو مثل صاحب القصه البخيل

عجبني طابع الفكاهي الي تحوية القصه فقط لا غير

[حبي خالص]

ههههههههههههههههههههههههههه قصصك يا فكاهيه يا انك تطلع شرير رقم واحد ههههههههههه
جميله القصه استاذي
اسميها الحرمه طلعت ذيبه
لو انا مكانها بقوله بدل ال5 ريال رجع 10 والا بدعي عليك ههههههههههههههههههههههههههههه امزح

يعطيك العافيه استاذ

[عملاق الشعر]

رايق البال

ههههههههههههه قصة رائعة ويا كثرهم هالنوع من الشباب "إتكاليين"
لو عنك ازيده واخلي يدفع قيمة العشى ههههههه


سلمت يداك المبدعة استاذي

[رايق البال]

قصه جميله
سلمت الأنامل
تحياتي لك

بنت
تسلمي والله
الف شكر لمرورك وتعليقك اللي اسعدني .. كل الود لك مني

[روح الحلا1]

قصة جميلة استاذي،،
زين سوت فيه الحرمة عشان يبطل هالبخل،،
البخل صفة ذميمة، حاولوا تنصحونه..
تسلم استاذي على قلمك الراقي..

[رايق البال]

هههههه
كل العاده قصصك لا تخلوو من الفكاهه ربي يديم لك السعاده
نواره
هههههه تسلمي والله
الف شكر لمرورك وتعليقك اللي اسعدني .. كل الود لك مني

[تباشيرالأمل]

ههههه والله انك مروق على اﻷخر
طلعت شيب براس المسكين
هه مامداه يتهنى بها
الله لايبتلينا بالبخل
مشكور أستااذ رايق

[بدر الدجى]

هههههههههه
أسميها ذيبة طلعتهن 5 ريال م عينه وطلع البخل ههههههه
جوله تصدق والله بيعضوك خير ورزج

[رايق البال]

السلام عليكم

جميله هي جمعت الاصحاب..عسى الله لا يفرقكم

كنت هنا
ابن مذحج
هلا وغلا فيك .. وينك انت؟
الف شكر لمرورك وتعليقك اللي اسعدني .. كل الود لك مني

[رايق البال]

الله لا يفرق بينكم..
وقول لصاحبك الله يذكره بالخير ترا الدنيا مستاهله خل يتنازل عن البيسه طشه قليل ههه ما يسوين تراهن
ربي يحفظك استاذي..
لا عدمنا جديدك وفكاهتك الجميله
ودي

زهر
ههههههه تمام ولايهمك
الف شكر لمرورك وتعليقك اللي اسعدني .. كل الود لك مني

[umalazher]

ههههههه والله حالة

[القيصـــــر]

ههههههه
كالعاده كل مره يطلع لنا كرت من كروت مشاكل رايق
هيش فيك على الريّال أسميك مشكله نعم اللي يطيح فإيدك
أستمتعت جداً بقراءة ما خطته أناملك من سرد راقي
وفي إنتظار كرت آخر من مشاكل رايق ههههه
تقبل مروري المتواضع

[رايق البال]

ههههههه يا فرحة ما تمت
عسى يقول توبة ويبطل بخل هههههه
عيل كنتم بتخدموه خدمة لو تعشيتوا وخليتوا الحساب عليه .. العالم الله بتضربه حمى وعلى طول على السلطاني ههههههه
الله يديم الربعة والأخوة بينكم أستاذي
قصة جميلة جدا جدا بنكهة رايقية حلوة جدا
عشت جوها وقلبي فاطس ضحك
تسلم الغالي رب يخليك أسعدت قلوبنا بقلمك الجميل الروح

سعيد
والله عندك حق اظن للسلطاني على طول كان بنوديه لو دفع حساب العشا هههههههه
الف شكر لمرورك وتعليقك اللي اسعدني .. كل الود لك مني

[رايق البال]

هلا فيك أستاذ
كالعاده قصه رائعه ولا تخلوا من الفكاهة
سرد جميل للقصه يعطيك العافيه..

نديم
الف شكر لمرورك وتعليقك اللي اسعدني .. كل الود لك مني

[رايق البال]

ههههههههههههههههههههههههههههه رحمته :) "
قصه رآئعه ،
شكراً على الطرح :) "
الشيخه
هههههه تسلمي والله
الف شكر لمرورك وتعليقك اللي اسعدني .. كل الود لك مني

[رايق البال]

صباااح ورد اريج***

***هههههه..يا ربي الله يكون في عونه..يا سبحان الله***

***ع فكرة هذا الموقف انا صار لي مرتين..يرسلووا لي رصيد.بالخطاء طبعاا..مباشرة بدون تفكير يتم ارجاع الرصيد***

***قصه هاائلة ..وجميلة جداا***

***الف تشكرات لك ايهاا الكريم***

***وباارك الله فيك***

قايد
ههههه تسلمي والله
الف شكر لمرورك وتعليقك اللي اسعدني .. كل الود لك مني

[رايق البال]

ههههههههههههه.. بتجمل بحلال غيره انا ودي اشوف وجهه كيف لونه يوم اتصلت عليه الحرمة وقالت رجع الرصيد .... ههههه
قصة رايقة ككاتبها
على فكرة انا من الناس اللي ما أماشي البخيل ولا أعاشره لانه يغثك ( وجة نظر )
البخل صفة يكرهها الله سبحانه
شكرا على القصة الجميلة كنت اقراها وانا اضحك .. هههه
حمد
تسلم والله وكلامك صحيح عن البخل بس شو نسوي ترا صاحبنا ولازم نتحمله هههههههه
الف شكر لمرورك وتعليقك اللي اسعدني . كل الود لك مني

[رايق البال]

ههههههههههه
مسكين

سبحان الله انا صارت معي بس بطريقه غريبه
اذكر اني كنت محتاجه لرصيد ضروري عشان استفسر عن حاجه من ربيعتي وماحصلت رصيد فجاه اسمع رساله واصله لي وشفت رصيد من رقم غريب
استخدمته طبعا وبعدها بفتره عبيت عشان ارجع رصيد وطلع لبنت بس رجعتلي اياه مرتين تفكرني اني غلطانه راسله رصيد المهم خبرت اختي واتصلت فيها وفهمتها المهم في الاخير لرصيد رجعته ......ههههههه
طبعا مو مثل صاحب القصه البخيل

عجبني طابع الفكاهي الي تحوية القصه فقط لا غير
الحان
حلو والله من استفدتي منه رجعتيه هههههههه
الف شكر لمرورك وتعليقك اللي اسعدني .. كل الود لك مني

[رايق البال]

ههههههههههههههههههههههههههه قصصك يا فكاهيه يا انك تطلع شرير رقم واحد ههههههههههه
جميله القصه استاذي
اسميها الحرمه طلعت ذيبه
لو انا مكانها بقوله بدل ال5 ريال رجع 10 والا بدعي عليك ههههههههههههههههههههههههههههه امزح

يعطيك العافيه استاذ
حبي خالص
ههههههه تسلمي والله
الف شكر لمرورك وتعليقك اللي اسعدني .. كل الود لك مني

[رايق البال]

رايق البال

ههههههههههههه قصة رائعة ويا كثرهم هالنوع من الشباب "إتكاليين"
لو عنك ازيده واخلي يدفع قيمة العشى ههههههه


سلمت يداك المبدعة استاذي

عملاق
هههههههه تسلم والله
الف شكر لمرورك وتعليقك اللي اسعدني .. كل الود لك مني

[رايق البال]

قصة جميلة استاذي،،
زين سوت فيه الحرمة عشان يبطل هالبخل،،
البخل صفة ذميمة، حاولوا تنصحونه..
تسلم استاذي على قلمك الراقي..

روح
مانفع النصح معه للأسف ههههههه
الف شكر لمرورك وتعليقك اللي اسعدني .. كل الود لك مني

[رايق البال]

ههههه والله انك مروق على اﻷخر
طلعت شيب براس المسكين
هه مامداه يتهنى بها
الله لايبتلينا بالبخل
مشكور أستااذ رايق
هدوء
ههههههههه تسلمي والله
الف شكر لمرورك وتعليقك اللي اسعدني .. كل الود لك مني

[نـــــــقــــــــاء]

قصة جميلة وطريفةالله يعينه .... أكيد ضربته حمى

[رايق البال]

هههههههههه
أسميها ذيبة طلعتهن 5 ريال م عينه وطلع البخل ههههههه
جوله تصدق والله بيعضوك خير ورزج

سوسو
هههههه تمام ولايهمك
الف شكر لمرورك وتعليقك اللي اسعدني .. كل الود لك مني

[رايق البال]

ههههههه والله حالة

ام الازهر
ههههههه تسلمي والله
الف شكر لمرورك وتعليقك اللي اسعدني .. كل الود لك مني

[رايق البال]

ههههههه
كالعاده كل مره يطلع لنا كرت من كروت مشاكل رايق
هيش فيك على الريّال أسميك مشكله نعم اللي يطيح فإيدك
أستمتعت جداً بقراءة ما خطته أناملك من سرد راقي
وفي إنتظار كرت آخر من مشاكل رايق ههههه
تقبل مروري المتواضع

عابر
ههههههه حرام عليك ياخي
تسلم والله اخي العزيز
الف شكر لمرورك وتعليقك اللي اسعدني .. كل الود لك مني

[رايق البال]

قصة جميلة وطريفةالله يعينه .... أكيد ضربته حمى

نقاء
تسلمي والله
الف شكر لمرورك وتعليقك اللي اسعدني .. كل الود لك مني