((((((( محتاجة كلــــــــش الك ))))))

[نسر البوادي]

محتاجة كلــــــــش الك
من اشعار شهد الشمري


محتاجه كلش الك يل الشاغل انت الفكر

محتاجه الك مو حجي وارتاح من ينذكر

هنياله من كابلك يا أحلى صورة شعر

محتاجه ألك ماتجي ماباقي شي بالعمر

زعلان؟ ليش الزعل زعلان انه اعتذر

بس ارجع لخاطري صير على نحري

عطر

صير على جفني كحــــــــــــــــــــــــل

حليني بين السمر تعبني ذرف الدمع

بس ماطفالي الجمر بركان في داخلي

ويا خوفي لا ينفجر شمأخرك ماتجي

مــــــــــــاظل الك كل عـــــــــــــــــذر

اهلال جرحك كمل اي كمل واصبح بدر

صدكني حيل اتعبت حبك عسر مو يسر

اترجيت وتوسلت بيك شكثر و شكثـــر

مافاد بيك الرجه وجبرتني لهل امـــــر

ما بعد اضلن شهد خليك مني حذر

واحجيهه لاتستحي كول انت طبعك

غـــــــــــــــــــــــــــــدر

حبك تحية صبح ماتلفض بالعصر

روح وبعد لاترد شي عادي صار الهجر

الماعرف معنى العشك مابعد احطله كدر

جانت درجتك الف بس هسه صارت صفر

مشكور سهمك

مشكور سهمك وصل مشكور ماقصرت

مو انت اول جرح كبلك جرحني الوكت

وجنت اطمع بطيبتك وانت بدموعي طمعت

وانه اتخذتك اخو جا ليش بيه اخذلت

وتكول عني اخطئت فهمني بيش اخطئت

واحسبني اخوك وخطأ تخسر لون سامحت

وانه اعتذرت شكثر عالماكو وتوسلت

وطخيت الك هامتي وبزايد تكبرت

لتصير غيمه بسمه يلي بدليلي اثبتت

ومن دون ربح وطمع منك شفتني طلبت

شمعه انه في رقتي وبطيبك تلذذت

تحركني نارك حرك وكبال عينك ذبت

هلبت كسر خاطرك حالي وعليه شفقت

ادري بظميرك عدل معقوله انت المتت

معقوله كلبك جلد وبطيبك انه وهمت

ضليت اشك بالعقل بس بيك ماشككت

خليني احس بالالم بس كونك انت فرحت

ادري الزمان اضلمك وبراسي راسك خذت

ولهسبب عاذرك حاسبني اخوك ومنت

ماحسبتني انذبح ادريك ماحسبت

لو حسبت جا كلت هسه انتة ليش عركت

يل تستحي من الهوه لو كابلك دنكت

وهذه الكتلني قهر بس بسهم نيشنت

وبجرئه صبت الهدف لمن عليه سددت

مشكور سهمك وصل مشكور

نسيتك

نسيتك اي نسيتك وانتهى الشوك

وبهاي القصيده اتذكريتك

امس باجمل قصايد جنت اناغيك

ودلال اطفال بيهن دلليتك

الف كلمه احبك كاتبه عليك

وكتبت اليوم عنك بس هجيتك

فوك الراس شلتك شفتك انسان

ورميتك من فلا تسوه لكيتك

دفتر حسبيتك منكتب بيك

جنت مااشوف لمن صفحيتك

اثاري بورقتك كتبوا دواوين

وانه اخر ظرير الي اشتريتك

اسود من ضميرك ثاري ماضيك

وبمرود مذلتك كحليتك

منك ماخذت عكس المشه وياك

خذت من روحي راحتهه ونطيتك

جنت لمن تحس تجويني ترتاح

وانه المستعره ناري وماجويتك

وجنت يوميه تعشك واحد اثنين

وعلى الحبوني كلهم فضليتك

ما نادم هجرتك جان مفروض

كبل كلشي الخلص تخلص قضيتك

[نوارة الكون]

سلمت يمناك اخي
انتقاء جميل وتواجد اجمل
دمت في حفظ الرحمن ورعايته

[نسر البوادي]

نواره تسلمين اختي مرورك اسعدني ياذوووق

[حبي خالص]

نص رائع أخي
يعطيك الله العافيه وكلك ذووق

[نسر البوادي]

تسلمين اختي حبي خالص مرورك العطر اسعدني
وكلك ذوووق ياذوووق

[أميرة الروح]

مبدع أخي في أختيارك
بارك الله فيك ووفقك وسدد خطاك

[نسر البوادي]

اميره الروح مرورك اسعدني ياذوووق يعطيك الف عافيه

[الصممت هيبةة]

نص جميل.
دمت بخير..

[روانـــــووو]

طرح جمييل نسر .. يعطيك العافية

[نسر البوادي]

تسلمين اختي الصمت هيبه مرورك الرائع اسعد ني
يعطيك العافيه

[نسر البوادي]

تسلمين اختي ميران القمر مرورك الرائع اسعد ني
يعطيك العافيه