انا ماشفت نفسي يوم لأني من خلق من طين

[نوارة الكون]

انا ماشفت نفسي يوم لأني من خلق من طين






انا ماشفت نفسي يوم لأني من خلق من طين
ولو اسمي وصـــل عالي بظل اللي عرفـتـيـنـي ..


ولـكن للأسف هـــانت ليـالـيـنـا بغـمـضـة عين ,
وعلى الفرقــا من اسبابك نعم انتي جـبرتـيـني ..


تـوصيـتي بـطـعـناتـي وبـعـد ماتـنـزف السكين
وقبل لا ألـفظ أنـفاسي على نفسي توصيني!


دخـيلك قـلـبـي الـوافي تـخليـنه ولا تــطرين ..
و راس اللي تـحـبـيـنه تصدي عن مدى عيـنـي ,


وصلـتي حـق نـهـاياتي وشاللي بس بقا تـنهين
وعلى مــا اظن ما بـاقي ولا حاجه تـحس فيني


مــدام انك تحـبينـي و بـنـفس الوقت ماتـوفـين !!
ومدام انك وفـيتي له و بـنفس الوقت خـنـتـيـني


وشاللي بس تحسينه؟ إذا انتي كنتي تحسين
تــحبـيـني و تـحـبـينه ..!! تـحـبيـنه و تـحـبـيـني !!


حـضـنتي قلبي و نمتي و على صوتي انا تـصحين
و إلامــنك تـمللتـي تـحـضـنـيـنه و تــمسيــنـي ,,,


مُـحال تـصيـر في الدنيا بـشر في داخله { قـلبين }
تـبينه بـقلب و فـي قـلبك بـعـد قـلب يـناآاآديـني !


انـا ماآابـيك لو انك عـلى الـفرقـــا ( دهر ) تـبكين
صعـب ارضـي بـنـزواتـك ولــو حـتـى بـغـيـتـيـنـي ..


ثـــلاث سنين أو أربــع وكاد انــها كـثيـر سنين ,
بـعـد هذا العـمـر كـله على ايامي صـدمـتـيني !!


بعد لا تــنـطـقي بكـلمه رجيتك اسكتي تــكـفين
اخــافك ان تـكـلمتي خطا بإسمه تسمـيني


واذا مــــره ذكرتـيـني مـع الايام تـبـتـسـمـين
و يـبقى لك مثل ذكـرى جمـيله لا ذكـرتـيـني !


كــثير اللـي يـتـمـنونـك واكـيد انك تبي تـلقين
و انسي يــوم ما انتي تــمنيـتي و لـقـيتـيني


انا وش جابــني لـ/دربك انا وين وغرامك وين ..؟!!
انـــا اكــبر من عـيوبـك , و عـيب انك عـرفـتـيـني


وانـسي انك ذبـحـتيـني وامانه ادفـني السكين ..,
وعلى قبري بدال اسمي ابي كلمة ( خسرتيني )

[ايس كريم]

صح لسااااااااان شاعرها ولاهنتي

[حبي خالص]

الله عليك عزيزتي
اختيار رائع
يعطيك الله العافيه

" نص يستحق النجوم الخمس "

[أميرة الروح]

نص جدا رائع
تسلمي عالانتقاء كلك ذوق

[الشيخه الفلانيه]

،



قصيده جميله
كُل آلششكرْ عَ آلأنتِقآء
يعطيكِ آلله آلععآفيهً :) !

[رايق البال]

هلا فيك نواره ..
نص واختيار ولا اروع كما تعودنا منك
الف شكر لجهدك واختيارك وتفاعلك الجميل
طابت مساءاتك ..

[نوارة الكون]

صح لسااااااااان شاعرها ولاهنتي
يسلموعالمرور

[نوارة الكون]

الله عليك عزيزتي
اختيار رائع
يعطيك الله العافيه

" نص يستحق النجوم الخمس "
اسعدني مرورج اختي
دمتي في حفظ الرحمن

[نوارة الكون]

نص جدا رائع
تسلمي عالانتقاء كلك ذوق
اسعدني مرورج اختي
دمتي في حفظ الرحمن

[نوارة الكون]

،



قصيده جميله
كُل آلششكرْ عَ آلأنتِقآء
يعطيكِ آلله آلععآفيهً :) !



اسعدني مرورج اختي
دمتي في حفظ الرحمن

[نوارة الكون]

هلا فيك نواره ..
نص واختيار ولا اروع كما تعودنا منك
الف شكر لجهدك واختيارك وتفاعلك الجميل
طابت مساءاتك ..

اسعدني مرورك استاذي
دمت في حفظ الرحمن