الـخـافـيات إمن الهوى أسراره
الـوجـه نـفـسه والـقلـوب كــثار

جتني في ثوب الفاضلة المختاره
أهـفو إليــها مـن دون مـا أحــتار

عنــوانــها درب الأمــل مســياره
هـاض الشــعور ويـمّها قـد سـار

تـــرمي مـحاســنــها رمي ســناره
حـــتى وقــع يــاللي عـليـــها دار

يـجذب لـهـا مـن مهـجته أشعاره
محــفــوظــةٍ والــسر في الآبــار

متــأملٍ والـــبرد حـصل نــاره
تــنزف مشاعـر مـا عـليها غبار

هذا الأمـل والجـد زاح سـتاره
ذاب الشـمع يوم إكتوى بالنار

الغــالي اللي مـاخــذ الــدّواره
دامه رسب مسموح م الأعـذار

كان الرجاء يكمل معي مشواره
حـتى رجــع مـن أول المــشوار

قلبي الهشيم اللي إشتعل بشراره
تـوّه إسـتـلم مـن غـدرهــم إشـعار

بعـض الـبشر إلسانـهم منـشاره
وتــجاهــلك مـلــجام للــثرثــار

ولّي تـطاول يــلـتزم بــحـضاره
مـن قــبل مـا يكـتب عليه العار

بعض الطيور شجاعنه ع صغاره
أما اللحـــم يــحرم على المنـقار

دام الــتقي اللـه رفــع مـــقداره
مــالك ومـال الـعــبد والأحــرار

الحب عـند البـعض كـنه تـجاره
وقــلوبـــهم إبــيوت للإيـــجار

قـديمي والجديد إنتِ!!
مدام إنك مسحـتي ذاكرة ماضي
وغيـرتي
قناعاتي إتجاهاتي
وأفكاري
وصرتي وجهة أشعاري...

معاها ذابت الأسماء،،
ولابه إسم ما تحويه،،
جمعتيهن خذيي ما يليق بوجهك وطبعك،،
نثرتيهن مزجتي سهلك وصعبك،،
وصرتي غايةٍ أسمـى،،
كأنك للـحياه الـماء..

وقفتي للـعمر حتى،،
رجع لي وحسبه قفّى،،
أبي أهديك أشعاري ومعاك الشعر ما وفّى،،
لأنك أجمل وأنقى،،
تروح وطيفها يبقى،،
ي طيفٍ ما ترك فرصة لتفكيري
وقبـلك ما قـدر غيرك ع تغيـري..

منار الحسن وجهاته ودلالاته،،
طريق الود راياته ومتاهاته،،
شموخي وطبعي الهادي كسرتي
هيكل إعداده،،
جمحتي بالشعور اللي
لجامه قبضة الفارس،،
رغم إنه..
أصــيل وعفّـته حارس،،
يموت ولا ثنى نفسه لرغباته،،

وجيتي بحسنك وطبعك
وأنا جيتك شعورٍ ما يحب الزيف
خذيـتيني
إلى أبعد من أحلامي،،
خذتـيني
حكايه لحبنا السامي،،
وصرتي لي(ملاذ الشوق واللهفه)
وشيٍ ما قـدر شعري على وصفه..
وغيّـرتي
قناعتي إتجاهاتي وأفكاري..
رفعتي سقف آمالي وأحلامي....