يا حاطب جذوع السمر في ليل بــرده زمـهـريـر
تحطب تدور عن دفا بس الحطب نـصـفـه حياه
اشـــبـهـك باللـي مـشـى دربه ولـكـنـه* ضــريــــر
من وين ما تسوقه القدم حط قدمه وعنى عصاه
البارحه يــوم الـمـطـر لـوح لك فـوقـتـه الأخــيـر
وصديت ما كن المطر طهره غسل قــلـبـك بـمـاه
كان العطش ما يقتل اللــي مـنـزله جـمـة غـديـر
نفس الغديــر اللي نــزلته باق من (احمـد) وعـاه
ابغي استشير وليتني قـبـل استشيرك يا مـثيـر
حصنت نفسي بالذي ملكه شمل ارضـه وسـمـاه
كان المحبه تهدي للأحباب ف الـغـيـبـه سـعـيـر
ابــــشـرك هالــريـح لـو هـبـت تـهـب كـل اتـجـاه
بس اعطني ربع الذي خذته وانا اعطيك الضمير
قلبي اذا جاد وعطى ما يـتــلـي مداته و عــطـاه
والـــحب بـيـر وكـل مـنـا للــعـــشـق وراد بـيـــر
لكن من تروي تــــــــذكـر صــكـر الـبـيـر بـغـطـاه
انا رحــلـت ورحلـتـي زاد وزنـــاديـــن وبـــعـيـر
ومن وين ما حليت فالصحراء اقم فرض الصلاه
يا حاطب جذوع السمر في ليل بــرده زمـهـريـر
تحطب تدور عن دفا بس الحطب نصفه حـيـــاه
2/6/2020/س1:02م
أحمد المعمري فلك
