أن شان الوقت ابدي له ابتسامه
من عادتي اصبـر ماني جـزوعي
ماني من اللي ما تشيـله عظامه
بداخلي شموخ بالموقـف يفوعي
موتـت خفـوق ولا هـدر الكـرامه
وش يسـوى قيمة بحياه الخنوعي
الله وهـب لي هامـه فـوق هـامـه
وسمو الذات ما يرضى بخضوعي
تدري وش ميـّز حرار عن نعـامه
اصلن واحد بس فـرق الطبــوعي
دونت لك عتاب والحرف عـلامه
وبينت لك مبـــدأ لفكر ٍ قنــوعي
وضحت لك وأبيك تفهم يا تهـامه
ليتــك من كلمتي تفهــم وتــوعي
وعيب على رجال ما يتمم كـلامه
ان اقفى ما رســم خـــط رجــوعي
ويالله اغفر لي في يــوم القيـــامه
واختم لي بسجدة لحظة خشـوعي
وسلامة نواظركم ,,, ودامت ايامكم خير وسعادهــ
