(((((( انثر على خدي من الدمع وانوح )))))

انثر على خدي من الدمع وانوح
لين المدامع جف ماهن وباحن

ومشاعري من شان لاصير مفضوح
اكذب على نفسي واقول استراحن

اهدي اعصابي وانا افور وافوح
لوفوقي الدله والابريق فاحن

لني فقدت الروح مع توأم الروح
اغلى ثلاث(ن) في حياتي وراحن

راحن وباب القلب للحزن مفتوح
والنوم عن عيني دروبه تناحن

ورثت من مرواحهن عشرة جروح
اسكت وهن سكوت ون صحت صاحن

والى لزمت الصمت ماودي ابوح
تجردن من صمتهن واستباحن

يال النصيب اللي كتب لي على اللوح
علقتهن بين المحاجر وطاحن

طاحن ويوم الظل ميل على الدوح
كن الحمايم في ضلوعي تلاحن

ياكسرة الخاطر وياقصرة الشوح
ضحيتين الحرب والحرب طاحن

قفن عن عيوني بروق(ن)لهن ضوح
واتلا العهد في شوفهن عقب لاحن

زينة حياة, ونصف دين, وغذا روح
اغلى ثلاث(ن) في حياتي وراحن

انتقاء جميل جدا
بارك الله فيك

تسلمين اختي اميره الروح مرورك العطر اسعدني ياذوووق

قصيده جميله مثل مآ عودتنآ أخي نسر
كل الشكر علىَ آلطــرح
يعطيك الله العافيه :)'

ابدااع متواصل أخي
لا خلا ولا عدم رقي ذائقتك

" نص يستحق النجوم الخمس "

الشيخه تسلمين اختي مرورك اسعدني كلك ذوووق

تسلمين اختي حبي خالص مرورك العطر اسعدني
وشكرا على تزيينك الصفحه بالنجوم الخمس وكلك ذوووق