يالغاااافري من وين لاوين
وصل الغلا اصبح قطيعه
وتبدلت كل العنااااوين
وضاقت على نفسي الوسيعه
ياسعيد عذبني هوى الزين
اللي سلب قلبى وديعه
عشت بغرامه سبعة سنين
ماشي على امره واطيعه
وجافيت انااا كل المزايين
لاجله ونفسي. ماتبيعه
بوجادلن ع الخصر طاقين
غطي على خصره جميعه
ورمشن على نهابة العين
ارماح جيش فى الطليعه
وفى مبسمه ياسعيد شفين
مشمش على عناب ضيعه
وله فى جميل الوجه خدين
اجمل من ازهااار الطبيعه
ماهو بشر مخلوق من طين
سبحان من سوى صنيعه
حنا على وصله مواااافين
لو طالت ايااام القطيعه
لان الوصل ياصاحبي زين
والصد والجفوه شنيعه
