تعال و شوف مجنونك على رمضى الهوى حافي

تعال و شوف مجنونك على رمضى الهوى حافي
***
حبيبي يا بعد كلي انا مشتاق لعيونك
انا مشتاق يا عمري أعانق همسك الدافي

وحشني صوتك بكلمة صباح الخير وشلونك
صباحك نور يا عمري عسى نومك على أطيافي

ترى دنياي ما تسوى أعيش أحلامها دونك
تشوف الكون وش كبره بدونك صار ينعافي

ملامح وجهي تفضحني بها ربعي يشوفونك
أحاول أخفي اللهفة وتبين بدمع ذرافي

مابين الدم وعروقه تفوح أشواق مفتونك
تجول بداخلي كلي مابين الجسم وأطرافي

حبيبي غوص في جوي و انا ببحر على مزونك
على متن الوفاء نبقى وتبقى يا غلا وافي

ربيع الشوق لك نادى تعال و شوف مجنونك
تعال و شوف مجنونك على رمضى الهوى حافي

دخيلك يا بعد عمري انا مشتاق لعيونك
انا مشتاق يا عمري أعانق همسك الدافي

هلا فيك ورد ..
اختيار جميل ومميز كما تعودنا منك
الف شكر لجهدك واختيارك وتفاعلك الجميل
طابت مساءاتك ..
( نص يستحق النجوم الخمس)

سلمت يمناج اختي
انتقاء جميل وتواجد اجمل
دمتي في حفظ الرحمن ورعايته

اختيار جميل ورد
يعطيك الله العافيه

نص رائع جدا
بارك الله فيك

ورد القرنفل ابيات فاقت الروعه وانتقاء اروع واجمل ياذوووق
يعطيك العافيه اختي

قصيده جميله
شكراً لَـ هذه الذائقه
يعطيكك الله العافيه :)'

اقتباس:

---

المشاركة الأصلية كتبت بواسطة رايق البال

هلا فيك ورد ..
اختيار جميل ومميز كما تعودنا منك
الف شكر لجهدك واختيارك وتفاعلك الجميل
طابت مساءاتك ..
( نص يستحق النجوم الخمس)

---

هلا فيك استااذي...
اسعدني مرورك الرائع
كلك ذووق
تحياتي،،

ورد القرنفل طرح جميل جداً
سلمت ِ ( إختيار عذب )
تحياتي لك ,,