مدري بصراحه وش اللي فيك يجذبني

مدري بصراحه وش اللي فيك يجذبني
صمتك .. هدوءك .. شموخك أو معاناتك

~•*•~





في كل صفحة غلا ألقاك تكتبني
واصير.. أنا لغز حاير ..بين ابياتك


~•*•~


إن جيت يمك عطش بالحب تشربني
ليلٍ سهرته ..يذكرني ..بنجماتك


~•*•~


أن قلت اببعد سحر عينك يقرّبني
عمري ..ابتدا بين نبضاتك.. ونظراتك


~•*•~


تدري شعورك فرح أو حزن يعجبني
بعثرتني.. بين بسماتك.. ودمعاتك


~•*•~


فرقاك فيها دموع العين تغلبني
ياليتني ..غيمةٍ واعشق.. مسافاتك


~•*•~


وامطر على درب قلبك يامذوّبني
واصير غصنٍ.. حياته دون ..لمساتك


~•*•~


أهجر .. تغلّى .. بكيفك .. صد شيّبني
أصلا شبابي.. عرفته بعد ..لحظاتك


~•*•~


وتصدق اني لمحتك يوم ..تسلبني
لكن تركتك .. عجبني نوع.. سرقاتك


~•*•~


ناي الهوى صار وسط الروح يطربني
صوّرت ذاتي سفينه .. في بحر ذاتك


~•*•~


لك في ضلوعي يدين الشوق تحطبني
يروق جو المسا ..مع طيب نسماتك


~•*•~


ماودي اكذب .. خفوقي فيك تعّبني
مدري وش اسمي.. غرامي في حكاياتك؟


~•*•~


إن كان هذا عذاب .. ارجوك عذبني
وان كان حبي غلط .. يازين غلطاتك

أهلا بك أخي
نورت بتواجدك

اختيار رائع وذوق راقي
يعطيك الله العافيه

" نص يستحق النجوم الخمس "

سلمت يمناك اخوي
انتقاء جميل وتواجد اجمل
دمت في حفظ الرحمن ورعايته

نص رائع اخي منور القسم بطلتك
بارك الله فيك
بأنتظار المزيد من أبداعك

نص جميل 50 بيسة
تسلم

وتصدق اني لمحتك يوم ..تسلبني
لكن تركتك .. عجبني نوع.. سرقاتك

ههههه .. قصيده جميله أخي
يعطيك الله آلعافيه :)'