بدأت أحداث قصتنا عندما ولد بطلها عام 1898
طلع على الدنيا وأحبه الجميع صغار وكبار
كان أسمراني اللون وطيب القلب
اكيد عرفتوه
ملف مرفق 17185
في مطلع عام 1898 ولد السيد بيبسي
ودارت الايام تلو الايام وكبر السيد بيبسي وكبرنا معه
وصار عنده أخوان وخواتن طخمان
في أحد الايام كان البيبسي تعبان شوي طاقته سخونه وانفلونزا وارتفع عنده الضغط وفايرتن غازاته
راح للمستشفى بيشوف وش علته وراح للاستقبال واخذ رقم وجلس بغرفة الانتظار
التف يمين ولا ذيك الطخمه الي لونها برتقالي طاقتن الكعب
وماغير يسمع صوت الكعب يصقع بالبلاط
وقفت الطخمه البرتقاليه من بعيد والسيد بيبسي كنه بدا يخق
بدا الشيطان يحوس في راسه يبي يرقمها باللبلوتوث بس تعوذ من الشيطان وتذكر انه برمضان ولا كان يخربها
ماقدر السيد بيبسي يتحمل ان يشوف كل هالجمال ويسكت خصوصن ان ميرندا تخقق
فخربها ودخل عرض و سألها :سلامات وش جابك عند الطبيب
ميرندا الطخمه: ابد والله بس فيتامين سي متعبني من وصف لي اياه الطبيب الله لايوفقه وانا اعاني من آثاره الجانبية
سيد بيبسي: سلامتك عسى ما الوجع قوي
الطخمه ميرندا: لا بس دايما ارجع
السيد بيبسي : الله يجعلك ماتشوفين شر طهور ان شالله
الطخمه ميرندا: الشر مايجيك
وطقوها سواليف لين ماجى دور السيد بيبسي يدخل عالطبيب
وقبل لايدخل قال للطخمه ميرندا ممكن اشوفك مرة ثانية؟ <<< خربها
الطخمه ميرندا : متى؟ << ماصدقت خبر
السيد بيبسي : الليلة
الطخمه ميرندا : اسمح لي ما أقدر
السيد بيبسي : أفا ليش؟
الطخمه ميرندا : الليلة عمتي بينتهي تاريخ صلاحيتها ونبي نكون كلنا عندها نودعها
السيد بيبسي : أها احسن الله عزاكم مقدما
الطخمه ميرندا : طول الله تاريخ صلاحيتك
السيد بيبسي : الله يسمع منك يارب طيب متى نشوفك ونعزيك << مسوي ذكي
الطخمه ميرندا: خليها بعد العزاء أحسن
السيد بيبسي:على راحتك
_______________________________________
وجاء الموعد المرتقب وتواعدو في ثلاجة بنده
ودار بينهم الحديث التالي
السيد بيبسي: ممكن أسأل سؤال وتجاوبيني عليه بصراحة؟ وبدون زعل
الطخمه ميرندا: تفضل
السيد بيبسي: معقوله كل هالجمال وماتزوجتي للحين ياترى وش السبب؟
الطخمه ميرندا: حكم القوي عالضعيف
السيد بيبسي: شلوون ؟
الطخمه ميرندا :قصة قديمة
السيد بيبسي : ممكن أعرفها
الطخمه ميرندا :آآآه يابيبسي قلبت المواجع
قبل سنة تقريبا عشت قصة حب مع بيبسي مكينة وجا لاأبوي عشان يخطبني
لكن أبوي عيا
وقال مانزوج بناتنا لعيال المكاين
وقام وحجرني في ثلاجت بيتنا علشان ماطلع واشوفه
السيد بيبسي: آسف قلبت عليك المواجع و ذكرتك بالماضي
الطخمه ميرندا: لا عادي خذ راحتك تذكرت لو ماتذكرت هذا الماضي موجود وماراح ينتسى
السيد بيبسي: ليش؟ ان شاء الله يجيك اللي ينسيك هالماضي
الطخمه ميرندا: تعبت وانا انتظره والظاهر اني بعنس ويطق عمري اربعين ماشفته
السيد بيبسي: انتي تشوفينه قدامك الحين
الطحمه ميرندا: منهو؟؟ <<<<< تستهبل
السيد بيبسي : أنا..تقبلين تتزوجيني ياميرندا؟
الطحمه ميرندا: هاه << دلع بنات
السيد بيبسي: انا تقبليني زوج؟
الطحمه ميرندا:روح اخطبني من ابوي <<< ماصدقت خبر
السيد بيبسي: ان شاء الله
_____________________
اتصل على ابوها واخذ موعد انه يشوفه عشان يخطب بنته
وراح لهم وشربوا القهوه << قهوه وبيبسى خخخخخ
السيد بيبسي: طالب يد بنتك
ابوها:لنا الشرف ياولدي بس لازم نشاور البنت
السيد بيبسي: شاور ياعم وخذ راحتك منتب لاقين مثلي<< مسوي واثق
وافقوا على الزواج واتفقوا على الملكه وكلشي
والزواج يبي يحطونه بثلاجه جيان
تم الزواج وكان فيه حضور كبير ومن بينهم سفن آب وميرندا فراوله وبايسن وحضور كبيير مشالله
وقررو انهم يسافرون شهر العسل لثلاجات دبي
وسافروا واستانسوا ورجعوا
وبعد ست شهور أكتشف إنها حامل
وفرحوا فرح كبير وتشقق وجه بيبسي من الفرحه لأنه بيجي ببسي وإلا ميرندا صغنطوط وبيقول لهم ماما وبابا
جات وقت الولاده والبيبسى كان خاااايف وجت الممرضه وقالت له:
مبروووووووك جاتك ميرندا صغنونه
مع انه ماجازله الوضع بيبسي ويبي ولد يشيل اسمه عقب ماتنتهي صلاحيته
بس رضى بالامر الواقع واكل تبن
وعاشوا حياه سعيده وبعد سنين تحققة امنية بيبسي وجاهم بيبسى صغنون بعد
وانتهت القصه وعاش السيد بيبسي ومرته ميرندا حياة سعيده
هههههههههههه
