الارز بالكفته

http://1.bp.blogspot.com/-wETCsYb3Ts...8%B1%D8%B2.jpg

المقادير:
كركم لـ الوجه
لـ الكفتة نص كيلو دجاج مفروم
حبة بصل
2 م ك طحين
2 فص ثوم مهروس
كزبرة طازجة بقدونس طازج
فلفل أسود مطحون
كمون مطحون
كزبرة مطحونة
دارسين مطحون
ملح
لـ سوس الكفتة:
حبة بصل نص حبة فلفل بارد
4 حبات طماط
2 فص ثوم مهروس
4 م ك معجون طماط
شوية ماي
مكعب ماجي
فلفل أسود مطحون
كمون مطحون
كزبرة مطحونة
دارسين مطحون
ملح
لـ الرز: 3 ك رز مااي لـ السلق زيت ملح
طريقة التحضير:
لـ الكفتة: نقصص البقدونس والكزبرة والبصل .. نهرس الثوم نخلط كل مقادير الكفتة مع بعض طبعًا ممكن تضيفون أي بهارات تحبونها لـ الكفتة وممكن بعد تستخدمون الجاهزة للكسولات اللي ما يحبون التعب عشان نتأكد من طعم الملح والبهارات لازم نسوي هـ الحركة أنا اسويها إذا كنت بـ اسوي برجر أو كفتة حطو شوية زيت بـ الطابي .. وحطو نتفة من خليط الكفتة ما ياخذ وقت كلها دقيقة إلا اهو مستوي .. ذوقوه وشوفوا إذا يبيله ملح أو بهارات زيادة نكور الكفتة .. أكثر مرحلة أحبها أي شي تبون تكورونه حطو بـ يدكم شوية زيت قبل نقلي الكفتة أو نشويها على حسب ما تحبون فيه ناس يقلونها بـ زيت غزير عشان يصير التحمير متساوي من كل الجهات بس أنا أحب أحط زيت يغطي سطح المقلاة نقطة مهمة لا تحركون الكفتة وااايد لأنها بـ تفتت إذا سويتو جذي نطروها لين تاخذ لون وعقب قلبوها تمّ القلي لـ السوس: نقصص البصل صغار والفلفل البارد شرايح رفيعة نحط شوية زيت بـ القدر .. عقب نحط البصل والفلفل البارد لين يصير لون البصل ذهبي نهرس الثوم .. ونقصص الطماط صغاار .. ونضيفهم لـ البصل نقلبهم شوي ونحط البهارات والملح ومعجون الطماط والماجي .. نتركهم لين يذوب الطماط عقب ما يذوب الطماط نضيف ماااي بس ما يكون واايد نخليه ياخذ غلوة .. عقب نحط حبات الكفتة اللي قليناها .. ونتركهم لازم السوس ينشف لأنه عقب إذا بـ نحطه على العيش يـ يصير العيش مهروس عيش = رز مسامحة صورة السوس عقب ما جهز ضااااعت بس لازم يكون نااشف يا بنات .. نقطة مهمة لـ الرز: ننقع الرز بـ ماي + رشة ملح .. مدة النقع على حسب نوع الرز وبعدين نسلقه عادي .. ماااي واااايد + ملح + زيت أول ما يغلي نضيف الرز عقب ما نشخله من ماي النقع نسلقه ثلاثة ارباع استواء .. عقب نشخله في قدر: نحط نص كمية الرز المسلوق .. عقب الكفتة .. عقب النص الثاني من الرز نرش على الويه شوية كركم نتركه على ناار هادية أقوى شي لين النكهات تتداخل والرز يستوي وبـ العافية

يعطيكك آلعآفيةة ع آلطرح!

كآن لحضورك هنآ جمالا .. واشراقا ..
سُعدت بوجودك الرآقي
تحيتي وتقديري.