بعض الجمال ان مر في ناظري دسم

وتاخذ من اسماء الأوادم لها اسم
ولا اني مكلف ينطري مع حروفي!!

من حسبتي في الشعر تارك لها قسم
ومحددنه قبل تقطع سيـــوفــي

مكه يقولو في نظر أهلها وسم
يا جاهل الرقعة ترى الخط كوفي!!

الداب لو يجعل لعمر البشر حسم
سمه حياتي الثانية مع ظروفي!!

ولا جهلت النجم في دفتر الرسم
افوي والاقي الشعر للشعر يــوفــــي!!

وش فايدته الذيب اللي بلا جـســم
كلما تمر المـــــتــرفه قال طوفــــي!!

وارجع لنفح الوورد لا هبه النـــســم
صوته ينادي نفحته ارجـوك روفــي!!

حبيبتي أوفى من النبت للــــوســم
جمالها يختال لا مـر شـــــــــوفـــي

بعض الجمال ان مر في ناظري دسم
لا صار مثل الدبي له خصر جوفـــــي!!

مرت ولكن دون ما اطري الاســـم
اللي بقــــوله امـــطـــري يا قنوفــي!!

أحمد المعمري فلك

ياسلام عليك شاعرنا فلك المعمري قصيدة جميلة وبها مشاعر جياشه سلمت يامبدع،
قصيدة استحقت النجوم وفي انتظار جديدك

الله الله الله
قصيده جميله جداً اخي فلكّ
يعطيك الله آلعافيه
بنتظآر جديدككء :)'

لله دوك يا معمري

حرفك لقاف الشعر يالمعمري وشم
يبقى المساء لاشعار مثلك شغوفي

لك خالص الود

يا سلام على المعمري .. ان قال شعرا فلنصمت لنستمتع بشعره .
شكرا لك عزيزي

قصيدة حلوة مرة ..
تسلم اخوي

قصيدة جميلة من شاعر مقل في شعره ..
يا اخي ليش تختفي وتحرم القراء من ابداعاتك ؟

هلا فيك فلك ..
نص جميل كما تعودنا منك الله عليك الله
الف شكر لجهدك وصح لسانك لاهنت
طابت مساءاتك ..