((((( بدري حـــــــــــــــــــــبيبي )))))

بدري حبيبي توه الجرح ما طـاب
زيد همومي واجرح واتركني

سيف ركزته وسط قلبي ولاهـاب
كمل جميلك اطعن اليـوم عينـي

مابي عيوني تشتكي جور الأهداب
ولاأبي احد غيري يـداوي انينـي

ماقد طلبتك بس انا اليوم طـلاّب
وابي على كثر الرمـل تكرهنـي

لأني كرهتك صدق ولانيب لعّاب
صعبه على مثلي خيانـة حنينـي

ياما جرحتني يالغلا بـلا اسبـاب
وهالمره عاد اقـول لا تحترينـي

لاتحتري قلب شكى الضيم منصاب
تعب يذوق من القهر مـا يجينـي

جرح الكرامه ماهوب جرح كذاب
عند الكرامه ابيع حتـى ضنينـي

عودت انا نفسي على جلد وعطاب
لامن قصرت يمناي بقطع يدينـي !!

نفسي عزيزة لو هو العشق غلاب
ماهنت انا نفسي وتشهـد يمينـي

قلتـ لي انسيني وانا اقـول بتـراب
بتراب ابيعـك دام بعت سنينـي

خلاص روح لعنبو قلب ما تاب
روح لهوى غيري وغيرك يبيني

الحين روح بقفل بعـدك البـاب
ابكي على نفسك وبعديـن ابّكينـي

اختيار جميل أخي
يعطيك الله العافيه وكلك ذوووق


" نص يستحق الخمس "

تسلمين اختي حبي خالص مرورك العطر اسعدني
شاكرا لك تزيينك الصفحه بالنجوم الخمس
وكلك ذوووق ياذووووق

هلا فيك نسر ..
نص واختيار جدا جدا رائع كما تعودنا منك
الف شكر لجهدك واختيارك وتفاعلك الجميل
زانت ايامك ..

تسلم استاذي رايق البال مرورك الرائع اسعدني
ويعطيك الف عافيه ياذووووق

قصيده جميله اخي
شكراً لهذه الذائقه
يعطيك الله العافيه :)'

نص جميل جدا
بارك الله فيك

الشيخه تسلمين اختي مرورك العطر اسعدني ياذوووق

اميره الروح تسلمين ياذوووق مرورك الرائع اسعدني