تسمع حبيبي حكـي قلبـي وونينـه؟
تدري بقلبي حـزن يكفـي مدينـه؟
سكانهـا أوجـاع وبيوتهـا دمـوع
تدري الأماني في عيونـي سجينـه!
حكم ٍ مؤبد لا أبد مـا بـه رجـوع
تسمع حبيبي حكـي قلبـي وونينـه؟
تسمع صدى الشريان وآهات لضلوع؟
مـتشوف عمري ضاعت أحلى سنينه
عشت الشباب بقسوتك كله خضـوع
تدري وتسمع ! لا ولا تشوف وينه ؟
(وينه خفوقي؟) مات جذره ولفـروع
قلت أعشقك وأبغـاك لأنـك ثمينـه
أبغاك نوري لا طفت كـل لشمـوع
قلت الغـرام ابقلبـي لـك تجهلينـه
لأنه غرام ٍ مختلـف شكـل ٍ ونـوع
واليوم بعت احساسـك اللـي يبينـه
وأقفيت عني وكل خبر عنك مقطـوع
من دون م يـودع وألامـس يمينـه
فارق حياتي والبكى صار مسمـوع
ودي أشوفه // تحكي عينـي وعينـه
وأقول له وش غلطتي وكلي خشوع؟
