شيله/ خذ راحتك
كلمات
غنمان العنتري
اداء: حمد العوده
خذ راحتك كان ودك بالهجر تبطي
مصير كل الجروح من االبطا تبرى
في ذمتي ماطرد المقفي وهو مخطي
لوكان يسوى البشر واحلامي الكبرى
ليتك مثل باقي احباب الهوى تعطي
ماصار معك الوصل في حالةً قشرى
ماني برجوى عطاك وربي المعطي
وش عاد لو عذبتني باقي الذكرى
ان حدك الموج واصل لاتجي شطي
واصل غيابك وحذرى تعود لي حذرى
الوصل عاري وثوب الشوق ما يغطي
فرصتك طافت ولا لك فرصةً اخرى
كنت اكتبك والمشاعر ترجمت خطي
هذاك يوم الغلا من دافعه تقرى
ماهو جديد الشقا يانازعن بسطي
مبطي خسرت الحنين وطول المسرى
ادري ماهمك جروح القلب لو تسطي
وادري من طعونك ايام الجفا غبرى
لكن على الله جروحي . وانت لو تبطي
مصيري انسى وجرحي بالصبر يبرى
