الصــــــــراحــــــــــة مــــــــــزعـجــــــــــة

الصــــــــراحــــــــــة مــــــــــزعـجــــــــــة


الجبال اللي تزحـزح مـا تــزيــح

والغصون أدنــى هـبـوب تـزولـهـا

اعـتـنـز عـلى جبل ولا تطيـح

الـجـبـال تـذري اللــي حــولـهـــــا

والـصراحه مزعجة وانا صريح

تـزعجك مـا تزعجك بأقــولـــهـــــا

شـاعر موهوب ولساني فصيح

وسابـحٍ عـرض البـحور وطـولــهــا

والأفاعي روسها تندح نديح

والعقارب سمها في ذيــولـــهــا

مـاعلى الدنيا ضمير مستريح

كل خـلق الله تعن خـيولــهـــا

ذا يون وذا يحــن وذا يصيـــح

وذا يخطـف راسها ورجـولهــا

والشعر هذا قبيح وذا مليح

وكلبوها ســاري مفـعــولـــهـا

اجلد القبيح في وجه القبيح

وقول وش رأيـك وأقول اصـولها

والا انا مـا قد مدحت الا المديح

الجمال اللي تشيل احمولها

والصراحه مزعجة وانا صريــح

تزعـجـك مـا تزعجـك بأقولها

والا تدري ما يصح الا الصحيح

خــاطب العالم بقد عـقـولها

نص جميل جدا
بارك الله فيك

ذآئقة رآئعة
إنتقآء مميز
كل آلشكر لك..~

مجنوووووووونك...
لك ذووق واحساس رائع في الاختياار
دمت بهذا العطاء والتميز
يستحق النجوووم
ارق التحايا لك،،

ابدعتي مجنونك بالاختيار
يعطيك الله العافيه

http://img.el-wlid.com/imgcache/2014/10/890287.gif