حبيبي والأمل رمشه على شوفك يجيه خبال
رجيتك لو تداعب بي غناوي تعزف لحونك
أحبك ,, اعشقك ,, واشقى وما ادري هل انا عـ البال ؟
قصيدي ما هوى غيرك ولا بعدك ولا دونك
حبيبي ملت حروف كسرها رمحك المنهال
تجي كل القصايد شوق تترامى على متونك
أحبك حب لو يدري به العالم يشيخ الحال
أجي كلي وفا لاجلك واحبك موت واصونك
واجي لك بالدفا عمري وفرح عانق الأطلال
ولو كل المدا يقسى أنا والله ما اخونك
أبي أغفى بأحضانك أببكي جفوة الترحال
أبي تمسح لي دموعي واتوه هناك في كونك
أنا والله يا قلبي بعمري تبخل الآمال
رجيتك حس بضلوعي سنيني حيل يبكونك
أحبك ايه انا احبك ولو ليل التلاقي طال ,,
أبيك ولا ابي غيرك واشوف الكون بعيونك
