✨المووووت✨
الموت مايرحم شباب ومسنّيـــن
مات الرسول ومات كل الصّحابه
العمر فاني واكثر الناس سالين
سالين بين الغشمره والدعابـه
احدٍ على تويتر على الزّين والشّين
واحدٍ على الواتس آب ماحدٍ درابه
واحدٍ على صفحته اصحابه الفين
يملك غرف للدردشه والكتابـــه
مابين نسخ ولصق يرسل عناوين
بين الجهل والغي ضيّع شبابــه
واحدٍ مشى ف هالبرامج على الزين
يرسل رسايل دين والخير جابـه
نصيحتي اقدمها للفهيميــــــــن
قدمتها والعبد يعرف صوابــــه
مايحس بالرّاحه غير المصليــــن
يامسلمين الله خافوا عذابـــه
خلوا مماشيكم على الخير والدين
قبل القبر ينسف عليكم ترابــه
منقــــــــــــــول
