الجو غيم وخابرك تعشق الغيم
هلا بالجميع ..
عوده بعد غياب واتمنى ماراق لي يروق لكم احبتي ..
الجو غيم وخابرك تعشق الغيم
دايم تقول ان المطر لمة احباب
بدلت بغيابك جميع المفاهيم
صار المطر يبكي على لحظة غياب
يا صاح من عقبك تجرعت انا الضيم
والليل غير الهم والضيق ما جاب
يا ابعد الاقراب شوف المطر ديم
الجو طايب لكن الفكر ما طاب
ريحة ثرى وذكرى غلا فيني تهيم
وابيات شعر واغنية نوح وعتاب
ياللي هدمت الروح ما فاد ترميم
والجرح منك يا منى الروح ينعاب
الجو الغيم وخابرك تعشق الغيم
دايم تقول ان المطر لمة احباب
واليوم جو الدار يا صاحبي غيم
اطلب من الله جونا يجمع اغراب
طابت ايامكم ..
اخوكم / رايق البال
