. . . تَحَاسيفْ ~
السَّلامْ عَليكُم و رحمَة الله و بركاتَة
مَدخَل |
النفس تامر و انا ماني بطايعها
الله عن النقد والمنقود يحميني
لو ان كبدي هجير الشوق لايعها
امر عطشان والشيمه / تعديني
النَّصْ |
مَا ضيّقَت صَدري مَعَ الوَقتْ ذكرى
لكنْ عقبَة راسْ مالي تحَاسيفْ
يَ قُو عَفوي قُو و يَ ضِعف شِكرَه
يَ وِسع صَدري كل ما زَارني طِيفْ
مِن قَال لـ فراقْ المحبّين سَكرَه
أنَا أشهَد إنَّه سلّها سلّة السّيفْ
حيثْ إن هَجرَه مر مَا مر نكرَه
حيثْ إنْ صَبري طَالْ و هو ما بَعَد شيفْ
ما تَاسع العبره سوا خيطْ مَكرَه
حَظ الشّجر لو قَام ما هزّه الريفْ
يَ كِن ضَاع الذّود و لا شيفْ بَكرَه
يَ كنّ أنَا مِبحِر و لا لي مجَاديفْ
أحلم يطول اليوم و أخاف بكره
هو يكرم جروحي كما يكرم الضيف
لو قلت ما أحبه فلا شك ما أكره
ي شيب عين اللي مفارق مواليف
فكره يروح بعيد و يرد فكره
و أسعد ظنونه لو تجي له على الكيف
ما كني الا الحر لي ضاق وكره
لكنه الا غيمةٍ جات في صيف
حسبي على اللي حال و أقفى بمكره
و أنا خسرت و راس مالي تحاسيف
مَخرجْ |
إي و الله أحبّك وأحبّك مِن القَلبْ
في سَطحها جرأَه و في لبّها خُوفْ !
النَّص لـ بندر الدّيحاني
