شيلة يجيبك الشوق - ياسر العبدلي & ممدوح الشَـــدّادي
يجيبك الشوق وإلا تجيبك الحاجة - - - مصيرك إليا صفعك الوقت تذكرني
أقفيت والحزن عقبك عاود أدراجه - - - ولا بقى إلا قصيدي فيك يجبرني
قبلك سمحت وهجرت العشق وإزعاجه - - - والشكر لله قبل الروح تشكرني
شفتك وسلمتني قلبك ومزلاجه - - - وأصبحت تنهى على كيفك وتامرني
كنت أحسب إنك طبيب القلب وعلاجه - - - واثرك تدور على أدنى شي يكسرني
تسهر وترقد وشوقك طافي سراجه - - - وأنا أتململ وطاري الشوق مسهرني
يا من بكاه القصيد العذب وإنتاجه - - - الله على كل طعنه منك ياجرني
حركت بحر القصيد وهاجت أمواجه - - - وهذا هو اللي على فرقاك صبرني
قصيدةٍ من سحاب الشوق ثجاجه - - - منظومةٍ عن رضا الجمهور تسترني
الله عطاك القبال ولبسك تاجه - - - وأعطاك مما عطاني مايكبرني
في طلتك ملح وبهرجتك ديباجه - - - متى على الله يجيني من يبشرني
يا آخر دروب الغلا اللي شيّد سياجه - - - على خطى من غلاه العذب باشرني
يمكن مع الوقت حظي يضحك حجاجه - - - يجيبك الله تقول أبطيت واعذرني
https://www.youtube.com/watch?v=J0Rrh4HPhMw
