دورت عذر لضيقتي وانعزالي .. واثر الجروح استنقضت من لحدها
دورت عذر لضيقتي وانعزالي
واثر الجروح استنقضت من لحدها
نفسي قضت والله عليه اتكالي
يارب زدها حلم يارب زدها
اصبرت صبرا فاق صدر الشمالي
وارقبت من فوق الحرار وهددها
الله يسامح ضيم سود الليالي
مابين وش كانت ومابين قدها
استفردتبي لين قدني لحالي
وجابت على نقاض جرحي جهدها
صفيت لكن الزمن ماصفالي
مابين بقعاء والسنين وجلدها
كم (جي)على بعض القصايد مجالي
وجحدت بعض جروحنا من جددها
بعض الجروح تروح من غير تالي
من هونها ولا مناعة جسدها
وبعض الجروح ان جات من صوب غالي
اشد من فقد الحنون لولدها
ولأالصغير اللي من الهم خالي
أمه قضت ووخيته في مهدها
حضن يد امه طرب يضحك وسالي
وامه توفت مابعد فك يدها
