محمد بن غرمان || شيلة شهر الصوم كلمات الشاعر أبو فراس العمري
الصوم قرب يالله انك تحييه .. احدى عشر شهر وحن بانتظاره
شهر الصبر يازين ذكره وطاريه .. شهر العفو والمغفره والتجاره
الصوم والتقوى من اسمى معانيه .. والذكر والعمره وقصد الزياره
الفوز والرفعه لمن سابقوا فيه .. والعجز والحرمان اكبر خساره
والرابح اللي قايم في لياليه .. يتلوا القران وصايم في نهاره
والخاسر اللي ماعرف كيف يقضيه .. الصبح نوم وطول ليله دواره
العمر مره والفرص واجده فيه .. من ضيع الفرصه يذوق المراره
الوقت يمشي والعمر في تواليه .. والدرب واضح لا تغير مساره
والرب يمهل والبن آدم مجافيه .. تلقاه يذنب تارة عقب تاره
والعاقل اللي يهتبر وقت ماضيه .. ويمشي على المنهج ويرفع شعاره
يالله ياللي كلنا في رجاويه .. بارك لنا في الشهر نجني ثماره
https://www.youtube.com/watch?v=v6d97aE1x7Q
