{.. مدخل
أدري مقصر معـآك وفـي محبتنـآ
.. .. .. وآدري مآتدرين ليه أسباب تقصيري
لو دآم حبك ولـو دآمـت علآقتنـآ
.. .. .. أنآ لغيرك يآقلبـي وأنتـي لغيـري
لآزم نقّوي على آلفرقـى عزيمتنـآ
.. .. .. لو كان بعدك سبب همي وتدميـري
عجزت لا ادبر اظـروف ٍ تحدتنـآ
.. .. .. ماقام حظـي ولا فـادت تدآبيـري
المجتمع والعوايد غصـب حدتنـآ !
.. .. .. وإلا انتي اصلاً زيادة خير في خيري
ولو إن قربك خطا يابيـض رايتنـآ
.. .. .. يزيد قدرك غلا مـن زود تقديـري
مادنسك كـذب حاسدنـا وشامتنـآ
.. .. .. تبقين ورد العفاف ان زان تفسيري
لكن عزانا على الذكـرى وضيقتنـآ
.. .. .. هذي حقيقه ولا داعـي لتبريـري
ياغايتـي يـوم تنهينـا نهايتـنـآ
.. .. .. تعالي اخذي من اوجاعي تعابيـري
انا وشعري وصلنـا فـوق طاقتنـآ
.. .. .. احزن وحزني يحبونـه جماهيـري
وفيت وانتي وفيتـي ميـر خانتنـآ
.. .. .. كـل التفاكيـر واولهـا تفاكيـري
واليـوم ندفـن بقايـا حـي ميتنـآ
.. .. .. ماعاد تحيـيّ معاذيـرك معاذيـري
بعيش في سكـة الذكـرى بدايتنـآ
.. .. .. واسير لحلامنا وانتي بعـد سيـري
تذكرينـي بيـاض ٍ سـاد نيتـنـآ
.. .. .. تذكريني ولا يألمـك .... تأثيـري
تذكرينـي وعيشـي فـي محبتنـآ
.. .. .. تذكريني ولا تطرين ابد*..غيري
مخرج ..}
مع السلامه ’’ خلص واقـع حكايتنـآ
انا لغيرك ياقلبـي وانتـي لغيـري .. .. ..
وصلت لا خر محطه فـي مسيرتنـآ
تطّول مشاويرك او تقصر مشاويري .. .. ..
