دخيلك وفر ادموعك ترى هدر الدموع اذلال
دخيلك وفر ادموعك ترى هدر الدموع اذلال
هذي قصيدة اعجبتني وحبيت انقلها لكم - - -
عفا الله عن خطأ غدر الخناجر والضلوع ابطال
بسامح واتركك تحـت الظـلام إلحالـك لحالـك
دخيلك وفر ادموعك ترى هـدر الدمـوع اذلال
وترى مافي أحد يصبرمثـل صبـري بغربالـك
أنا عيب علي انقض كلامـي والرجـال افعـال
وإذا قلت أقطع احبالك ترانـي بقطـع احبالـك
عشان اكسب هدب عينك تجرعت العذاب اشكال
وليتك تـرأف بحالـي عشـان ارأف ابحالـك
مسوي في حياتي شـئ مـا يذكـر ولا ينقـال
حشى حتى العدو وهو العدو ما يعمـل اعمالـك
اتمسيني على الهم واتصبحنـي علـى الغربـال
اتقلطنـي فناجيلـك وتكسـر عـنـي دلالــك
تحملت التعب لجلك وانـا حملـي يهـد اجبـال
رحلت من العذاب وما وقفـت إلا علـى جالـك
علامك كل ماجيـك امتواضـع جيتنـي تختـال
معاك إلى متى بصبر وصبـري منـك يحلالـك
مثل ما اقبلت لعيونـك لـزوم اتردلـي بقبـال
ومثل ما قد حشمتك حس واحشم قلبي اشوالـك
انا محدن ابجابرنـي اسايـر معـك هالمنـوال
ترى لاني تبيعن لـك ولانـي بصغـر اعيالـك
انا جيت اعشقك نبض ومشاعر ما اعشقك تمثال
انا جيت اسكنك وأحياك وابقـى فيـك وابقالـك
أنا جيت بضمى عاشق تعب يطرد سراب الـلال
انا جيت استفز ارضاك مـن فرقـاك وألجألـك
انا ما همت بك عاقل انا كنت اعشقـك بخبـال
أنا ما كنت احبك حي انا كنـت اعشقـك هالـك
تخيل من كثر ما اخاف تلقى ل الزعـل مدخـال
أخاف اخطي على طيفك وادوس برجلي اضلالك
تبعتك والعرب تتبـع رعـود البـارق الهمـال
وأنا شفت المطر يتبعـك فـي حلـك وترحالـك
كأن إلي خلق حسنك خلقني مع جسدك اضـلال
وصرت اقرب جسد يمشي معك بقفاك واقبالـك
أبي قلبـك يحـس انـه فقـد بمحبتـه رجـال
ملكته من هدب عين وخسرت ارضـاه بهمالـك
صحيح ان الفراق أقسى ولكن الوصـال امحـال
وأنا صعب علي ارضى غرورك واضعف اقبالك
بعـد ماحققـت عينـي افبعـدك لرقـاد أمـال
أعـود للسهـر ياخـوي فـال الله ولافـالـك
ببدل نظرتك فينـي وجيلـك كـل يـوم بحـال
بكون اقـرب مـن ثيابـك عليـك ولاتهيالـك
بلمك وانثرك واجمعك وارجع وأنثـرك بهمـال
بخونك وازعلك وارضيك وازعل منك وارضالك
ابرسم بالثرى وجهك وابدفن صورتـك برمـال
ابشكي للعرب فرقـاك وأضحـك عنـد عذالـك
ابهديك الوصال افراق واهديك والفراق اوصـال
بسوي مثل ما اشوفك اتسـوي وأفعـل افعالـك
عشان تعرف من فينا الزعول ومن وسيع البال
ابيـك اتـذوق فنجالـي وانـا بـذوق فنجالـك
نصيحه واحتفظ فيها قصر معك الزمـن أوطـال
أبي تسمع كلامي زيـن وتحطـه علـى بالـك
إذا حبك اهبال اطفال لك عنـدي اهبـال اطفـال
ولا وابشر بعـد بهبـال حـب ماهـو اهبالـك
وإذا قصدك تهين اسمي عشان اتشمت العـذال
حشى لا انت ولا غيرك ولا عشره من شكالـك
::::::::::::::::::::::::::::::::::::::::::::::::::
