بعد حالي - - وعيني - - ياصدق احبابي

بعد حالي - - وعيني - - ياصدق احبابي

هلابك .. يا بعد حالي .. وعيني .. واصدق احبابي
هلا .. باللي عجزت آصل من ابعاد الوله .. بابه


هلا .. باللي إلى مني لقيته ضاع .باهدابي
هلا .. باللي إلى منه لقاني ضعت باهدابه


هلا .. باللي يغيب من الفرح فيني ويصحابي
هلا .. باللي اغاب من السعاده فيه واصحابه


هلا .. باللي يمل من الزعل عني .. ويرضابي
هلا .. باللي كِثر مازعل عليه وعنه .. ارضابه


هلا .. باللي يموت من الغلا فيني .. ويحيابي
هلا .. باللي اموت من المحبه فيه .. واحيابه


هلابك .. كِثْرِ مامر الصباح الغث طلاّبي
هلابك .. كثر ماحن المكان لجلسة احبابه


سبقتك بالسلام وقمت اهليبك على بابي
نسيت اني انا اللي جا .. وجاب العيد من بابه


لك الله .. والغلا .. والشوق .. وشعر ٍفيك سوّابي
سواة اللي لقا نفسه نحيل وضاق بثيابه


اخذتك بالكلام .. وما نسيت الاّ بَعَض مابي
احبك بس اخاف ان الكلام يطول والهابه


احبك حب .. إلى منه قتلني جاك بثيابي
احبك ويش اسوي والمحبه تقتل اصحابه


احبك .. ايه احبك .. والكلام اكثر من ترابي
واحس اني معاك اوسع من التاريخ وكتابه

اختيار وانتقاء جميل
بارك الله فيك

ابيات فاقت الروعه ياذوووق يعطيك الف عافيه

هلا فيك مجنونك ..
نص واختيار مرهف وجدا رائع
الف شكر لجهدك واختيارك وتفاعلك الجميل
طابت صباحاتك ..
( نص يستحق النجوم الخمس)