مصير الأيام تثبت لك وتعرفني..
مصير الأيام تثبت لك وتعرفني..
لو ان ماهو مهم النفس تعرفها
انا الذي صعب حتى الوقت يكشفني ..
يوم ان بعض العرب يا سرع يكشفها
شاعر اشوف البيوت اللي تشرفني ..
والعكس أيضا صحيحٍ قمت اشرفها
لو قمت اركز على الشعار يؤسفني ..
ماهوب انا حتى بعض الناس يؤسفها
أُقسم بربي ولو ان محدن محلفني ..
أحدن يخوض بها وأحدن يهدفها
لحظه بصحح اشوف الصدق وقفني ..
ماهوب كل العرب والحق أنصفها
الشعر لا صار فالجزلات يتحفني ..
والزله اللي تجي ماني مطوفها
واللي على العين لاصديت يطرفني ..
اقسم لأوقع على الثنتين واطرفها
واللي يحاول بكثر القول يضعفني ..
الموج ما يقدر الضلعان يجرفها
واللي سهرته شال النوم من جفني ..
والله غالي ودوك العين حلفها
كم مهرتن حاولت بالعسف تحذفني ..
ماطولت في ثواني صرت عاسفها
يا كاتب الصعب ما تقدر تالفني ..
انا رواية صحيحه ما تالفها
مصير الأيام تثبت لك وتعرفني ..
لو ان ماهو مهم النفس تعرفها
