... صـفـيّه ...
قالت مها ... واليوم صارت صفيّه
والعالم الله فايـزه ... هي هنادي
وراشد ... طلع اسمه فهد يالبريّـه
واحترت ! مدري مين باسمه أنادي
واليوم .. دام الوقت .. بيّن خفيّه
وعندي استوى لا عادي بكلّ عادي
جيت أكشف أسـرار الـغـرام الرديّـه
في وقتنا اللي صار .. مدبر وغادي
مـا دام نـار اللوم ... بالقلب حيّه
من خافقٍ .. وأنكر له الله ودادي
قصّة غلا .. وأضحت مثل مسرحيّه
تحكي لنا واقـع ... وغيـر اعتيـادي
فكرة غبيّه ... والبطل هي صفيّـه
واللي يشاركها البطـوله ... هنـادي
