جيت بخطبها وقالت لاتقدم
الامر محسوم من وانا صغيره
وهبوني لابن عمي يامتيم
والخبر معروف عند كل العشيره
من وانا طفله قبل ما اتكلم
قررو امري وخلوني اسيره
وابن عمي طفلآ اصغير مايفهم
مادرى اني مربوطه بمصيره
ومرت الايام وخلتنا نتالم
هو يحب غيري وانا حبيت غيره
انا حبيتك تدري بي وتعلم
والامر مرفوض في شرع القبيله
وراسك انت ياحبيبي جعله يسلم
دام هذي قسمتي عساها خيره
تلقى لك بنت الحلال اللي تهندم
وتشغلك عني وتصبح لك اميره
وتسعدك وقت الشدايد يوم تضرم
وتنسى حبي والحمل عنك تشيله
قلت حسبك النهار في عيني اظلم
تهت في صحراء ولاعندي دليله
