<>{تصبر على الأقدار مخافة الله }<>
آه العين العمياء ما يفيد فيها الطبيب
لا تلومون عمي البصيره لاضيع مجاله
الحرة حرة حين تحضر او انها تغيب
دوم تحفظ الرجل في عرضه و ماله
تصبر على الأقدار مخافة الله الرقيب
نعم تعرف إن الصابر تكون الجنَّة مآله
درب الدنس سهل لا رقيب ولاحسيب
بس هي تراقب الله له العزة والجلاله
صدق من قال الحظ يخطئ ويصيب
وراعي الحلال تلقاه متبصر في حلاله
مطاوع الدنيا بلا دين لبد حظه يخيب
يفرح بها في بدايتها لمن زان له حاله
تتزين له بزخارفها قبل اوبعد المشيب
وتقلب أيامه مع لياليه بالهم و النكاله
لا لاتغتر بالدنيا بغير ذكر الله ماتطيب
وذكر الله بها زرع للآخرة غدا تناله
( قالوا اسأل مجرب ولا تسأل طبيب)
والطبيب بغير التجارب ما طاب فاله
كلمة عجيبه واللي قالها ايضا عجيب
واشد العجب لقالوا الزمن تغير أحواله
الزمن هو الزمن بس أهله فيهم العيب
تغيروا والزمن باقي كما هو على حاله
ألا يا أهل الزمان الذيب ما يأكل الذيب
تراه يموت من الجوع ولا يأكل أشكاله
نصيحة شاعر والمشاعر تحضر وتغيب
بحضرة صاحب ما تاه بحسنه وجماله
