((((( نسيتني علمني شلون ابا انساك )))))
نسيتني علمني شلون ابا انساك
في هالزمن نسيان الأحباب عـادي
وشلون لا مرت على البال ذكراك
وطيفك سرق مني لذيـذ الرقـادي
وشلون لاقالوا لي الناس وش جاك
من كنت في لذة منامـك تنـادي؟
وشلون اعيش اللي بقى لي بليـاك
لا من غدينا كـل واحـد بـوادي
لو قلت اداوي جرحي اللي تباطاك
ماكل جرح يفيد فيـه الضمـادي
اعلنت حبـك ليـن كلـن تمنـاك
غلطه وغيري من خطاي استفادي
لو لي مثل قلبك تمنيـت فرقـاك
واكيد قبلك بالجفا صـرت بـادي
حلوه عذاريبك وحلـوه مزايـاك
حتى بيوم فراقنـا كنـت هـادي
في ذمتي ماهي غريبـه خطايـاك
مبطي وقلبك لـو تنبهـت غـادي
سهله على من كان مثلك وشرواك
مثـل الثيـاب يغيـرون المبـادي
علمني اكره ذكرياتـك وطريـاك
وانسى من الليله صدوق الـودادي
ولاني بقايل عقبها وين ابا القـاك
راضي لو ان جروح قلبي جدادي
والا القصايد جعلها مـن فدايـاك
لبستهـا مبطي ثيـاب الحـدادي
باكر على المخطي يدورن الأفلاك
ونشوف من يصعب عليه البعـادي
