(((( يا من ذبحت المحاني ))))

يا من ذبحت المحاني من غلاك الجموح
مرابطك في خفوقي ليه .. خليتها !!

نسيت مفلاك في ضلع الغلا والسفوح
اللي على طارف اضلاعي تخطريتها

فوحت دلة غلاتك .. والمشاعر تفوح
وبن الهوى يحيي الاذهان ويميتها !!

وصبيت لك من بهار الطيب ( فنجال روح )
ونثرت صبة يميني .. يوم مديتها !!

اوجعتني وانت ما تدري .. لو انها مزوح
وفهمت وشم قصدك منها .. وقاسيتها

يا ليت جرح الهوى لحظات عقبه يروح
ما كان نفسي على فرقاك .. حديتها !!

عواصف الحزن هدت من جفاك الطموح
في كلمة (ن) لا وصلت إلها .. تعديتها !!

أسكت الحزن فّي .. وتنطق العين بوح
حسبي على دمعة لرضاك هليتها !!

خلاص باح العزا لو كان قلبي سموح
يا أولوآخر أماني قد .. تمنيتها !!

الحب ماهو بغصبا !! تبغي تروح روح
ذبلت ورودالمشاعر وأنت ما اسقيتها

قد قلت لك .. والقسى في عين صدك يلوح
حدك معكب الجفا .. وما كنك اوحيتها !!

مبدا المحبه غرام ومنتهاها جروح !!
هي هكذا .. تجربتها .. يوم عانيتها !!

ما كنك اللي عرفته !! يا الغزال الذبوح
حيرتني باربع اشياء .. ما تهقويتها

( حبك / وداعي غلاك / وغيرتك / والوضوح
ماتت من الحزن ولا وين وديتها !! )

ان رحت عنك تجي .. وان جيت يمك تروح
يا تنهي المسأله ولا ترى انهيتها !!

كرامتي مالها .. إلا استاذنك بالنزوح
فإجمع خطايا الغرام .. وشب كبريتها

نص رائع جدا
راقت لي كلماته
بارك الله فيك
دمت بهذا التفاعل وأكثر
(يستحق ان يتوج بالنجوم)

تسلمين اختي اميره الروح مرورك العطر اسعدني ياذوووق
شاكرا لك تزيينك الصفحه بالنجوم الخمس

هلا نسر ..
نص واختيار جدا رائع كما تعودنا منك
الف شكر لجهدك واختيارك وتفاعلك الجميل
طابت صباحاتك ..

تسلم استاذي رايق البال مرورك العطر اسعدني ياذوووق

سلمت يمناك اخي
انتقاء جميل وتواجد اجمل
دمت في حفظ الرحمن ورعايته

تسلمين اختي نواره مرورك العطر اسعدني ياذوووق

اختيار موفق ومميز

شكرا جزيلا لك على جهودك