طريق مهجور لا ساير ولا سيار
يقول حازم عبار والحصن والمديار
مع شمس والزمامين هي ورباحه
وسبيل فوق رابظه. سرباح والهدار
وحيد زحزح صعيب الصعب زحزاحه
حاورت أولاد علي كمن بطل مغوار
أولاد مقدش تناطح كل نطاحه
وحنا حزام الطرف والقيد والسيار
نحمي حماها بسود اسكاك طراحه
سلام مني عدد مابثت الاقمار
وعد ماهزت اغصانه من ارياحه
سلام محمل بعطر العود والازهار
لاعند من قدسكن في القلب واجراحه
من بعد ياهاجسي هات لي علوم وخبار
انا اعرفك في الكلام الجيد وطراحه
من مقدشي من وفاه في العرف مايحتار
والنفس بالعز والناموس طماحه
والان يامرسلي قم كبد. الاسفار
جبال تشمخ بعزة. اهلها. اضياحه
طريق مهجور لا ساير ولا. سيار
قرية حورور تعيش الجن وشباحه
فيها ارتبينا وذقنا الموت والأخطار
على عقال الجمل والحد وطلاحه
ضحيت فيها ووفيت عندالاستنفار
أديت فيها رجال للعز نصاحه
مابيع اناالصحب لوجابوا مية مليار
او ملكوني بلاد الرووس وسلاحه
ياصاح مهما ارتفاع الطير لاقدطار
ماطاير الا يطير في الجو بجناحه
إن حن حنتيت فوق اربع مية معشار
وان قال حطو طرحنا الحمل بزواحه
ماهمني في الحقيقه كل وضع انهار
مابايع الا يبع في السوق برباحه
والختم صلوا على طه النبي المختار
رسول رب العباد بنوار وضاحه
