خلّيت خلفي ألف وجْهٍ بأثر وجْه .. ودثّرتهم بأطراف صدٍ ونسيان
أحلّ حبْل عْناد راسي وأسرجْه .. وأرخي عنان الصدّ من فوق الأمتان
ما ألتفت للهرْج واللي بيهرجْه .. فعلي مجمّلني ماني صوت ولْسان
رجلي خذت فـ الدرب أصعبْه وأحرجْه .. أطعن ظلامه مال للخوف حسبان
مازاد بي من ضيق مولاي يفرجْه .. مانيب من يركي همومه على إنسان
أرقى غمام الحرف لاضقْت وأعرجْه .. وأفسح لهاجوس الشعر ألف ميدان
انا ( سعد ) واللي فـ صدري أبخرجْه .. واللي بيزعل يقضي العمْر زعلان
بـ
صدّي
أن
