على الله يامشاوير الضياع وعثرة الاقدآم
على الله يامشاوير الضياع وعثرة الاقدآم
على الله يامشاوير الضياع وعثرة الإقدام
يعين الله على عوج الدروب وباقي أيامي
على الله كل ما شان الزمان وخانت الأيام
على الله كل ما أشوف الطريق يضيق قدامي
على الله كل ما صدري يضيق وخاطري ينظـا م
على الله كل ليلة حزن تعزف على انغامي
مقدر يا شقا عمري أسير برحلة الإعدام
وأضم بداخلي نار الخفوق وجمرها حامي
حزين ولامعي غير الجروح ولوعة الأعوام
على وجهي تقاسيم الضياع ونكبة اعوا مي
حياتي كلها رحلة غموض ونقطة استفهام
طلاسم خطها كف الزمان لعثرة إقدامي
بقالي من مسافات السنين المقفيات حطام
بقيا امنيات وحسرتين بسلة حطامي
بقيا طفل رافقه الشقا من يوم عمره عام
تحدته الليالي والظروف وعاش منظامي
غرير لاكسا الكون الظلام اطفا السراج ونام
وصحى يحلم متى اكبر ..كبر أبوي وباقي أعمامي
عنيد ليا زعل شق الكتاب ؟؟ووين مرسامي
شجاع ...مارضى يصبح ذليل ولا يرضى بنظام
رغم ""كبر الظروف ""وصغر سنه موقفه سامي
قدر يرسم بصفحة دفتره(قلب)(ودم)(وسهام)
يمر العمر وتمر السنين برحلة الآلام
وجروحي تشرب أوجاع العذاب وخافقي ظامي
كبرت ...وكبر همي ...والجروح كبرت الأحلام
وطموحي هي طموحي يازمن وأوهامي أوهامي
نسفت كف القدر رغم الطموح وبعثرة الأوهام
وتلاشت مابقي غير القصيد ....وجرة أقلامي ..
