محاورة بفن الرزحه بين المويتي وخليفه العلوي
محاورة في فن الرزحة اللال العود بين الشاعرين خليفه بن سالم العلوي وخميس بن جمعه المويتي في جروب اهل الرزحة بتاريخ ٢٠١٨/٣/٩ والهدف تحريك ساحة لجروب
خليفه
جيت بسلام ن اسرع من زرق السهام
واشد م اله اون صداه ودويته
هين الذي فالسير بيحث المشام
لي يعتزي تعدى الجلالي قحمته
خميس
سهام الشرق مثل الغرب عنده نظام
وحسب السنع معنا نلازم سيرته
وسلامكم بنعاوضه بحد الحسام
وحدد مسيرك وكل درب ابخطته
خليفه
يامرحبا باللي اغتلى فوق الغمام
البرق يسني والرعد بمخيلته
وبسايلك وانت الذي تصوغ الكلام
يهيدنا تعافى والا بعلته
خميس
يوم الحرف نادى بميدان الصدام
واجب نصادم ما نخيب نهمته
زيد الصياغه حيس ونقوشن تمام
الحمد لله كل حد ابطيبته
خليفه
يتوصفوا به اول من مسيرة عام
واليوم اخبارة عديمه وبايته
مافاده الباصر وكية الوسام
ولا ينفعه كشف الطبيب ووصفته
خميس
هذي الليالي وكل زامن يتالي زام
بعده فطيبه والسعد في قبلته
كاليث بارز في لطافه واحترام
وبوجود عربانه الكرامة شيمته
خليفه سالم
عند الطلايع سابق حطم الارقام
جمهوره الواسع يفند كتبته
بيعود دهره والا مطولة الاحلام
والا البدايل في صفوفه خانته
خميس
الباقي الله دايمن طول الدوام
ومن غير الله كل شي افمدته
بعد الأمل موجود بصفوف الهمام
مخلص لربعه ومجتهد ف قيادته
خليفه
انت اتمنى غيث ومتبادي برثام
واحنا انتمنى مثلك تخصب ديرته
عقب المحل بتسني بروق الظلام
فوداعة الله يالعقيد ولابته
خميس
عسى بوادر خير وكل واحد يلام
وكل واحدن منهم يراجع صفحته
كثر العدد دون الجهد ماشي استقام
اقبل وداعك والمدير بنيته
تمت والعذر من الجميع
