. <{ قلب المولع به زايد لهيبه }>
ياحبي المكتوب على العبد يأتيه
وما للعبد غير قسمته ويا نصيبه
قلبي يحبك محبة لكنك تعاتيه
خليت القلب فراغ وهذا مصيبه
مجنون حبك يحاتيك و تحاتيه
أنت الدواء و المداوي يا طبيبه
المكتوب مامنه مهروب يا فاتيه
ما كل نجب يسعد بأخذ النجيبه
ترى البرد والله ما يرحم شاتيه
والنار ماتدفي من فارق الحبيبه
حبنا ندوس الخطر لأجله وناتيه
وكل منا يداوي الجروح العطيبه
هاتي ما عندك من العسل هاتيه
و تمايلي علي يالغصون الرطيبه
أرابع الطيب يسرني واترك ذاتيه
واترك أرض جدبة وأنزل خصيبه
قولوا لعين المها اما يأتي او آتيه
لو يرى قلب المولع به زايد لهيبه
لايبيعني مثل ماباع الجمل باتيه
خسر الأثنين المال والجمل نهيبه
حمد بن فهد المخالدة السبيعي
