شوفنـي إنسـان ماعنـدي بلـد
والمصيبـه ماتبينـا اي بــلاد
ماتفيد الـروح لـو تفقـد جسـد
ولايفيد الطفـل خنقـه بالمهـاد
إسأل الفلاح . قلـه وش حصـد
كل مايـزرع تهاجمـه الجـراد
وإسأل اللـي بالمعـارك إجتهـد
وش خـذا بالله بعـد الإجتـهـاد
ماخـذا إلا ضـيـاعه والنـكـد
وماتـرك إلا اشتياقـه والـوداد
إبتعـد لاتسألـه ويـن إبتـعـد
راح يبحث عن وطـن بالإبتعـاد
الحيـاه حبـال مليانـه عـقـد
لابسه بوجيهنـا ثـوب الحـداد
كارهـن كلمـة تباشـر بالسعـد
من بشر بقلوبها هالحسـد سـاد
والفرح دورت عنه مـا إنوجـد
ودي الفرحه قبـل يـوم المعـاد
امتلـت عيـن الحقيقـه بالرمـد
والامانه ضايعـه بيـن السـواد
أصبـح الإنسـان تكميلـة عـدد
مو عـدد لكـن مكمـل للعتـاد
مايخون العهد لو سلـت العهـد
هو لقى مثل الفئـه هـذي عبـاد
اشعلـوا ماضيهـم جهـدٍ وجـد
واجمعوا يومن طفا منها الرمـاد
الزمن مـن فعلهـم والله زهـد
والصبر من صبرهم صاح الجهاد
مايهـز قلوبهـم بـرق ورعـد
الشجاعـه شربهـم والعـزم زاد
مو دنس الا الصحيح انـه سنـد
هو سند من غير ماتطلب سنـاد
صادق النيـه وصـادق بالوعـد
لجل منهو ماعرف طعم الرقـاد
حلمه إنه تحتفـي كلمـة حسـد
ويرفض العيشه تحت رحمة إزناد
صادق اللي قال من يزرع حصد
بس انا زارع ولا شفت الحصـاد
لشاعر
احمد الرسلاني العنزي
http://elsada.net/wp-content/uploads...lo-696x390.jpg
