فلــه .. خدامــه .. لكــزس .. جــوال .. وضــاع الوفــاء ..؟!
مساء الورد على الجميع ..
قصيدة أعجبتني وأحببت أن اشارككم به ...
بعد الفقر حطت شريحه وجوال .. يسعد مسا جوالهـــا والشريحــه
كانت تجيني تشتكي قلة المــال .. وتصيح لاجا طاري الفقر صيحه
تقول أبويه دايم الدوم رحـّــــال .. وامي كبيرة سن دايم طريحــــه
وأنت الوحيد اللي له القلب ميّال .. دايم يصارحني وأنا له صريحـه
طفله وأنا معشوقها بين الأطفال .. جريح حب وطاح له في جريحه
كنا سوا نرسم على التربه آمال .. وأحلام تقتلها الحيـــاة الشحيحــه
كم دمعةٍ كانت على الخد تنهال .. وإذ انزلت ضاقت علي الفسيحه
الله كم صرخه وهمسه وموال .. الله كم جادت علينـــا القريحـــــه
الله كم بيتٍ كتبناه بختـــال .. وأقول أنا "ضيدان" وأنتِ "مليحه"
نخيل لو ما فالسما برق وخيال .. وانكذب الأيام لو هي صحيحـه
تقول لاحطيت لك بشت وعقال .. وسخر لك الرحمن عيشه مريحه
أخاف تتركني على عثرة الفال .. للفقر ووجيه الحيـــاة الكريهــــه
وحبيتها بين الخلايق والأزوال .. حبٍ يطول الوقت محدٍ يزيلــــــه
وسلمتها قلبٍ تباريه الأهوال .. وطاح الخفوق وطيحة القلب طيحه
ودار الزمان وغير الحال بالحال .. وجاها الزمان بكل ورده وشيحه
راحت وخلتني مع القيل والقال .. شاعر صواريف الزمن تستبيحه
فله وخدامه ولكزس وجـوال .. وأنا عجزت أدفع رسوم الشريحــه
