الريق يابس والصدر حيل مغبون
الريق يابس والصدر حيل مغبون
رف القطا حوّل على القاع بالهون
حوّل وبشكي لك معاناة ذاتي
..
قلبي ترى من جاير الوقت محزون
كثر الحزن يارف زعزع ثباتي
..
الحزن سجن وصرت انا فيه مسجون
يالله تفك السجن قبل المماتي
..
رف القطا غرّد على الغصن بلحون
غرّد مدام الحزن دمّر حياتي
..
ياحظهم خلق الله اللي ينامون
ياقرد عيني من الوزا ماتباتي
..
الريق يابس والصدر حيل مغبون
أجاهد الايام دايم وأحاتي
..
مدري نكون اليوم أو باكر نكون
هذا السؤال اللي معقد حياتي
..
حيلي أردد في لساني ترى تهون
أقولها وأنزف والملم شتاتي
