يا اجمل نص يا شمعة مساري
من اول بيت في كبد افتخاري
جميع اللي كتبته كان باهت
وفي هالنص مورد لازدهاري
يا امي وين اروح وويش اسولف
جزيل الشعر قبلك شعر عاري
دخيلك يا قلم واحذر توفر
جزاي ينكب شموخي وانتصاري
اذا اني بالغزل والحب مبدع
تعال اعلن لهالحب الطواري
قسم بالله حب الام صادق
وكل الحب بعد امي تجاري
قصيده لامي وامي الكريمه
هذيك اللي مواطيها مداري
هذيك اللي قبلها الكون كله
شهور وبطهنا كوني وداري
هذيك اللي من ايام الطفوله
تقص ايدينها رقبتي انكساري
هذيك اللي تخيط جروح صدري
تهندمني تخيط لي زراري
هذيك كفوفها منديل دمعي
هذيك اللي سهرها لانتظاري
هذيك مربيتني وموصيتني
على ناسي على عيال الحواري
هذيك اللي عليها الله وصااا
هذيك اللي توصيني بجاري
هذيك اللي بأبوي تقول برواا
هذيك الموطن وكل افتخاري
هذيك اللي محد بالكون تشبه
ملاذي مرهمي ليلي نهاري
هذيك اللي بفضل الله ودعاها
يسيل الخير ويفيض انتشاري
هذيك اللي عشان اكون راضي
تحاول ما تخالفني بقراري
هذيك ابيض ما انخلق بالكون هذا
يا ذكر الله واحاديث البخاري
هذيك اللون الاسود ما غشاها
سوا في حاجه وفيها افتخاري
سواد عصابة امي ماشي غيره
وانا في هالسواد افخر واماري
واذا اسم الام يخفى يالبداوه
انا انسان اسم امي شعاري
من اللي بإبتسامتها تبسم
فخر راسي وزهر عمري خزاري
من اللي لجلها ربي رحمني
فخر راسي وزهر عمري خزاري
من اللي غيابها ساعه مصيبه
فخر راسي وزهر عمري خزاري
يا امي الف عذر والف اسف
اسوق العمر كله بإعتذاري
يا امي ممكن انك تسمحيلي
وانا ما يهمني الاسم الحضاري
اذا الله جاب لي كمن بنيه
بناتي كلهن بإسمك ....
.
.
.
جعل جنة الخلد سُكناك
أذكروا أمي بدعوه لعلها تلقى قبول
