فرانكفـورت
لا ضـاق بـي صـدري تعينـي عـلـى الـرجـم المنـيـف
الـلـي شمـوخـه متـعـب العـقـبـان وفـــروخ الـحــرار
ما حدنـي لـه .. كـود .. فرقـا واحـد " مالـه وصيـف
ومـن يـوم سافـر .. والضلـوع مكسـره وتـشـب نــار
فإلى بكيته ما علـي مـن حـد .. حبـي لـه شريـف !!
والبعـد عـن مـن تعشـقـه .. فـتـرة تعـايـش واختـبـار
خايـف علـى دمعـي ليـا هليـتـه ..يقـولـو .. ضعـيـف
ولا الضعـف ماهـو بصوبـي .. بـس للدمـع انـحـدا
للـي طيوفـه .. ذابحتـنـي ..كلبيـهـا طـيـف .. طـيـف
وتضيـع احـوالـي ولا ادري (لـيـل) انــا ولا (نـهـار)
ويلااااه !! .. يا ترف الصبا يا مالك القلـب النظيـف
تقـول قـررت السفـر .. وآقـول يــا (صـعـب الـقـرار)
وش حـال قلبـي دام هـذي عادتـك فـي كــل صـيـف
تسـافـر اوروبــا وأنـــا مـانــي بـحـمـل الانـتـظـار !!
مـا بـيـن ( بــون ) ومــا حواليـهـا وبـاريـس وجنـيـف
ولا انــا حــدي دبـــي او لـحـمـدي .. او.. عـيــن دار
يــا ليتـنـي فالطـايـره .. لا قــدك بتسـافـر مـضـيـف
علـى الأقـل ابقـى معـك .. مـن المـطـار الـيـا المـطـار
ابطعـمـك مــن كـفـي اليمـنـى واقـطـع لـــك رغـيــف
وآكـلـك مــن كــل حـاجـه مـثــل تـاكـيـل الـصـغـار !!
تكفون يـا هـل ( فرانكفـورت ) انـا مولـع فـي وليـف
ميـت بحبـه واعشقـه !! .. وأعشـق ثنـايـاه الصـغـار
ما حاز به عنـي سـوى ..الاقـدار والوقـت السخيـف
اللـي خـذا قلبـي معـه فـي الطايـره واقـفـى وطــار
امشى ولا مني مشيت امشي مثـل مشـي الكفيـف
يا صاحبي نفسـي بعـد مـا غبـت .. عافـت كـل دار
مـا قـد هقيـت ان اتـرك العـالـم ولا سـولـف واعـيـف
واجلـس عـلـى آخــر زاويــه واعـنـز بظـهـري جــدار
حزيـن مـدري حالتـي حـالـه .. وافـكـر كـيـف كـيـف
اباتطـمـن كيـفـك انــت بـخـيـر ولا ويـــش صـــار ؟؟
مستانـس وتضحـك .. او انـك تبكـي وقلبـك رهـيـف
الـحـيـن فالـفـنـدق او انـــك رايـــح بـوســط الـقـطـار
باقـي علـى ذاك الامـل .. لـو مجمـل الواقـع مخيـف
رافـع لـك الهامـه وانـا اشعـر مـن فـراقـك بانكـسـار
في ذمتي إني فاقدك .. و( آبيك ) والخاطر كسيف
لكننـي مغصـوب فـي بعـدك .. وانـا مالـي خيـار !!
يا صاحبي تبغى الحقيقه .. اخذهـا مـن دون زيـف
يــا أمــا تقبلـهـا ( غــلا ) .. ولا تقبلـهـا .. ( مــرار )
عــز الله ان البـعـد كـنـه ضـاربـا " صــدري بسـيـف
يا مت منه منقتل !! .. يا عشـت بضلوعـي كسـار !!
