الشمــــــــــع الكثيـــــــــــــر..~؛"

​الشمــــــــــع الكثيـــــــــــــر..~؛"

أدوزن امنياتي .. والسنيـن تقـول يالله عـاد
بلا من ثـقل حلمك .. واعتقد كل ماحصل كافـي

تموت شموع .. ويفز الظـلام بليلـة الميـلاد
واظل البائس الذاوي الحزين المتُعـب الطافـي

هزيلٍ لو طرت لي ذكرياتـي صـارت الجـلاد
نحيلٍ .. والحمل .. متربـع ومركـاه باكتافـي

كئيب الليله وكني شريدة من بقى من (عـاد )
صويب واشعر بكل بالتعب مغـروز باطرافـي

ثلاثين العمر .. وتمره الاعيـاد ماهـي اعيـاد
عثى فيها الهجوس المستميت الفايـق الغافـي

اشوف ان بيني وبيني .. منافي ماهي من بلاد
تلمسـت المـدى فيهـا لقيتـه خايـنٍ وافـي

ادورني ورا صدفة قـدر ابـرك مـن الميعـاد
زهابي وحدتي والبـرد مايفـرق عـن لحافـي

يمرنـي شتاءاتـي طويلـه مابهـا مـرقـاد
ولا المح غير بردي بالجهـات الاربعـه دافـي

مشيت واشعر بهذا الورق والمحبـره "احفـاد "
قصيدي هو عصاي و وش عليه ليا مضى حافي

تعالوا نطفي الشمع الكثير الحيـن يـا " اولاد "
عسى كل عام وايامـي كـذا طيـب ومتعافـي

قصيده يحتفل فيهـا الشعـور الحالـم ويرتـاد
اضاءات المساء اللي تعـل وتبحـث الخافـي

نقيضه للنفوس اللي امتلت خبث وحسد واحقاد
قريبه من مشاعر من سمع(مبـروك هاللافـي)

رماديه .. تشابه فـي تعبهـا ملمـح الاجـداد
وداعيه .. تشابه في عناها المدمـع الصافـي

انا ويني و وين الشمع .. والحفلات .. والاعياد
يارب العافيه .. ماغيرها مع ستـرك الضافـي

قصيدة اعجبتني..~؛"

نص وأختيار رائع
يعطيك العافية عالانتقاء
دمتي مميزة
بارك الله فيك